2021

17.04	Siste åra har fiskesesongen starta med sjøturer med Inge, og så også dette året. Det meste av torskesesongen var Inge i Tyrkia på jobb, så når eg fikk være med så hadde det meste av ferdatorsken reist. Inge hadde vore på sjøen siste dagane, men fisket hadde vore elendig så han ville ikkje love noko bråtfiske. Men eg lurte på om det ikkje var sei å finne ein gong, men det hadde vore kun nokre få han hadde hørt om. Vi tok laust like før kl.06 og sikta oss rett på ei sei-mèd nord for Muleneset. Der fann vi ein flekk og i løpet av 10-15 min så hadde vi drege oss ca.10 flotte sei. Vi leita litt rundt og fann nokre til før vi seig nordover til Flønesgrunna, her var det masse å sjå, men det var berre pale. Fann ein liten flekk nord i kanten som vi drog eit par fine ifrå. Så seig vi sørover imot Brækjen, kika på innsida der torsken stod tidlegare i vinter, men det var ikkje igjen noko av den. Fann nokre lyr og hyse vest og sørvest for Brækjen, men det var labert. Så vi seig sørover og inn i Svartskjerbakken, før vi gikk inn å prøvde litt på Skorpeflata, men det var dødt. Lodda oss sørover til Hidsneset, før vi kjørte oss inn på vikja der Værnes låg og sprette nokre få sei. Vi såg ikkje noko der heller, så vi gav oss og tok tidleg fri. Var opp til Inge å fileterte før det var inn til gamlefolket å pakke fisken, og koke ein fantastisk seibiff.
Mai	Vinteren starta med ei våt jul, men allereie til nyttår tørka det opp og vart meir stabilt vær, og det nye året vart innvia med kulde, barfrost og skøyteis. Etter 14 dagar så kom snøen og vi fikk ein god månad med nydelig flott og kaldt vintervær. Blant anna var eg og Lilly på skitur på Hareid i -17°C. Men etterkvart kom mildare vær og snøen smelta i lavlandet. Til påske var det bært så høgt at Bondalseidet var stengt, med klar margin. Men rett etter påske slo det om og det vart full vinter igjen, og allereie 10.april var det kome 193,5cm snø på Bondalseidet. Det skulle vise seg at det vart den mest snørike delen av vinteren. Ej og Lilly starta campingsesongen 1.mai, og på vei innover så var det høge brøytekantar og masse snø over Aldalen. Når vi kom inn så måtte vi starte med å måke 10cm snø av platten, den såkalla Gjerdebreen, samme var det hos Inge og Refsnesbreen. Været hadde no slått over på nordøst med flott, men kaldt vær. Snømengdene hadde vore veldig lave, men siste tida hadde betra det, samt at det kjølige været bevarte den, så no var vi ganske nær eit normalår på NVE si oversikt, men problemet var at snøen var fersk og hadde ikkje fått breda seg som i eit normalår. Helga vart brukt til å sjekke ut framgangen på nyebrua på Skipenes og ein flott tur med Endre til Gildra og reiene der som Lilly likte veldig godt. Bygginga av den nye brua, samt at elva var veldig lita gjorde at det vart lite observasjonar av fisk i elva, men når godværet kom og elva gikk opp litt rundt 8.mai så vart dei første laksane observert. Og etterkvart utover mai gikk det fisk jevnt og trutt. 15.mai var ho oppe i 25 kubikk og nokre dagar seinare toppa ho på 30 kubikk og 25.mai var ho nede på 26 kubikk igjen, der ho flata ut når det vart varmare. 15.mai var vi tilbake på Eid, og då var det oljing av platt som stod på programmet. Dreiv å talte alvorlig på knappane for om eg skulle bytte vogn når teltet var gåent, men i mangel av gode plassar så vart det til at eg vølte på den gamle vogna og platten. Denne helga hadde Endre fått klar flåten for pukkelbekjempelse, så denne vart prøvekøyrd med å ta opp skrap i Hesten. Inge stilte med heilgrilla kveite og livet var herlig. Helga etter var det endeleg klart for årsmøte i Sportsfiskelaget, noko som vart det raraste årsmøtet eg nokon godt har vore med på. Ikkje vart det framlagt årsberetning, ikkje var eit forslag ifrå valnemnda klart og ikkje var nokon av sakene forberedt. Der med var det kun rekneskap som vart framlagt. Det enda sjølvsagt med at dei som sat igjen i styret trekte seg. Inge stilte laurdag med ei ny kveite, no partert og enno mykje betre enn sist. Inge og grill vert magi. Siste helga i mai var det trekning og Lilly ordna eit greit utgangspunkt for meg med kule nr.9, og dermed så vart det Bjørlo på meg på åpninga. Inge svinga sammen ein skikkeleg Bacalao i kjent stil
01.06	00-14 Bjørlo Eidselva	Sia åpninga i år var på ein tirsdag og eg hadde eit møte i Ulsteinvik som krevde oppmøte så måtte eg komme innover på ettermiddagen. Inge var igjen etter helga og hadde filitert og gjort klart min 5 kilos flugelaks ifrå Kastehølen i fjor. Været var nydelig med 25 grader og vi sat på platten hos Inge og åt med Endre, Sindre Mo og dei som skulle være på Alsaker. Inge skulle starte på Kvien. Etter maten så var det full fart med å gjere seg klar og komme seg ned i elva. Eg hadde i helga bestemt meg for å kun fiske med fluge, sia elva då låg på 13 grader, men mandag formiddag var ho nede på 5 grader. Litt utpå dagen hadde ho steget til 6 grader, så då rauk flugeplanen, dette vart makkeforhold. Elva var no nede i 25 kubikk. Hadde blinka meg inn på fremste biten i starten, men når eg kom ned til dynamittlageret så stod der 3 bilar, så eg vart skeptisk, men sjekka med Asgeir Skrede som kunne bekrefte at det var berre han som var der. Forresten så er det 3dje år på rad at vi fisker sammen på åpninga, heilt tilfeldig. Vel nede så kunne dei berette at ein aure var observert, men