I år har eg ikkje hatt snøre i vatn i det heile før åpninga på laksesesongen, det har vore knapt med sjøvær og etter at januar var ferdig så har det vore så mykje sil i sjøen at fisken ikkje har bite.

Vinteren var stort sett fin for oss på land, med mykje opphold og kjølig vær. Det låg mykje på nordleg retning med snøbyger, eller meir på nordaustleg retning med meir opphold. Det var mykje snø i ytre strøk, men mindre i indre og ikkje minst i høgareliggande strøk var det lite snø.

I år har kameraene i Eidselva vore i gang heile vinteren, og det som ifrå utsida virker som ei elv i vinterdvale der lite eller ingenting skjer har vist seg å være totalt feil. Det har nesten ikkje vore ein dag uten fisk på kamera, det være seg fisk på vei ut og sjøaurar som er oppe for avlusing. I juletider gikk det ut mykje fisk, så vart det roligare på kamera, men vi var inn å såg til vognene i slutten av januar og stakk då bortom Skipenesbrua. Der stod det ca.20 fiskar bakpå hølen, noko støfisk og ein del nygådd sjøaure. Så sjølv om dei ikkje var innom kamera så var dei der.

Vi venta og venta på å få sjå første nye laksen, det gikk rykte om ein observasjon rundt 20.mars, men første mistenkte dukka opp i bakgrunnen av bildet på Staten-kameraet sammen med eit par støfiskar natt til 20.april, og dagen etter var Endre nedom brua for å sjekke den ut. Då for fiskane bakover hølen til det vart så grunt under buken at dei fikk panikk og raste fram igjen i hølen. Laksen kom fram til brua, kika seg liksom rundt og skaut fart igjen under brua. Så på kamera var den ca.2 sekunder, så hadde vi ikkje visst akkurat kva klokka var så hadde vi truleg aldri funne den på filmen. Laksen var ein stor hannlaks med stor bollenase, ein av småkongane i elva på rundt 15kg. Og då gikk det ikkje mange dagane før neste kom, og like etter kom første stimen og før vi hadde runda 10.mai så var det nesten dagstøtt laks på kamera. Etter kvart vart det synleg for alle at det hopa seg opp med fisk nedanfor den nye brua. Det vart i fjor innført slukforbud på grunn av tilfeller av rykking, men likevel vart vi overraska når reglane for 2023 kom der Bruhølen var stengt for alt fiske. Utover mot slutten av mai skulle det vise seg at her var elveeigarane framsynte, for etter kvart vart det meir som ei oppdrettsmerd med store mengder fisk. Det var masse sjøaure som vart tvinga tilbake fulle av lus, men også mange mange laksar. Siste veka før åpninga stod det sikkert 100 fisk totalt, der ca.30 var laksar.

Av andre endringer før sesongen så vart heldigvis sjøauren freda, og med tanke på korleis dei såg ut når dei vart tvinga tilbake i mai så var det godt. Dei var heldigvis i godt hold, sikkert på grunn av mykje sil i sjøen, men dei var fullstendig overgrodde med lus. Vi får håpe dei får kvitta seg med lusa og grodd såra før temperaturen går opp og dei vert meir utsatte for soppangrep.

Trekninga av kort vart ingen stor suksess for min del med kule nr.28, men skal ikkje klage når eg likevel fikk førstevalget, Staten ifrå starten. Då var Inge meir uheldig og måtte ta til takke med ettermiddagskort, men han fikk Staten som han ønskte, berre 14t for seint.

Været i mai hadde vore katastrofe for dei som hungra etter våren, med berre nokre få dagar over 15 grader, mens dei fleste var nede på eit siffer og ofte under 5°C. Sludd og regn, hagl på 17.mai og berre nokre få vårdagar helga etter 17.mai. Altså veldig bra for ein laksefiskar som vil spare på snøen i høgda. Og i år kom det godt med, for når det hadde vore lite nedbør så snømengdene var langt under normalen, trøsta var at når det hadde kome noko så var det så kaldt at det var omtrent like mykje på 500m som på 1200m. Men den våte og kjølige mai månaden gjorde at mykje av den vart bevart fram imot åpninga. Det gjorde også at elva steig fint og rolig opp ifrå 13 kubikk rundt 5.mai til nesten 40 kubikk 28.mai. Men det var kaldt i vatnet, 24.mai gikk ho under 5 grader og fram til 31.mai låg ho stort sett på 4,2-4,3 grader før ho då steig til 5 grader.

