2019

Dette året var igjen Pukkellaks-år, så spenninga var stor før sesongen om vi fikk enno meir enn sist? Men det skulle vise seg at det ikkje vart den veksten som mange frykta, det kom nokre, men færre enn i 2017.

SNØ OG VASSFØRING

Vinteren tok tidleg slutt dette året, sjølv om det kom eit tilbakeslag med snø langt ned i fjellet den 31.mai, som vi ser under.

Men straks denne nysnøen smelta så var det minimalt med gammel snø igjen, som vi ser på bildet under tatt 07.juni.

Året starta med vinter og snø i januar som vart ganske nedbørsrik med 250mm nedbør, men når vi kom over i februar så tørka været opp og det vart ein tørr og fin februar med berre 99mm nedbør. I mars var det meir blanda med eit markert væromslag siste halvdel av månaden der elva steig fort opp ifrå ca.16 kubikk til ca.36 kubikk på grunn av 156mm nedbør og snøsmelting.

April var ekstrem tørr med berre 11mm nedbør, men rundt 20. april slo det om med varme og snøen i fjellet fikk føtter å gå på og elva gikk ifrå 14 kubikk 19.april til 33 kubikk 1.mai.

Då var det meste av snøen smelta og elva begynte å falle igjen ned til 18 kubikk midt i mai. Men mai var våt med 134mm og dette gjorde at elva steig opp igjen til 25 kubikk i løpet av dei neste 8 dagane. Men så vart det tørt og kaldt nokre dagar og elva stupte ned under 20 kubikk igjen og det såg ut til å kunne verte åpning på under 20 kubikk, men nedbør siste dagane gjorde at elva steig opp til 22 kubikk når sesongen starta. Men det var surt og kaldt med nysnø langt ned i fjella.

Juni vart ein grå månad med jevnt med nedbør. Det starta med litt varmare vær, slik at nysnøen smelta og elva steig til ca.26 kubikk der ho låg ei veke. Midt ut i juni var ho komen ned på 20 kubikk der ho stabiliserte seg før ho siste dagane i juni falt ned til berre 16 kubikk.

Juli starta veldig vått og elva steig opp til nesten 29 kubikk som vart årets høgast. Men då slo sommaren til og det vart sommar med minkande varm elv resten av juli og vi avslutta dermed juli heilt nede på under 10 kubikk, sjølv om det kom litt regn imot slutten av månaden. Totalt kom det 104mm nedbør.

August vart våtare slik at elva flata ut på 8 kubikk i 3 veker, for så å stige fint utover imot avslutninga 31.august som vart på samme som vi starta sesongen med, nemlig 22 kubikk. Totalt kom det 184mm nedbør.

September vart ganske våt med 228mm nedbør, noko som gjorde at elva gikk opp i 62 kubikk. Oktober var noko tørrare med 161mm nedbør, mens november vart ekstremt tørr med berre 38mm nedbør. Dette måtte vi betale for i desember då vi fikk 320mm, mykje av det i romjula.

FISKEREGLAR

Fisketida for laks og sjøaure i elva var som siste åra ifrå 1.juni til 31.august.

2 laks pr. fisker pr. ½ døgnskort og 4 laks pr. døgnkort. Med laks meinast frå og med minstemål. 2 halvdøgnskort på same sone etter kvarandre vert å rekne som eit døgnkort.

Totalkvote på 10 vill-laks over 3 kg pr. fisker i sesongen.

Minstemål for sjøaure / laks er 40 cm.

Kvote sjøaure: maksimum ein sjøaure pr. fiskar pr. halvdøgnskort, 2 pr. heildøgnskort.

Det skal takast skjellprøve av all fisk.

Hugs også å rapporter all fangst.

Gjenutsett fisk skal registrerast og rapporterast med omtrentleg vekt og lengde.

Kortpriser : kr.300,- pr halvdøgn, kr.600,- pr døgn. Medlemmer kr.100,- pr.halvdøgn

Det var også i år eit par endringar for fisket i Eidselva. På Bjørlo var no 2 heile stenger inne i samarbedet med Solbakken. I tillegg så trekte Måløyværingane seg ut av Sportsfiskelaget igjen, men det vart ein avtale der dei fikk 2 kort i helga, mens Sportsfiskelaget disponerte resten.

Den andre endringa var at Sportsfiskelaget igjen skreiv avtale med alle grunneigarane på Nor slik at dei med kort på Nor kunne fiske på begge sider.

ENDRINGER VED ELLER I ELVA

Hausten med alle flaumane hadde gått hardt utover brua nede på Bjørlo, og velta heile brua. Straks ny leigeavtale for fiske på Bjørlo var på plass, vart brua reparert av Eid Sportsfiskelag.

Tidleg i desember starta rivinga av dei gamle rørgatene mellom dammen og kraftverket i Kviafossen. Dette vart gjort fordi røra hadde masse lekkasjer som raskt vart dårligare slik at dei kunne utgjere ein fare for folk som ferdast i området. Foto: Fjordabladet

ÅRETS STØRSTE FISK

FISKET OG FANGSTSTATESTIKK

OVERVÅKING OG FORSKING

Også i haust vart det utført overvåkingsaktiviteter etter oppdrettsfisk i samarbeid med OURO. Forholda var vanskelige sia elva var flomstor heile hausten.

• Det vart også i år utført stangfiske, samt utsortering av oppdrettsfisk i fisketrappa i Kviafossen, av Eidselva Elveigarlag. Det vart totalt tatt ut 16 fiskar, 13 oppdrettslaks og så var 3 av dei avliva som var villaks. Timar lagt ned i dette arbeidet var 186t.

• NORCE gjennomførte drivtelling med 2 dykkarar den 15.okt i gode forhold. Dei talte 776 villaks og 9 oppdrettslaks, dei tok ut ein av oppdretterene.

Klikk på bildet for å få opp skjellprøverapporten for året ifrå Rådgivande Biologer AS. Her oppsummerer dei årets laks- og sjøaurefangstar, før dei set det i historisk perspektiv, og viser kurver for utviklinga både laks og sjøaure. Deretter ser dei på utviklinga for innslaget av rømt oppdrettslaks som ein prosent av skjellprøvene, og her ser ein også antalet skjelprøver pr.år. Til slutt ser dei litt på korleis veksten har vore i elva og sjøen, då meir på jevna enn spesifikt inn imot akkurat i år.