ellers var det rolig. Eg målte temperaturen og vart beroliga når den viste 8 grader, då skulle det være mulig å få fisk. Sia det var folk i Svarthølen, utløpet på Kastehølen og på Utfalle ifrå andre sida så venta eg til Asgeir hadde fiska over innløpet før eg starta med fluga. Asgeir hadde på og mista ein Honndalsaure, mens for meg så vart det med eit lite plukk ifrå ein aure. Eg fiska vidare bak på utløpet og litt seinare på Utfalle, men det var dødt med oss alle. Asgeir gikk nedover i 2-tida, mens eg tenkte at eg skulle holde ut til det vart lyst, spesielt sia eg no var aleine då alle på andre sida hadde forsvunne. Så eg prøvde eit par gangar i innløpet med fluga. Det hadde kome inn bilde ifrå Sindre Mo om at han hadde fått seg ein fisk på 8,7kg, men ellers var det veldig stille. Eg starta med makken når klokka var ca.3 og det hadde så vidt begynt å lysne. Elva var lita, så det var lite drag bakpå, så når makken kom midt bak på hølen så måtte eg sveive sakte for å holde makken i gang. I det eg var komen ganske langt bakpå og hadde sveiva makken heilt inn i grunnbakken så sveiva eg raskt inn for det virka som at småkredene hadde funne makken. Men i det eg får stramma opp så heng noko på, men det virka rolig og lite så eg fortsatte å sveive. Men etter kvart så skjena den ut og eg tenkte at det nok var ein liten aure. Fisken var veldig rolig og tøffa berre rundt. Sia eg ikkje hadde fått tilslag så var eg usikker på kor godt den sat, så eg køyrde den forsiktig, men likevel kom den lett etter heilt innpå, så eg var fortsatt veldig i tvil om kva det var som hadde bitt på. Men etter 5 minutts rolig køyring så fikk eg eit glimt av den og kunne konstatere at det var ein laks, og ikkje lenge etter så kunne eg dra den rolig inn på grusen. Laksen var ei flott hoe på 4,1kg og 74cm. Kasta ut igjen og håpte at eg skulle finne ein laks til, var borti eit par fiskar, men sia dei ikkje vart faste så er det vanskelig å sei kva det var. Fiska vidare over både Svarthølen, utløpet, Utfalle før eg tenkte gå nedover sia det no kom meldinger om at også Asgeir hadde fått ein fisk, ganske lik min. Stoppa og fiska Granhølen, men også her var det dødt. Tenkte at eg måtte gå via bilen slik at eg fikk ifrå meg fisken og slapp å dra på den. Tok ei revurdering når eg såg på klokka og såg at den alt hadde passert 07.00. Så sia eg skulle være komen på EU-kontroll kl.12.30 og skulle pakke fisk og sove litt så vart det til at eg trekte meg tilbake. På vei ned med bilen så køyrde eg via Skipenesbrua der dei støypte brua denne dagen. Inge var berre ein times tid på Kvien før han tok kvelden, så stod han opp og fortsatte på morgenen, men det var heilt dødt der framme. Endre var taparen på trekninga og måtte ta til takke med Staten på ettermiddagen, men han skippa kortet og fiska morgenen på Bjørlo i staden, men han fikk ikkje noko. Totalen dette første døgnet vart knappe 20 laksar fordelt over heile elva, 1 storlaks på Moen (dagens største på vel 11kg), 1 laks på Kvien, 6-7 laks på Bjørlo og 2 storlaks på Alsaker, 1 storlaks på Langeland, 1 mellomlaks på Roti, 2 laks på Skipenes og minst 3 laks på Hjelle.
12.06	15-23 Stokkenes Eidselva	Helga etter var eg ikkje innafor, men andre helga for Lilly ned til mora laurdag formiddag, så eg ba Inge om å få meg eit kort. For sikkerhets skuld så kjøpte han like godt 2, og det var no heilt ok. Så eg kasta meg rundt og stakk ned på direkten for å prøve litt før middag. Elva hadde vore ned på 20 kubikk 10.juni, men no hadde ho steget til 22 kubikk igjen. Starta i Åbrekk og det gikk ikkje så lenge før det plukka, men det var berre ein liten aure som fikk friheten tilbake. Ikkje lenge etter tok ein til, denne falt heldigvis av før eg fikk den heilt inn. Og litt lenger bakpå så tok ein litt større aure, på ca.800g, som sjølvsagt også vart satt tilbake. Var borti enno ein fisk langt bakpå, men den fikk eg ikkje fast, men truleg var også dette ein aure. Gikk fram og fiska Hildehola når det kom ein annan kar nedover. Det var heilt dødt her også. Når eg kom ned igjen i Åbrekk så såg eg ein ganske stor aure, ca.1,5kg, som stod heilt inne på stilla like nedanfor prydbuska som no har vorte eit tre. Når eg kom nærmare så seig den sakte bort i elva igjen. Eg såg kva det var, så eg fiska ikkje på den. Når eg kom dit ned så såg eg at han andre karen stod nedpå strekket med fluga, så eg pakka sammen og gikk opp i bilen igjen. Køyrde rundt og ned i Myrahølen der eg fiska over, var også her borti noko som plukka midt i djupaste på det smalaste, men eg fikk det ikkje fast. Så var det middag. Etter middag køyrde eg ned igjen, og no parkerte eg framme og gikk fram å fiska hegresvingen, men kjende ikkje noko. Gikk så rundt og fiska Ledet før eg gikk fram og prøvde Mastehølen. Møtte Joar Sæten som kunne fortelle at vi var aleine då dei andre hadde gitt seg. Han gikk nedover, mens eg fiska Svingen og Frisørane uten å kjenne noko. Eg sat å snakka med Lilly når han kom opp igjen og fortalte at han hadde gått seg på eit lettkledd par som bada på Øya. Eg ville gjerne prøve makken i Åbrekk i kveldinga, så eg gikk nedover. Såg ikkje noko av badenymfene, og i Åbrekk var det fullstendig dødt hav. På vei fram igjen så såg eg at været hadde vorte enno kjøligare og at nordavinds-skodda var begynt å legge seg i tungt i fjella, så etter nokre få ord med Joar så gikk eg å la meg.
