2011

Om 2010 var tørt så var 2011 tilsvarande vått. Ikkje sia 1990 har det regna så mykje på Nordfjordeid, med 2833mm så var det ca 40% over normalen. Det var vel kanskje 2 ting som var spesielt med nedbøren i år, og det var det massive regnet vi fikk i mars, april, mai som gjorde at elva var diger i 3 månader på våren. Og så var det dei enorme mengdene som kom når det først kom regn. Dette gjorde at elva var stor første 2 månadene i fiskesesongen, men så vart ho lita siste månaden. Fangsten vart veldig bra med totalt 2841kg med laks (offisielle rapporter), noko som er det beste rapportert i nyere tid.

SNØ OG VASSFØRING

Sjølv om det hadde vore mykje nedbør på våren, så hadde ikkje alt lagt seg som snø i fjellet, slik at snømengdene var ganske normale ved fiskestart. Her ser vi korleis det var 31.mai.

Gjennom vinteren så var vassføring ganske på normalen på 10-15 kubikk, men 20.mars slo det om og elva spratt rett opp på ca.46 kubikk, ho seig så tilbake ned imot 26 kubikk rundt månadskiftet då ho begynte stige og allereie 8.april så var ho 56 kubikk. Vidare utover i april så låg ho å varierte opp og ned mellom 50 og 60, men med ein liten svipp opp på 66 kubikk den 25.april. Mai gikk mykje i det samme, men no mellom 52 kubikk og 40 kubikk, men på samme måten så toppa elva på den 25., no mai, med 57 kubikk før ho falt fram imot åpninga som var på ca.44 kubikk. Etter åpninga seig elva oppover til 52 kubikk igjen den 10.juni før den starta eit langt og raskt fall heilt ned til 26 kubikk den 27.juni. Men då var det styrtregn igjen og elva spratt rett opp i 47 kubikk igjen når juni vart til juli. Samme gjentok seg, at etter toppen så var det slutt på regnet og elva stupte igjen.

Ved halvgått fiskesesong så var elva nede på ca.24 kubikk, og 3-4 dager etterpå så flata elva ut på knappe 20 kubikk. Men regnet var ikkje over og 24.juli spratt elva opp igjen c.10 kubikk til ca.28 kubikk. Når juli vart til august så var elva alt nede på ca.19 kubikk. Utover i august så var takta nedover lavare enn før i sesongen og det tok 14 dager før elva var nede på 10 kubikk. Der stabiliserte ho seg i 14 dager før eit nytt regnskyll fikk opp vassføinga til ca.19 kubikk med 3 dager igjen av sesongen.

Utover i september så var elva utrulig stabil mellom 15 og 20 kubikk før ho siste veka heva seg 10 kubikk og låg der til 3.oktober då ho smalt rett opp i over 72 kubikk og etter nokre dagar igjen opp til rundt 75 kubikk. Men etter ei veke med flom så seig elva jevnt tilbake utover hausten og gikk inn i vinterdvalen og 15 kubikk midt i november så steik ho igjen opp til 56 kubikk i månadskiftet til desember, så ned igjen til 20 kubikk like før jul og opp igjen til 52 kubikk den 27.desember.

FISKEREGLAR

ENDRINGER VED ELLER I ELVA

Allereie midt i januar var det kraftig isgang i Horndøla og heile nedeste del av elva vart fyllt opp av is i 2-3m høgde. På bildet ser vi ein gapahuk som nesten er vekk under ismassene. Bildet er lånt ifrå Fjordingen.

Like ved skulen på Grodås vart den nye gangbrua over Horndøla åpna. Brua er den mest spektakulære brua over elva med ein stålkonstruksjon som lener seg utover elva og held oppe brua slik at ein unngår påler eller søyler ned i elva. Foto: Stryvo

ÅRETS STØRSTE FISK

Dette året starta på best mulige måte for Gunnar Olsmo som etter berre nokre få kast kroka det som skulle verte årets største laks med sine 15,5kg. Kampen pågikk i 20 minutter og med fisken vel på land så vart det feiring og lite fiske vidare utover, noko som var vel fortjent.

Foto: Harald Kolseth / NRK

FISKET OG FANGSTSTATESTIKK

Det er ganske avvikande tall for kor mykje tert som faktisk vart landa dette året, bruker vi talla ifrå Eidselva.no så var det eit middels år, mens dei offisielle statestikkane sa dette var eit toppår. På mellomlaks så er dei meir enige om at det var eit skikkelig toppår med 333stk, mens for storlaksen så var det eit middels år med 82stk.

For auren så enda vi på mykje det samme nivået som i fjor med 229stk. Som vi då skreiv så er dette labert om ein ser nokre år tilbake

OVERVÅKING OG FORSKING

Haustfisket etter oppdrettslaks 

Klikk på bildet for å få opp skjellprøverapporten for året ifrå Rådgivande Biologer AS. Her oppsummerer dei årets laks- og sjøaurefangstar, før dei set det i historisk perspektiv, og viser kurver for utviklinga både laks og sjøaure. Deretter ser dei på utviklinga for innslaget av rømt oppdrettslaks som ein prosent av skjellprøvene, og her ser ein også antalet skjelprøver pr.år. Til slutt ser dei litt på korleis veksten har vore i elva og sjøen, då meir på jevna enn spesifikt inn imot akkurat i år.