Elva var flotte 37,7m³/s, men berre 5 grader varm, været var vestleg med regnbyger og litt skodde i fjella som letta når bygene dreiv vidare. Mellom bygene var det fint.

Eg møtte Irvin nedpå Staten ein halv time før fiskestart for ein kaffi og ein prat før alvoret starta. Han ville prøve nedre, så eg fikk øvre del for meg sjølv, for dei 2 andre var ikkje der ifrå starten. Inge for fram for å fiske over på Nor i mangel på kort nede i elva.

Eg starta foran brua saman med Platou på andre sida, men det var dødt for oss begge der. Mens han gikk nedover så gikk eg opp i øverste for å prøve der. Også her var det dødt, til eg kom langt bakpå, her var noko bortpå fluga og slo til den, men den tok ikkje. Truleg var det ein mindre aure eller ein yngel, men det kunne vore større fisk.

Etter å ha fiska over her så gikk eg i bua igjen og drakk kaffi med Irvin og Inge. Det var kjølig så vi hadde best tru på morgenen, så når klokka var 2 så var eg komen under dyna.

Var tilbake ved elva ca.kl.7 og starta med å fiske over foran brua. Starta med korte kast og auka lengda etter kvart til eg var komen bort til brygga på Skipenes før eg begynte å fiske meg nedover. Drog ut litt til og la fluga nedom brygga og fiska meg nedover. Nede på kanten stoppa plutseleg fluga og snøret stramma seg opp. Eg slapp lausbukta og letta stanga, men då var der ikkje noko. La fluga bort igjen fleire gangar, men den kom ikkje igjen.

Tenkte prøve framme igjen, men det stod folk på andre sida, så eg køyrde ned og fiska Malakoff og Solheimslandet med makk, men det var heilt dødt.

Køyrde opp til brua igjen, og mens eg stod her så beit det på andre sida av elva. Gjorde meg ferdig med det eg holdt på med og labba meg over brua for å bistå med landinga når også Inge kom køyrande. Fisken hadde tatt på inntrekk og vart køyrd rolig og forsiktig og etter nokre minutters kamp så kunne eg håve ein flott laks på 6,2kg. Spørs om det kan ha vore denne som drog i fluga mi 1,5t tidlegare på same plass.

Fortsatte å fiske både oppe og nede på sona, men på vår side ville fiskane ikkje bite. Med unntak av ein aure på ca.35cm som tok i renna nedanfor Skipenesbrua. Eg holdt ut til klokka var halv 2 uten at det var liv å sjå eller kjenne.

Det vart tatt 2 laksar på 5kg ved hytta i Malakoff klokka 09.30 og 11, der den siste var nr.14 i rekka på åpningsdøgnet, og etter dette vart det veldig rolig i elva og berre 3 fiskar til vart tatt i heile elva åpningsdøgnet. Så totalen på åpninga vart 17 laksar, 1 på Nor, 3 på Bjørlo, 2 på Alsaker, 1 på Rotineset, 3 på Langeland, 2 på Roti, 1 på Stokkenes og 1 på Åbrekk og 3 på Skipenes. Største laksen fikk Svein Aam på Alsaker på 11,7kg. I tillegg vart det tatt ein sjøaure.

Inge fiska 5 minutt på Depotet på Nor kl.00, han fikk 2 Honndalskreder som vart satt tilbake. Men spørs om ikkje han burde satsa meir i Dammen sia der vart tatt fisk på kvelden. Endre fiska Bjørlo nokre timar, men kjende ikkje liv. På ettermiddagen fiska Inge altså Staten, men det var heilt dødt.