13.06	02-14 Bjørlo Eidselva	Forholda var så dårlige når eg la meg at eg ikkje orka sette klokka på vekking, så eg sov godt til klokka var snart 7 og den var 08.30 når eg var komen i elva. Eg parkerte ved bommen og gikk ned veien og fram i Reitehølen, fiska der og prøvde vidare nedover Rørhølen, Ny-Ledet, Linja, Hjellehølen, mens i Forbygginga var det 2 mann på andre sida, så eg gikk over høgda fram igjen til Ny-Ledet, men her stod det folk. Så gikk framover til Reitehølen igjen og prøvde der. Like etter at eg kom dit så kom han som hadde stått i Ny-Ledet. Han kunne fortelle at Røyseten hadde fått 2 laksar på morgenen, ein i Reitehølen og ein i Ny-Ledet. Det einaste eg kjente på heile kortet var noko som drog lett i snøret utanfor steinen innunder land i Reitehølen, men eg fikk ein aure der på andre runda, så truleg var det den som hadde plukka. Gikk så framover og fiska Granhølen, innløpet på Kastehølen og Svarthølen, men det var like dødt her framme.
17.06	20-23 Brekke Ørstaelva	Etter styremøte i ØJFF så tok eg meg eit kort på Brekke for å sjå om eg kunne få meg ein laks i Ørsta igjen. Åpninga hadde vore katastrofal med berre 4 fiskar, sjølv om elva var fin. Det hadde dukka opp nokre fiskar på morgenen så med fortsatt veldig fin så hadde eg eit godt håp om fisk. Eg starta i VØR-hølen, men der hadde vore folk heilt til eg kom, så trua var lita, noko som viste seg å stemme når eg fiska raskt over. Så eg køyrde ned til Bøkene for å prøve der, her var elva veldig fin, men eg kjende ikkje noko. Etter litt prating så fortsatte eg ned på nedre, men det var like dødt her nede. Så eg gikk fram igjen og prøvde nokre kast til ved Bøkene, men det var tydeligvis tomt for fisk, eller i allefall var det ikkje noko som beit med nokon.
19.06	18-19 Aklestad Bondalselva	Bondalselva hadde åpna veldig bra med 39 fiskar første døgnet og mengder med mista fisk då elva var veldig stor, etter kvart vart det færre fiskar å få, men det låg på ca.10 for dag fram til fredag då det var nede på 5 fiskar for dag. Men med fullt av folk på alle soner så var det dei fleste som gikk tomhendte ifrå elva. Eg og Sivert for bort å desinfiserte og gjorde oss klare, men det var ikkje fisk i osen og stemninga var laber, så vi prata vekk kvelden uten å kjøpe oss kort. Dagen etter så var det like lite nytt ifrå dei som var i elva på morgenen så trua var laber, men utpå ettermiddagen så synes vi at vi måtte sjekke om der var kort. Men først for vi bort i osen og der hang ein diger laks på 12kg, som Færøyværingen nettopp hadde fått på flugesone 2. Han sa der hadde vore fleire fiskar, blant andre ein like stor, men at dei hadde gått. Så vi fikk litt meir tru, såpass at vi tenkte vi kunne prøve på kvelden, mest for å ha gjort det. Det var lite kort å finne, men det var 2 kort på Aklestad, ellers var det berre 1 og 1 kort her og der. Vi fikk oss litt middag sammen med alle mens vi rigga stengene og gjorde oss klare til å prøve. Vi starta heilt framme der det var litt kvitskum, men det var ikkje noko å kjenne der. Sivert starta nederst av oss, men etter ei stund bytta vi og eg gikk først. Like foran hytta så var noko bortpå å plukka på makken, men fikk det ikkje fast, trur uansett ikkje det var noko stort. Fiska eit lite stykke til før Sivert kom så han kunne fiske først. Han fiska først kjapt i ein høl før han flytta ned i neste. Eg som kom like bak, fiska den første hølen han hadde fiska. Makken hang inne i straumkanten, men ville liksom ikkje vidare ut av straumen. Merkeleg tenkte eg og letta litt for å sjå om blyet hang, men då svarte det i andre enden. Eg slo til, Fast fisk! Kjende kjapt at dette var ein bra fisk, og etter nokre sekund kom den også oppi og viste ryggen og då fikk eg det bekrefta. Visste ikkje kor stor den var, men det var underordna, for her var det andre ting å tenke på. For det første så stod eg midt i ei stein-ur, så for det ein stor laks og rota ute mellom steinar og grunner i elva. Fisken vart køyrd knallhardt, men den hadde ingen problem med å rase unna når det passa slik. Først prøvde eg å holde den i hølen den tok, men etter at den hadde vore nedover eit par gangar så fikk eg den ikkje lenger fram enn hølen nedanfor, så stabla meg ned dit og satte eit nytt mål, ikkje ned om denne hølen. Fisken rasa ned og over imot andre sida fleire ganger, men eg fikk den ganske greitt fram igjen. Men la merke til 2 greiner ute i elva, begge på brekket der elva auka farta nedover i eit 100m brattare stryk. Akkurat no var det den bortre som bekymra mest, for fisken vill helst bort dit. Ein gang var eg sikker på at no går han i greina, men mirakuløst nok så snudde den akkurat og gikk fram igjen. No var den lenger borte enn nokon gong og den drog ut. Til slutt var den komen heilt bort på grunna på andre sida og det enda med at den rende seg på land. Sammen fikk eg og laksen slippa den uti igjen og eg fikk den heilt fram igjen. Sivert gjorde seg klar til å håve, men han kom seg berre såvidt ned til elva så raste den ut igjen. No trudde vi at fisken kanskje kunne være opp imot 10kg, så vi hadde ikkje lyst å miste den. Den tok eit par runder til bortpå før den raste nedover, rett imot den andre greina som var mykje meir solid enn den andre. Eg holdt igjen det eg turte og fikk den akkurat på rette sida. Fisken bikka ned om brekket når den snudde, men eg fikk taua den fram igjen. No var fisken spakare , men den rota meir oppe i overflata så vi såg at den kanskje ikkje var heilt 10kg. Eg bad Sivert om å begynne å gjere seg klar, men det var heilt unødvendig, for han var der alt. Fisken begynte no å vise blanksida og Sivert fikk prøve seg, men fisken var ikkje heilt klar og Sivert måtte trekke seg tilbake. Etter ei lita runde til så kom fisken inn igjen, Sivert fikk re-lokalisert seg og vod ut etter fisken, men den var enno ikkje klar, så eg sa at han berre skulle stå rolig inne ved land så skulle eg komme med fisken. Han hørte etter og roa fint ned, så når fisken kom neste gang så gikk håvinga veldig greitt og han kunne bære fisken opp på veien ved bilen. Laksen var blank og lusete og 7,1kg tung. Sivert fortsatte å fiske og eg guide det beste eg kunne, men vi greidde ikkje å finne fleire fiskar, sjølv om vi fiska oss eit godt stykke nedover og var opp igjen og fiska over der eg fekk fisken fleire gangar. Mathias kom også innover på kvelden, han prøvde litt på flugesone 2, men han kjende ikkje noko der.
