2010

Dette skulle vise seg å verte eit skikkelig tørt år, nedbørsmessig og då sjølvsagt også når det gjaldt vassføring i elva. På Eid vart det målt 1387mm nedbør for heile året, imot ein normal på vel 2000mm. Dette gjorde 2010 til det tørraste året sia 1996. Det var stort sett alle månadane som låg lavt, med eit par rundt normalen, mens juli var over normalen og blant dei våtaste månadane i året med 141mm. Berre mars og oktober bikka 200mm, mens novenber var 3.dje våtast med 168mm. Sjølv om det var tørt så enda fangstane med laks på eit normalt nivå med 1858kg. For sjøaure så fortset den dårlige trenden nedover.

SNØ OG VASSFØRING

Vinteren var veldig tørr og kjølig, og snøen låg mykje godt ifrå slutten på oktober 2009 til ut i april, uten at det vart noko store mengder med snø i fjellet. Dette året var også Hornindalsvatnet frosset, og det rekordlenge. Allereie i januar var det stor isgang i Honndøla og då vart det problem når isen kom ned og møtte isen i vatnet. Bildet under er tatt i starten på April når isen fortsatt var 30cm tjukk.

Og våren gikk mykje i det samme, kaldt og tørt, så elva toppa på vårflommen 23.mai med skarve 32 kubikk. Bildet under er tatt 30.mai og viser at det var lite snø i fjellet når fisket starta.

Etter flomtoppen falt elva raskt og var på åpninga nede på 23 kubikk. 2-3 dager etter åpninga steig elva 3 kubikk, så falt ho 5 kubikk på ei veke, og dette gjentok seg 3 gangar i juni, og gjorde at elva hadde ei slakt nedadgåande kurve. Rundt 22.juni bikka elva under 20 kubikk og no seig stort sett elva ned og ned utover.

I månadsskiftet juni-juli var ho nede på ca.16 kubikk. Men synkehastigheten hadde no avtatt så det gikk sakte nedover. Ved halvgått fiskesesong 15.juli så var elva nede på ca.13 kubikk. Og enno fortsatt elva vidare nedover til ho nådde ca.12 kubikkmeter den 18.juli. Det vil seie at elva heilt sia vårflomtoppen hadde lagt godt under det som kalles 25%-persentil, det vil seie at vi ligg under der 1/4 av åra det er rapportert for ligg, og då er vi pr. definisjon i eit tørt år. Men det skulle snu fortare enn nokon kunne ane.

Den 19.juli åpna alle himmelens sluser seg og i løpet av 2-3 dager så spratt elva opp i 31 kubikk, og plutselig var vi oppe over 75%-persentil, altså i dei 1/4 våtaste åra. Dette gav sjølvsagt fantastiske forhold i elva midt i ein tørr sesong, og det vart Klondyke-tilstandar i elva. Men som det ofte er på sommaren så slutta regnet og då falt elva nesten like raskt ned igjen, men hastigheta flata noko ut like før månadskiftet. Så når juli vart til august så var elva nede på ca 17 kubikk igjen. Herifrå gikk ho jevnt nedover ut til 20.august då ho botna på rundt 8 kubikk, noko som ho stabiliserte seg på ut sesongen. Så siste halve månaden så var det knapt forhold for å fiske på grunn av den lave vassføringa. Det tørre været fortsatte utover hausten og sjølv om det kom noko regn midt i september så var ikkje elva over 20 kubikk før rundt 28.oktober.

FISKEREGLAR

ENDRINGER VED ELLER I ELVA

Bygging av Storelvbrua i Hornindal starta på hausten 2010 og var ferdig sommaren 2011. Kvivsvegen og brua vart åpna i 2012. Forbygd lengde av elva er 125m på sørsida og 185m på nordsida, det meste av forbygginga er på nedsida av brua.

ÅRETS STØRSTE FISK

Årets største laks var på 15,6kg og det var Frank Yri som tok denne flotte laksen i Hammarshølen på Hjelle.

FISKET OG FANGSTSTATESTIKK

2010 var eit brukbart år for terten med 213stk, mens det var meir ein normalår for både mellomlaks og storlaks, med henholdsvis 183 mellomlaks og 74 storlaksar.

For sjøauren så enda det på 191stk, noko som har vore normalen siste 3 åra, men noko som er rundt 1/3 av dei gjennomsnittsantalla vi såg for berre få år sia, og det er ikkje meir enn 4 år sia det vart tatt godt over 900 sjøaurar.

OVERVÅKING OG FORSKING

Haustfisket etter oppdrettslaks

Klikk på bildet for å få opp skjellprøverapporten for året ifrå Rådgivande Biologer AS. Her oppsummerer dei årets laks- og sjøaurefangstar, før dei set det i historisk perspektiv, og viser kurver for utviklinga både laks og sjøaure. Deretter ser dei på utviklinga for innslaget av rømt oppdrettslaks som ein prosent av skjellprøvene, og her ser ein også antalet skjelprøver pr.år. Til slutt ser dei litt på korleis veksten har vore i elva og sjøen, då meir på jevna enn spesifikt inn imot akkurat i år.