Andre trekninga var ikkje så mykje betre, men i mangel på nokon betre plan så hadde eg gått for ein dobbel på Staten. Hadde lagt meg kl.20 etter den litt korte førstenatta i køya, så eg vakna igjen kl.03, men det var iskaldt ute, så eg drøya å stikke nedover til klokka var halv 6 når sola hadde begynt å varme. Likevel var det berre 1,9 grader under vogna og på markane var det rima.

Starta igjen foran brua med fluga, men også i dag var det dødt. Ville ned å prøve nedre før floa kom og fiska over der. Skifta så på å fiske oppe og nede gjennom heile kortet, men det var heilt totalt dødt. Hadde håpt det skulle hjelpe å patruljere Malakoff jevnleg sia der vart tatt 2 laksar dagen før, men nordavinden gjorde at den kneip igjen munnen. Det stod mykje fisk i alle hølar på morgenen, men det hjalp ikkje at dei måtte flytte på seg. Kun 3 fiskar vart tatt dette halvdøgnet i heile elva, og ingen av dei var her nede. Inge fiska Stokkenes, men han var ikkje så ivrig og kjende ikkje liv.

Mens Endre og Inge fiska Bjørlo så prøvde eg Langeland. Her hadde Henning vore i elva etter trekninga og fått ein flott laks på heile 13,1kg på sluk. Når eg kom ned i 16-tida så var det skikkeleg frisk vind, men mellom vindråsene så såg eg at det stod masse fisk i djupet bakpå hølen, nokre skura også lus, så eg hadde veldig god tru. Men eg bytta på å fiske innløpet og bakpå brekket om ein annen, med både fluge og makk uten at det vart fisk. Var kanskje borti noko bak i bakken, men kom ikkje igjen. Snakka med Inge og avtalte middag kl.19. Var tilbake i elva kl.20.30 og fortsatte samme runddansen som før middag, men det var like dødt. Såg ein fisk som var oppe bakpå, det var einaste livet for heile kvelden.

Andre helga var det slektsstemne i Gjerdsvika og fotballcup i Gursken, så var ikkje innafor. Inge greidde ikkje å rive seg vekk ifrå elva og fiska 2 Bjørlokort og ein morgen på Staten, men til tross for at elva var 28 kubikk og temperaturen hadde krøpe opp til 8-9 grader så var ikkje fisken i bittet i det flotte været.

Torsdagsmorgenen åpna småelvane rundt om, dei fleste plassane var det litt lite vatn, men dei med høgt nedslagsfelt hadde ein del smeltevatn. I Ørsta vart det landa berre 4 laksar, i Bondalen var det betre med 26 laksar og i Stranda 16 laksar

Fredagen passa eg Lilly til klokka var vel 17 så var innkomen rundt kl.19. Åpna telt og vogna for å lufte ut varmen, og mens det kolna så tok eg runda nedom bruene. Der stod det godt med fisk på Skipenesbrua enno. Floa var i halv ellevetida så hadde litt tru på at det ville kome og gå fisk på elva. Varmen hadde gjort at elva hadde flata ut på 28 kubikk.

Inge fiska Bjørlo på kvelden, men klokka var over 21 før han for ned fordi det var så varmt at det gikk knappast å bevege seg. Men etter å ha fiska over Kastehølen ein gang så friska det på med vind og skodda kom veltande over Tua. Etter litt vart vinden så frisk at det ikkje gikk å fiske normalt, kaldt vart det også så Inge tok tidleg kveld.

På trekninga neste morgen var det valgets kvaler, oppe i elva for å fiske på gammal fisk eller nede og håpe på ny fisk. Det vart eit kort på Bjørlo, mens Inge for på Moen. Seinare ville Inge ned å kjøpe seg eit morgenkort på Skipenes i tilfelle det gikk fisk. Eg for på polet og når eg kom tilbake så hadde han kjøpt eit til meg også.