27.06	04-19 Korsbrekkå	Seint fredagskvelden tikka det inn melding ifrå Even om eg ville fiske Korsbrekkå på søndag, og sjølvsagt var eg ikkje vanskeleg å be når eg hadde sjanse. Køyrde inn på vogna laurdag ettermiddag etter å ha levert Lilly hos Ly. La meg tidleg til tross for at det var fotball-EM på tv'en, så stod eg opp igjen kl.02 for å gjere meg klar og komme meg til Hellesylt før klokka var 04 når elva åpna. Elva var 17 kubikk. Det var kjølig på natta med kun 8 grader i Honndalen, men ellers var det ein skikkeleg flott morgen. Var innkomen like over kl.04, men eg fann ikkje Even heilt med det same, men han var alt komen i fossen der vi skulle starte å fiske ifrå kl.04-07. Vi bytte på å fiske der, Even med sluk og eg med makk, men det var ganske dødt. Vi såg ein fisk som stod å bikka på seg i djupet foran steinane på brekket, men den ville ikkje bite. Ellers virka det ikkje som om at det gikk fisk, for vi såg ingen ny fisk komme opp i hølen. 07-10 var vi nede på nedre. Eg starta med fluga framme ved bua, men kjende ikkje noko, så vi slo oss til nede på benken i osen. Når eg kom ned så hadde Even allereie oppdaga ein fisk som stod utanfor benken. Han fiska på den med sluken og fikk den til å flytte seg fleire gongar, men den ville ikkje ta, så han spurte om eg ville prøve makken på den. Vi fant den ikkje igjen og prøvde litt her og der, men så såg eg ein liten blå skygge. Eg kasta ut, men bomma på fisken. Neste kast så traff eg bra og eg såg den snudde og kjente at den tok. Slo til og det var fast fisk. Køyrde den ei stund utanfor benken før den seig nedover, og det var heilt greit sia det ikkje var enkelt å lande fisk her. Den runda terskelen fint og eg prøvde å holde den der, men den var hard og seig nedover. No var den begynt å tagne og Even gjorde seg klar med håven. Fisken var ferdig og eg drog den inn imot håven, men like før den kom over kanten så snudde den og rasa 4 meter nedover, kolva over på sida, snudde seg imot straumen og då kom kroken fykande forbi øyra mi. Fisken seig heilt peist 2 meter lenger ut og vart der ståande i ein halv time å ta seg igjen. Fiska på den fleire gongar og etter kvart flytta den lenger bort i elva, men den ville ikkje ta igjen. Litt seinare så oppdaga eg ein fisk til som stod inne i straumkanten bak terskelen. Even kom å fiska på den med sluken og han fikk den til å gå etter det, men den vart ikkje fast. Etter kvart flytta den bort i elva og då vart den heilt uinteressert i sluken, så eg prøvde makken, og igjen skjedde det samme, fisken tok tvert. Når eg slo til så snudde fisken tvert og raste rett unna meg. Stanga gikk i full bue og det raste av snella og så kom kroken fykande og blyet gikk i skuldra og håven på ryggen. To gode sjanser, men begge glapp. 10-13 hadde vi midtre del. Men vi vart sittande lenge i osen å prate med onkelen til Even, og når vi gikk for å prøve så var det berre å stoppe i bilen å kaste ulldorre og vadeutstyr å bytte til shorts og feltsko. I Bruhølen var det dødt og ikkje noko å sjå, fiska oss framover til Fløtehølen, men her var elva for lita med makk ifrå denne sia, det gikk såvidt bakpå, men det vart langt borte og vanskeleg, så det var mest Even som prøvde her. Mens eg fiska utløpet og renna langs muren med fluga, men det var nok for blankt og lyst til at fisken ville stå der. Vi fiska oss ned igjen, og når Even hadde fiska over Bruhølen så stakk han på butikken, mens eg prøvde makken. Var borti noko borti straumen ganske langt bakpå, men sleit på neste kastet, og nokre få kast seinare rauk heile vegna, så når Even fløyta på vei fram i hytta så pakka eg sammen og for fram for litt mat i den timen det er stengt. 14-17 var det tilbake til fossen, det drog nok litt ut å kome seg i elva, men vi hadde ikkje stortrua framme i elva. Vi fiska over annankvar, men det var ikkje noko å kjenne eller sjå. Tom for alternativer så enkte eg at eg måtte prøve fluga. Fiska først over straumen langs land og brekket, men det var dødt. Så eg bytta og prøvde å kaste bort i bakevja for å få fluga djupare ned, men det enda med at det vart berre ei stor bukt som drog fluga fort over ei blank bot. Og der, opp ifrå det grumsete isvatnet, kom ein fisk med fluga mi i sikte. Men den kom aldri nærmare enn 30 cm så bøyde den av og svinga ned igjen i djupet. Prøvde ei god stund til, men eg fikk den ikkje opp igjen. Even fiska grundig over med sluk før han for ned igjen på hytta for å legge opp noko straum, og vi avtalte å møtast i osen ein time seinare når vi hadde den igjen. Eg vart igjen og prøvde makken igjen. Fiska først framme i hølen, så borti i bakevja før eg gikk bakerst på rampa og fiska straumen langs land. Plutseleg var noko bortpå som var større enn småkredene eg hadde vore borti før. Slo til og jaggu hang det noko på. Kjente fort at det var ein fin fisk. Den oppførte seg fint og gikk fram i midten av hølen, men den vart ikkje gåande lenge der før den seig tilbake der den tok. Her vart den ståande ei god stund. Fikk letta den opp så eg såg den og såg at den ikkje