1920-TALET

Steinkvelvingsbrua ved Tomasgard, som framleis vert nytta i riksvegsambandet Hornindal-Hellesylt, vart bygd i 1928. Stein til denne brua vart sprengt ut og henta med hest og slede i Hjellbakkane, ca. ein kilometer lenger oppe. Det kan elles nemnast at området omkring Storebrua hadde ein sentral funksjon i bygda, framleis kan ein sjå både mølle, sag, kraftanlegg og restar etter meieri og fleire andre funksjonar tilknytte vatnet som drivkraft.