Det vart etter kvart uutholdeleg varm og det vart ein veldig rolig dag, men utover ettermiddagen bygde det seg opp litt torden. Vi haurde det buldre, men det kom ikkje over fjellet. Etter at landskampen var ferdig kl.20 så bygde det seg opp igjen og begynte å drople, så eg kledde meg opp og for i elva. Vebjørn skulle også fiske Bjørlo og kom i det eg akkurat hadde starta i innløpet med fluga. Etter kvar si runde tok eg ei runde med makken, det var noko bortpå å plukka, men vanskeleg å seie kva, men noko kjendes ut som laks og anna som aure. Det vart no litt meir dropling, men tordenet tørka ut og det same virka det som at regnet skulle gjere.

Vebjørn gikk ut igjen med fluga, mens eg tok makken og gikk i Svarthølen. Eg starta i innløpet og fiska meg bakover, men det var dødt. Gikk rundt bakevja og fiska bakpå hølen. Starta kort og auka lengda. Rett framom steinen midt i hølen var noko bortpå å plukka, ganske forsiktig så eg venta lenge før eg slo til og fisken sat. Ut ifrå at den var så forsiktig så trudde eg det måtte være ein aure så eg venta berre på at den skulle kome opp i overflata og rulle seg, men den kom aldri. Men den kjempa heller ikkje så hardt imot, så tenkte kanskje at det kunne være ein tert. Fisken kom over på rett sida av straumen og inn i bakevja, og då vart den hardare å handsast med. Den blenkte eit par gongar så eg såg at det var ein laks. Den var hard å få ut av bakevja og fleire gangar raste den ut igjen, men etter 3-4 minutt så tagna den og eg kunne dra den frampå grusen.

Laksen var ein fin hoe på 5,5kg og 85cm med 3-4 lus som falt av under vask.

Vi fortsatte, men det vart så innmari med mygg at det var nesten uutholdeleg. Eg gikk ei runde på Utfalle som no var perfekt, men det var dødt. Vebjørn fikk nok av myggen rett før det mørkna og for heim, mens eg vod ut for å sjå om det var betre uti. Litt betre var det, men ikkje all verden. Men når mørket kom så gav heldigvis myggen seg og eg fortsatte utover. Litt over kl.1 hoppa det ein fisk langt bakpå innløpet så eg vod meg ut å fiska over igjen. Straks eg kom bak kanten var noko bortpå å firla litt, eg gav slakke, men når eg letta stanga så var der ikkje noko. Fiska over resten, men uten resultat. Sat ei stund å lurte på kva eg skulle prøve, men klokka var så pass mykje at eg tenkte det var like greitt å stable seg opp igjen. Om det vart nok tid så kunne eg fryse laksen, men oppe i bilen var det berre vel 10 minutt til kortet på Stokkenes starta, så for direkte ned.

I det eg kom ned til Åbrekk så gikk ein kar ned på Skipenes for å fiske Åbrekkhølen. Då forsvant egentleg all tru. Vel nede så var vedkommande komen ned til Førstesteinen og stod og hala og drog på nokre greiner bak seg oppi ei bjørk. Eg begynte å fiske over i det Inge kom, han hadde vore i Myrahølen å fiska over, men det hadde vore dødt. Det var det både når eg gikk over og når Inge kom ei ny runde bak meg.

Etter ein kaffi gikk eg over med makken, var noko som plukka langt bakpå, men trur det var ein aure, den kom i alle fall ikkje igjen. Inge gikk ei runde til og eg prøvde så vidt makken i fremre del, men sleit så då pakka vi sammen og gikk. Inge fiska over igjen i Myra sia bilen stod der, noko drog lett i fluga, men han trudde mest på småfisk.

Når vi stod opp igjen så var det 28 grader så det var uaktuelt å stikke ned å fiske over igjen før kortet var over.

Fjerde helga skulle eg ha Lilly igjen, men mora var bursdag, så ho vart der til laurdag. Stakk til Bondalen med tanke om å prøve, men det var lite vatn så vart ikkje til at eg prøvde. Vi for så til Eid sia eg skulle ha bilen på service på mandag. Inge fiska 3 kort, Kvien, 2xBjørlo, men kjende ikkje hugg. Samme med Asbjørn og Atle som fiska Alsaker. Været var nydeleg så eg prøvde ikkje.