var veldig stor. Den ville fram under brygga, men fikk letta den  opp og snudd den ned igjen der den kom ifrå. No ville den nedover og drog ut ned imot brekket, men fikk stoppa og snudd den. Den tagna no etter kvart og eg leita opp håven då det var litt vanskeleg å slippe den her bakpå. Men fikk den ikkje inn imot håven og etter kvart fikk eg den litt framover. Her var det flatare og fint å slippe den fram på steinane, så håven vart lagt unna og etter eit par forsøk så fikk eg den på gli innover steinane. Det var ein fin nygått fisk med lus. Lengda var 76cm og vekta var 3700g. Fiska ei stund til før eg stakk innom Even for å vege og måle før vi skulle i osen. 17-19 var vi i osen igjen. Even gikk over med sluk først, men han såg eller kjende ikkje noko, men floa var fortsatt litt høg så det var vanskeleg å sjå skikkeleg. Eg prøvde litt med makk, men det var litt lite straum enno. Even gikk derfor over igjen, mens eg hadde dårleg tru. Når han var ferdig så fikk Even telefon, så då tenkte eg at eg skulle gå over med fluga. Fiska meg nedover og no hadde floa lavna slik at det var betre drag og terskelen hadde begynt å vise. Eg fiska meg ned om der eg miste fisken før på dag, men der var det fortsatt lite straum, så eg gav meg. På vei fram igjen så såg eg 3 laksar som stod midt i elva der den siste beit på morgenen. Even fiska på dei med sluken, men to seig fram ved terskelen der det var meir straum, mens eine forsvant. Even var borti eine der, men den hang ikkje. Etter kvart seig eine lenger fram på bortsida. Vi fiska begge på begge fiskane, men dei beit ikkje og til slutt så fant vi dei ikkje igjen. Så etter ei pause og ny leiting uten resultat så gav vi oss og tok kvelden.
04.07	kl.13 Nor Eidselva	Eg og Lilly var på campingvogna for å spikre ny platt i det kjempeflotte været, med 29 grader når vi kom inn. Fredagen vart brukt til å legge ein plan, og laurdag var det ned å kjøpe tilfong, men vi fikk ikkje materiala kjørt opp før på mandag, så då vart det diverse andre aktivitetar denne helga. Fredag var vi ned til vatnet og sjekka temperaturen, og det var ikkje kaldt sa Lilly, mens eg ikkje turde gå nær vatnet. På laurdag shoppa vi og vi var på brua å såg etter laks. På ettermiddagen var vi på fjellet å besøkte Endre som held på å bygge terrasse på hytta. Der var det sightseeing på hytta, til og med så vart det ein tur opp på taket for å sjekke utsikta. Søndag var det fare for torden, så vi tenkte å prøve fiskelykka på Nor mens været var fint og før vi pakka sammen. Vi for nedover litt før kl.13 og mens Lilly vassa så fiska eg over innløpet. Elva var nede under 12 kubikk, så det var nok innløpet som var ei mulighet, men eg fiska også over midten ifrå land før vi gav oss etter berre ein god halvtime. Når vi kom fram igjen så pakka vi ganske kjapt sammen og kom oss i bilen mens sola enno skein. Men når vi var komne til Grodås og såg ut til campingen igjen så var himmelen kolsvart. Og når vi var komne til Volda så var regnet kome til Folkestad. Vel heime så hadde regnet kome til Eiksund og det hadde gått ifrå nokre få lyn til skikkelig torevær når byga traff havskodda. Etter kvart vart det skikkelig heftig med masse torden, og dessverre så vart 2 drept på Melshornet av lynnedslag. Men byga som traff her i Ulsteinvik raste ifrå seg det værste mellom Lauvstad og Eiksund. Litt lyn var det rundt om her også, men ikkje så veldig mange. Då var det meir lyn i det som gikk aust for oss. 09.07 starta eg på ferie og turen gikk rett til Eid for å spikre platt og sette opp det nye teltet. Eg hadde tatt dose 2 av Covid-vaksina på onsdag, men følte meg bra torsdag og fredag, men på laurdag begynte eg å verke i kroppen, men trudde mest at det var gangsperre. Jobba på både laurdag, søndag og mandag for vi for heim. Men då var platten ferdig og teltet oppkome, om enn litt provisorisk. 10.07 var Inge på Fossen med enhånds, han fiska over fleire gangar mens vi var der, men det var dødt. Etter at vi hadde reist fram igjen på campingen så var han borti 2 fiskar etter at han kasta oppstrøms, men han fikk dei ikkje faste. Eg jobba igjen tirsdag, onsdag og litt torsdag, men eg var trøtt, sløv og sov lunsj og sov middag alle dagane. Kroppen verkte, så torsdag til lunsj så var det nok og eg sa at det ikkje gikk lenger. Men uansett så skulle vi til Valldalen på fredagen, noko som vart ein koseleg og artig tur for meg og Lilly. 16.07 var Inge nedom Fossen igjen og denne gongen fikk han på land årets første fisk, ein aure på knappe 3kg som han sjølvsagt satte tibake sia den er freda. At dette skulle verte einaste fisken han fikk i sesongen 2021 er nesten utruleg. Han skua ferien utover i håp om at det skulle komme litt regn, men det kom ikkje og han fiska ikkje for heile ferien sin, forsåvidt samme som Endre som heller ikkje bløytte snøret i ferien. Vel tilbake så var det jobbing mandag, tirsdag, onsdag og torsdag, men då sa eg at no var det nok og at no ville eg ha ferie. Så vi pakka og reiste til Eid for å gjere ferdig platten før eg skulle på tur.
