TIÅRET MELLOM 1900 OG 1910

Heile det første tiåret i dette århundret var elva utleigd til Engelskmennene. Fisket blant bygdas folk var labert og interessa falt. Det var stort sett berre laksegardene i Kviafossen som fortsatt var operative. Her ser vi eit bilde ifrå fossen tatt i perioden 1902-1912, etter at brua var erstatta av brua på Nor, men før arbeidet med dammen har starta.

Det nye århundret vart starta med at to nye bruer over elva vart åpna. Den eine var i nedre del av elva og gikk ifrå Eksisplassen over til Nedre Os, dette var ei køyrebru som erstatta den gamle gangbrua. Brua vart åpna i 1902.

Andre brua som åpna i 1902 var i andre enden av elva, på Nor. Dette var første brua på Nor, og denne erstatta brua som gikk over Kviafossen, for å binde saman vegane på nord og sørsida av elva.