Etter EU-kontroll på mandag så pakka vi i bilen og for heim og pakka for ei veke til Lillehammer. Jobba så resten av veka mens eg hadde Lilly, og etter å ha levert henne til mora laurdag morgen så bar det til Eid med Mercedesen, mens Dina køyrde Skodaen. Dette sia Merc'en skulle på service mens vi fær til Driva. Det var tropevarme, så holdt meg heilt i ro og berre samla krefter med Tour du France.

Etter å ha pæsa i varmen heile dagen så tenkte eg at å kjøle seg ned i vaderene kunne være greitt. Fiska over framme og så prøvde eg på murane, sjølv om eg berre vod langt nok ut til å klare å fiske derifrå. Flytta så ned og fiska over nedre, men det var heilt dødt. Etter å ha site å kika etter liv ei stund så hoppa ein liten blank fisk i innløpet, trurleg ein liten aure, men tenkte at det kanskje var noko større sammen med den, så eg gikk å prøvde framme ein gang til, men det var fortsatt heilt dødt. Såg nokre større fiskar nedpå, men dei låg berre å vaspa oppi så dei var ikkje på gang framover.

Det hadde vore meldt regn ifrå ca.kl.15 i eit par dagar, så eg var litt usikker på kor mykje vits det var å fiske denne dagen om det vart så lite som det var meldt. Men like etter eg vakna, kl.07.20 så kom første dråpen på taket, og trua steig. Utover formiddagen tjukna det til på radaren sør om oss og det trakk nordover, og dermed så kom eg til at eg måtte prøve.

Hadde blinka meg ut eit kort på Bjørlo, men det var eit framandkort så eg måtte vente til kl.14 før eg fikk kjøpt det. No kom det meir regn mens eg åt og gjorde meg klar, så når eg tok laust så hadde det letta opp og det hang lakseskodda i alle fjella rundt, noko som boosta fisketru enno eit hakk. Parkerte nede ved Måløyhytta og fiska meg nedover. Alt ved Dynga hadde eg svettebråt og dermed så prøvde eg der, men det var ikkje noko. Men var alt så svett at eg måtte kaste jakka. Helljå gav heller ikkje fisk ifrå seg i dag. Nede på Øyrane traff eg ein annen fiskar og vart pratande ei god stund før eg fiska over med både makk og fluge, men det var heilt dødt.

Når eg kom ned til Daniel så gikk eg over med fluga først, men dødt. Bytta så til makk og hadde akkurat begynt framme når det kom to karer på Alsaker, fiska meg nedover imot hola, mens dei to karane stod å fiska bakpå hola og nede på Sanden. Var nokre smånapp foran hola, men var sikkert småkreder. No begynte det å regne igjen mens eg gikk opp igjen.

Etter ein pust i bakken ved Måløyhytta pakka eg lett og tok med berre fluga framover. Fiska først Ny-Ledet, så gikk eg i Linja før eg kom ned i Hjellehølen. Denne fiska eg over 2 gangar med ei god pause mellom, men hverken såg eller kjente noko. Prøvde så i Forbygginga, det var ein skvett langt bakpå og bortpå i det ein mindre aure bomma på fluga, men ellers var det heilt dødt også her. No var eg klisj våt og svolten, så labba meg ned igjen i regnet og køyrde fram igjen. Det fortsatte å regne og skodda låg tjukk heilt ned, så eg holdt meg i vogna og satsa heller på morgenkortet på Staten.

Når eg la meg etter fotballkampen der U19 gikk til semifinale i EM så var det kome 4-5mm regn. Klokka 01 vakna eg av at alle himmelens sluser åpna seg. Det samme skjedde kl.03 og kl.04. Eg stod opp når klokka var 05, men det dropla enno så stressa ikkje til tross for flo kl.06. Det begynte å lette like før kl.06 når det hadde kome 22mm nedbør, så då gjorde eg meg klar og var komen i elva kl.06.30.

Elva hadde no lett cognacfarge og floa gikk fortsatt fram om brua, men starta likevel foran brua med fluga, så ei runde med makken, men dødt med begge deler.