28.07	18-21 Ø.Grytos Eira	Etter ein veldig tørr sommar med minimalt med fiske, så var turen komen til årets høgdepunkt. YR hadde lenge lovt at været skulle slå om med mykje regn ifrå tirsdag, så trua var heilt på topp om full klaff. Men etter kvart som vi kom nærmare datoen så skyvde dei det framover i tid, og til slutt så tørka det heilt opp, med unntak ifrå nokre torebyger. Vi samlast på Hareid for å ta 11-ferja, men den vart kansellert, så vi enda litt bak skjema. Eg køyrde via Molde for å stikke innom Sportsbutikken for å hente ny haspelsnelle og snøre. Snella fikk dei ikkje tak i så eg måtte ta ei som var eit hakk mindre, mens snøret ikkje var kome enno. Resten køyrde via Åndalsnes, og kom fram 10 min før meg. Vi vart tatt imot med ei spesiallaga øl ifrå 2instinct før det var middag. Etter mat var det info og fordeling av fisketider og hølar før vi begynte å rigge utstyret. Eg skulle fiske sammen med Asbjørn, mens Atle skulle fiske med Hallgeir. Når klokka nærma seg så gikk eg og Asbjørn ned for å starte. Asbjørn måtte knyte opp, så eg begynte i innløpet. Med ein gang eg kom bak kanten så hoppa ein blank fisk 2 ganger og landa oppå fortommen min, men det hjalp ikkje. Fiska vidare nedover heile hølen, men det var egentlig berre framme i innløpet at det var nok drag, men sia det hoppa fisk både midt bakpå og heilt bakpå hølen, så gikk eg over, mens Asbjørn fiska innløpet. Eg målte temperaturen i elva og den var 18,5 grader, mens det i lufta var fleire og 20 grader. Det fortsatte å hoppe fisk og eg gikk fram å fiska straumen ned til hølen og vidare nedover til midten, men det var dødt. Når eg kom fram igjen så hørte eg det smalt i bakslengen til Asbjørn, ikkje berre ein gang, men to ganger, så eg gikk ned for å høyre om han hadde kjent noko. då hadde han akkurat sjekka fluga...som ikkje var der...og han hadde hatt på ein fisk. Så truleg hadde der vore ein skade slik at fisken hadde slitt fluga. Mens Asbjørn gikk opp å knytte opp igjen så drog eg raskt over innløpet igjen, men det var fortsatt dødt, unntatt enno fleire smolt som eg hadde fått ganske mange av. Klokka var no 21, så vi gikk framover for å få oss kveldsmat før neste økt.
28.07	23-24 Kjeshølen Eira	Etter kveldsmaten så køyrde vi ei runde med Helge for å gjere oss kjende og når det var gjort så for eg fram i Kjeshølen, mens Asbjørn tok kvelden. Vart ikkje så lange fisketida, men fikk ein god time. Fiska først innløpet med to-hånds før eg gikk bakpå brekket med en-hånds, men begge plassar var det heilt dødt. Bakpå var det for stille, og når det begynte å dra på så vart det veldig grunt. Men fisk hoppa over alt, så eg gikk rett fram og fiska innløpet også med en-hånds, men det var dødt. No var klokka der, så pakka sammen og sikta meg inn på osen.
29.07	00-02 N.Grytos E Eira	Knytte meg på ein muddler, men det var ikkje noko som beit. Prøvde deretter 3-4 andre varianter, men det var kun nokre mindre dunk borti fluga å kjenne. Floa kom raskt, så det vart fort mindre drag, så når klokka var 02 så pakka eg sammen. Stoppa oppå brua å kikka på tre fiskar som stod å trykte fram imot skyggen av brua og ikkje turde gå. Dei pendla heile breidda, prøvde med fart nedanifrå, men skuggen ville ikkje åpne seg, så dei vart ståande. Eg for bort igjen og fant meg litt mat og for å plukke opp Asbjørn, men det var heilt dødt og stille i huset fram til eg gikk ut når klokka var 03.05. Pakka i bilen og køyrde fram når ikkje eg såg noko av Asbjørn. Møtte bergenserene i det eg køyrde, dei hadde fått ein fin aure på 78cm i Kirkehølen.
29.07	03-06 Kirkehølen Eira	Hadde god tru og fisk var i lufta heile tida. Starta med to-hands og fiska innløpet og bak til neset, men var litt vanskelig bakpå på grunn av bakevja som var der. Tok så en-hands og gikk samme ruta, men fortsatte no nedover rundt svingen. Her var det veldig stille nedover, men fikk ganske raskt først ein aure på ca.25cm, og litt lenger nede ein litt større på ca.30cm. Lenger bakpå drog det meir på. Først såg eg ein aure på knappe kiloet som gikk på innsida av meg, før eg fikk ein knute som gjorde at eg vart ståande roleg eit par minutt. Då kom det sigande ein fisk opp på sida av meg, usikker på om det var aure eller laks, men den var nok 2-3kg. Når eg snudde på haudet så oppdaga den meg og seig sakte bakover igjen. Eg fiska nøye nedover imot brekket, men det var ikkje noko å kjenne. Gikk fram igjen og fiska over innløpet eit par ganger til. Hadde eit par heilt lette kakk i fluga, men ikkje noko skikkeleg tak. Fiska over deler av brekket ein gong til, igjen fikk eg ein liten aure på ca.20cm, men dei større glimra med sitt fråvær. Avslutta med å dra over innløpet ein siste gang, men det var fortsatt dødt, sjølv om fisken fortsatt hoppa og var veldig aktiv. Elva var fortsatt 17,9 grader varm.
