2016

Dette var truleg første året at den største fisken tatt i elva vart satt tilbake med C&R, der var vel rykter om 2 fisker på 12-14kg som vart satt tilbake. Det vart i tillegg tatt minst 3 laksar på vel 10kg, kva for ein som var størst er usikkert, men uansett så vart det ikkje året for dei store. Totalt kom det 2047mm nedbør, som er heilt på normalen. Juni var veldig tørr med 42mm, ellers var det stort sett normalt.

Etter fjorten dagen med ok elv i starten så vart elva lita heilt fram til første veka i august var over, derifrå og ut sesongen var det godt med vatn.

Total laksefangst enda på 2118 kg som er litt over normalen. For sjøauren så vart det eit kriseår med berre 93 aurar tatt.

SNØ OG VASSFØRING

Elva var lita heile våren, og sjølv om det vart noko varme så kom elva aldri over 32 kubikk før sesongen starta, så derfor så var det ein del snø igjen i fjellet på åpning. Bildet er tatt 28.mai.

Elva hadde vore lita heile våren, men med mai så kom litt varme og 12. mai kom elva opp i 32 kubikk, som ein foreløpig topp. Så duppa elva ned igjen til rundt 23 kubikk før den snudde opp igjen imot slutten av mai og i månadsskiftet når sesongen starta så var elva oppe på 32 kubikk og var stigande. På dag 3 nådde ho toppen på over 35 kubikk. Etter det fikk vi ei lang periode med fallande elv, først raskt, men ifrå ca.15 juni så sank elva i eit litt roligare tempo. Rundt 25 juni så kom det endelig ei endring, når elva var nede på 17 kubikk, men dessverre å gikk ho berre opp eit par kubikk. Men det holdt elva fram til det vi gikk inn i juli, slik at ho då var nede igjen på 17 kubikk. Juli starta med jevn nedgang dei første 15 dagane, slik at halvveis i sesongen så var elva nede på 13 kubikk.,

Men no vart det jevnt med regn som holdt elva ganske konstant på ca.15 kubikk heile resten av juli. Første veka i august så fallt elva jevnt og vi fikk årets lavaste vassføring rundt 7.august på ca.12 kubikk. Men då kom regnet for alvor og elva begynte å stige jevnt. Først til 23-24 kubikk der ho stoppa eit par dager før ho fortsatte oppover til ca.31 kubikk rundt 13.august. Deretter vart det godt vær og elva stupte ned igjen til ca.15 kubikk den 25.august. Då kom det ei skikkelig byge og løfta elva til ca.22 kubikk som ho låg på siste 4 dagane av laksesesongen. September starta med at elva steig rett opp på ca.36 kubikk. Oktober var veldig tørr, mens det var noko meir nedbør i november og elva kom dermed heilt nedimot 14 kubikk igjen i slutten på november. Desember vart veldig våt og elva kom heilt opp på 66 kubikk den 10.desember.

FISKEREGLAR

Fisketida for laks og sjøaure i elva var som siste åra ifrå 1.juni til 31.august.

ENDRINGER VED ELLER I ELVA

Det vart før sesongen starta satt opp ei ny bu i Øvre Malakof, som erstatning for den gamle som etter kvart hadde sett sine beste år. Bua står på samme stad som den gamle.

ÅRETS STØRSTE FISK

FISKET OG FANGSTSTATESTIKK

2016 vart eit brukbart storlaksår med 71 storlaks, eit godt mellomlaksår med 252 mellomlaksar og eit medio år for terten med 147stk. Det er noko litt rart med dataene, truleg er dei korrigerte for seint innkomne fangstar, men samtidig så stemmer ikkje dei talla på Eidselva.no heilt likevel.

OVERVÅKING OG FORSKING

Det vart i sesongen tatt minst 23 oppdrettere. I fisket etter oppdrettere på hausten vart det tatt ut 31 oppdrettere før OURO var der på telljing. Då vart det observert 25 oppdrettere. Etter telljinga vart det tatt ut enno 21 oppdrettere ved fiske, slik at det totalt vart tatt ut minst 75 laks. Med det som vart observert så var det minst 79 oppdrettere total i elva, men truleg var talet ein god del høgare, då drivtelljing har ein god del usikkerhet i seg, og det er tvilsomt at alle dei 21 laksane tatt etter telljinga var fisk som vart observerte på telljinga. Dette spesielt sia fisket seint på hausten kun føregår i nedre del der det er lite eller ingen villfisk, og at ein der finn oppdretterene nygådde og sultne. Under ser vi ein oppdretter tatt på årets siste dag nede på Øvre Os.

Klikk på bildet for å få opp skjellprøverapporten for året ifrå Rådgivande Biologer AS. Her oppsummerer dei årets laks- og sjøaurefangstar, før dei set det i historisk perspektiv, og viser kurver for utviklinga både laks og sjøaure. Deretter ser dei på utviklinga for innslaget av rømt oppdrettslaks som ein prosent av skjellprøvene, og her ser ein også antalet skjelprøver pr.år. Til slutt ser dei litt på korleis veksten har vore i elva og sjøen, då meir på jevna enn spesifikt inn imot akkurat i år.