Gikk så fram og fiska fremste hølen, men her var det berre aure som plukka. Prøvde Hesten på vei ned igjen, men også her var det berre kreder som plukka. Hadde egentleg gitt opp, men slengde eit kast til bort bak bakevje og i det eg kom i botn så nappa det hissig. Eg letta stanga raskt men forsiktig sia eg tenkte det var ein aure til. Søren fisken vart fast, men den kjendes ikkje så stor ut, så var sikker på at det var ein aure. Eg begynte å krype meg ned plastringa for å kunne håve den, men fisken var slapp og den låg og vaspa oppi. I det eg drog den inn i håven såg eg at dette ikkje var ein aure, men derimot ein micro-tert. Fisken hadde stått i elva ei stund og hadde lett lilla skjær, og var dermed lusefri. Laksen var berre 47cm og vog berre 680g.

Fiska så over foran brua igjen med fluga etter å ha sett ein fisk der ifrå brua, gikk så nedom brua og fiska renna, det var ein fisk oppi bak fluga når eg drog inn ekstra fort, men den kom ikkje igjen. Fortsatte nedover til Ladehølen, men her var det dødt. På vei fram igjen var eg bortom brua, men no var elva så brun at eg ikkje såg noko.

Gjentok samme prosedyre med makken, foran brua, så renna og her tok ein mindre aure på ca.35cm som vart satt enkelt tilbake då den berre hang fint i leppa.

Drog over ein gang til med fluga, men som før var det dødt. No begynte det å kome så mykje Cruiseturister som labba rundt over alt at eg berre pakka sammen og gav meg.

Denne natta hadde det regna 14 nye millimeter, så vi håpte på gode forhold og mykje ny fisk, men så feil kan ein ta.

Eg for i elva like etter kl.18 når eit skikkeleg regnskur var over. Starta på Pinå og etter nokre få kast så drog det i flugesnøret, eg slapp lausbukta og løfta stanga, men då var der ikkje noko. Mens eg stod her å fiska i flott motsol så kom plutseleg Endre vadande over elva heilt bakpå pinå. Etter å ha fiska over hølen med fluga så prøvde eg nokre kast der eg var borti fisken med makken, men sleit etter ei stund så då gikk eg ned i Reitehølen for å sette opp leir.

Endre hadde tatt med feil stang så han gikk heim å henta den rette pluss eit par andre ting. Så gikk han fram på Pinå mens eg gikk nedover. Endre var også i fisk på Pinå, men mykje lenger nede, og seinare fikk vi vite at enno ein fiskar var i fisk på same plass, men ingen fikk dei fast.

Eg fiska Leirhølen med makk, så øvre og nedre Ny-Ledet med fluga og deretter med makk, men det var dødt så eg gikk opp igjen. Møtte Endre på veien, som ville fiske seg ned til Hjellehølen.

Eg fiska Reitehølen eit par gangar, men Endre kom ikkje opp igjen, så eg pakka sammen og gikk opp i øvre for å rekke å prøve makken før det vart mørkt. Fiska Granhølen på veien, men det var dødt. Fiska så nokre få kast med makken i Kastehølen før det vart for mørkt. Fiska så Svarthølen uten å kjenne noko, så fiska eg innløpet på Kastehølen og no hoppa det ein stor fisk, men eg kjende ikkje noko av den. Så kom ei regnbyge før eg fiska Utfallebakkane med fluga, men det var dødt. Det drog ut før Endre kom oppover så eg fiska innløpet ein gong til. Klokka var no snart 01.30 når Endre kom. Han fiska over Svarthølen, mens eg tok innløpet igjen. Etter dette prøvde Endre Utfallebakkane, men no hadde det vore heilt dødt sia det regnet passerte. Vi gav oss kl.02 når kortet var over.

Dagen etter vaska vi kameralinsene og tok på land båten før Malakoff, før eg for fram igjen og pakka sammen. Men det regna trollkjerringar så fikk ikkje pakka i bilen før kl.23, så var ikkje heime før kl.01.