29.07	10-12 N.Grytos S Eira	Når eg kom ned igjen så var Asbjørn der, men han ville også legge seg, samme som eg. Men etter eit par timar så vakna huset til liv når kokkene kom, var mykje ståk rundt frokosten klokka 09, men sov over det meste. Når klokka var 10 så var det ikkje håp om meir sovn, så eg stod opp og såg Asbjørn stod ute. Hivde meg rundt for å ta han med i elva, men når eg var ferdig på do og påkledd så var han vekk. Tenkte han hadde gått bort i elva, så eg hivde meg rundt og køyrde bort. Trudde det var han som stod i Øvre Grytos så eg gikk fram for å få han med nedom brua, men når eg kom nærmare så såg eg at det ikkje var han. Sia eg ikkje såg han nokon plass så ringde eg Atle og han kunne fortelle at Asbjørn hadde reist fram i Kirkehølen sammen med Hallgeir og Helge. Så eg gikk ned å fiska. Det var fortsatt mykje fisk oppe, men for meg vart det berre eit par dunk i fluga. Bergenserene hadde fått ein pjakk her på morgenen. For dei to som hadde vore i Kirkhølen så hadde det vore spenning, Hallgeir hadde hatt på ein laks i nokre minutt, men den hadde slite snøret truleg pga ein knute eller av den hadde vore borti noko nede i djupet. Og Asbjørn hadde ein sjøaure på rundt 2kg heilt fram på steinane før den fallt av for han.
29.07	12-13 N.Grytos E Eira	Eg flytta over på andre sida og fortsatte på samme viset der, med flugebytter og overfiskinger, men fant ikkje noko som fiskane ville bite på. Det hoppa ivrig, heile lengda av hølen, store som små, men det hjalp ikkje. Atle og Hallgeir var på andre sida, Atle hadde på ein eit øyeblikk langt bakpå, men den slapp ganske kjapt. Det lugga også borti fluga til Hallgeir. Når vi kom opp igjen så kunne Asbjørn fortelle at han hadde mista ein sjøaure på ca.2kg. Den hadde vore nesten oppi hoven før den raste ut igjen og slapp fluga. Hallgeir som fiska på andre sida hadde også hatt på ein fisk, men det var laks på 5-6kg. Dessverre sleit den sena etter nokre minutt etter nokre lange og sugande utras.
29.07	18-21 Kirkehølen	Etter middag og eit par timar på køya så var det jomfruhøl i Kirkehølen. Eg ville at Asbjørn skulle starte i innløpet, så eg starta litt nedanfor bua og fiska bakpå, men ingen av oss kjende noko. Det var torden i området og ganske kraftig regn innimellom ifrå klokka var 18-20, så det vart litt venting i bua i dei værste bygene, men det var heldigvis ikkje langvarig eller kjølig. Etter at Asbjørn var ferdig så tok eg en-hånds og fiska innløpet. I det fluga var rett utanfor bua så drog det i fluga, eg gav slakke, men når eg tok igjen snøret så var det dødt. Venta litt med tilslaget og igjen var fisken der og no vart det ei skikkeleg gryte bak fluga, men fast vart ikkje fisken. Fiska ut innløpet før eg fortsatte nedover og fiska det nesten uendelige brekket, men det var ikkje noko som beit, sjølv om det var oppe fleire fine fiskar nedpå der. Vi fiska over innløpet fleire ganger, men det var berre nokre dunk i fluga å kjenne. Elva vart no målt til 17 grader. Ein gong eg vod meg ut i gytjå så gikk eg sålen av eine skoen, så måtte opp i bilen og finne Gaffateip for å hidre at den datt heilt av.
29.07	23-24 Leirhølen Eira	Etter kveldsmaten så ville vi prøve Leirhølen sia vi ikkje hadde vore der enno. Det hoppa fisk framme på strekket i det vi gikk ut av bilen, Asbjørn ville skifte fluge, så eg starta heilt framme med to-hands og fiska strekket ned. Helge kom å guida litt når Asbjørn gikk over, men det var ingen store overraskelser han kom med som vi ikkje alt hadde lagt merke til. Eg tok en-handsen og gikk over og nede på kanten så var der noko som drog godt i fluga. Eg lot han få slakkebukta og letta stanga, men då hadde han spytta ut fluga. Ergerleg kom det nokre gloser, men den kom ikkje igjen fleire ganger. Plutseleg tikka det inn melding på telefonen ifrå Atle, han hadde fått ein flott hannlaks på 104cm i Kirkehølen. Fisken var vill så han måtte sette den ut igjen. Fisken tok når han stod omtrent rett utanfor bua og kasta bort imot neset på andre sida. Dessverre så var han aleine og telefonen låg i bua, så han fikk aldri noko bilde av den, men den var blank og skikkeleg flott. Også bergensarane hadde fått fisk nede på nedre Grytos, ein pjakk. Vi rakk kvar sitt raskt overfar etter det, men det var ikkje noko meir å kjenne.
30.07	10-12 Kjeshølen Eira	Etter å ha fått fiskehistoria ifrå Atle, og litt chilling ute i bakhagen så vart det ei god natts søvn. Etter frokost stakk vi kjapt fram i Kjeshølen, og som vanlig så hoppa det fisk i det vi starta. Eg starta på midten, mens Asbjørn starta i innløpet. Men som så mange gangar før denne turen så glimra fisken med sitt fråvær. Det var veldig greit at klepparen var ute og viste rundt arvtakaren, så fikk vi slått i hjel ein halvtime med interessant fiskeprat. Vi fortsatte å rullere på å fiske innløpet, men det var ikkje noko å kjenne av fiskene som stadig spratt der. Til slutt var klokka der og Atle og Hallgeir kom for å overta. Vi orka ikkje å stresse vidare for å fiske Sirahølen ei time fram til fredinga, så vi vart sittande å prate. Eg rodde Hallgeir over på andre sida så han fikk fiska rettehanda, men det var like lite å få på begge sider, så det var berre å ro over å hente han når tida var ute.
30.07	20-21 Pølen Eira	Etter middagen så køyrde eg ut til Molde for å kjøpe nye vadesko, det tok litt lenger tid enn antatt, men eg var tilbake ganske nøyaktig kl.18. Men vi surra rundt og hadde ganske dårleg tru sia det no var komen eit kjølig drag i lufta. Men eg hadde lyst til å prøve denne hølen sia det var beskrive som ein god sjøaurehøl som kunne minne om Pinå i Eidselva. No skal det seiast at eg synes ikkje at det var mange likheitene, med unntak ifrå at hølen var bein, men fin var den. Litt lite vatn og dermed lite drag i hølen, samt ein heftig motvind gjorde den vanskeleg å fiske, men der var fisk som hoppa, så håpte at det skulle bite, spesielt når ein fin aure var oppe heilt bakpå, men kjende ikkje noko av den.
30.07	23-24 Ø.Grytos Eira	Vel tilbake så var det kveldsmat, og litt oppsummering av dagen i bakhagen. Nordavinden hadde tatt med seg skodde i fjella og forholda virka ganske dårlege, men vi manna oss opp og tok turen sia det var i gangavstand. Asbjørn starta i innløpet, mens eg starta midt nedpå strekket, men ingen kjende noko større enn 10cm. Det var ein fisk som hoppa eit par gangar, men det var mykje rolegare no enn sist.
31.07	00-01 N.Grytos S Eira	Når klokka var 24 gav vi oss og vandra nedover. Asbjørn ombestemte seg når vi kom på brua og ville heim, så eg sa at det enklaste var å gå vegen tilbake, men så ville han gjerne være med ned å sjå når eg fiska, sjølv om det var ganske stupmørkt allereie. Så han fann bordet oppe på kanten mens eg tok to-handsen og gikk bort å fiska over. Når eg kom midt bakpå så plukka det i fluga, eg tenkte laks av ein eller annen merkeleg grunn, i stupande mørke, og holdt stanga roleg og gav slakkebukt, for å la den bite, så når eg til slutt letta stanga så rulla den rundt 4-5 gangar før den slapp fluga til nokre saftige gloser. Vinden var skikkeleg frisk opp elva og det var bikkjekaldt, samt at skodda låg tjukk i fjella, så eg pakka kjapt sammen og fikk Asbjørn til sengs. Spurte om han var klar for ein tur i Kirkehølen på morgenen, men det var han ikkje. Bergenserane som fiska på andre sida av osen hadde ikkje hatt napp for heile natta.
31.07	06-09 Kirkehølen Eira	Når eg stod opp og gikk for å finne meg ei skive, så såg eg at fangstboka hadde vore jobba med i løpet av natta. Helge hadde vore framme i Kirkehølen på natta og fått heile 5 sjøaurar på 1kg, 1.5kg, 2kg, 2.5kg og 4,3kg, så dermed var trua på topp. Vel framme så såg eg at forholda hadde endra seg mykje i løpet av natta, skodda som dagen før låg i toppane hadde trekt nedover, lette regnbyger seig innover langs fjella og trykte skodda enno lenger ned til den vart til lakseskodde. Den iskalde nordavinden hadde roa seg, den var ikkje vekk, men mykje spakare. Elva var nede på 13 grader, så no skulle sjansen være betre. Starta i innløpet med to-hands, i det eg kom ned imot bua så hoppa det ein sjøaure på innsida av innløpsstraumen så nær at eg kunne slått den med stangspissen. Det var ikkje så mange andre fiskar oppi, men nokre var det. Fiska meg ned til eg hadde dekt straumen godt bak neset på andre sida, men kjende ikkje noko. Gikk så fram igjen å fiska innløpet med en-hands. I det eg starta så var det oppe ein fisk inne i renna heilt bortunder land på andre sida, men dit nådde ikkje eg. Eg fiska nedover og i det fluga kom inn der fisken hoppa på forrige overfar så drog det heftig i fluga. Eg letta straks stanga og fisken sat. Det vart ein fin fight uten nokon store problemer, og etter eit par minutt så kunne eg dra ein flott Eira-aure opp på steinane, eit kjapt bilde og måling til 59cm og så kunne eg krøke den av og slippe den rolig tilbake til elva. Vekta vil eg tru låg på 2-2.1kg. Starta øverst igjen og håpte at det skulle verte ei reprise, men denne gangen var det ikkje noko som beit. Fiska meg nedover og tenkte prøve på dei fiskane som stod å vaka bak neset i svingen. Dei stod godt innanfor kastehold, men dei merka nok at eg kom for dei trekte unna og beit ikkje. Hadde ikkje veldig god tru nedover brekket, men tenkte at kanskje var det her nattas fangster var tatt så ville gå første delen. Vod meg nedover og kasta over imot trea på andre sida, men det var djupt og vanskelig å nå langt nok bort så eg gikk ganske raskt nedover mens eg vada til oppunder balla. Når eg var komen så langt ned at eg kunne kaste over rette sida så høyrde eg ein smell oppi fjellet, eg la ut lina i det eit nytt smell kom. Eg forstod at det var stein som hadde løysna, så eg snudde meg for å sjå kvar det var og om det kom meir. Men plutseleg så var noko borti fluga og eg snudde fokus tilbake til elva. Såg det var nokre bølger bak fluga. Drog lett i lina og kjende at der var fisk igjen. Venta at det skulle være ein aure og at den skulle ta og snu i ei skikkeleg gryte, men ikkje noko skjedde. Men lina stramma seg opp og eg tok sjansen på å lette stanga. Fast fisk. Fisken var ikkje oppi så eg stussa og forstod lite, kunne laks ta når det var så lite drag? Køyrde fisken eit minuttstid før den var så nær at eg fikk sett sida på den, og ja heilt klart ein pjakk. Rygga inn imot land og sluttkøyrde pjakken, trudde det var ein fettfinneklipt, men det var ein vill ein. Drog fisken inn på grunna, målte og tok eit bilde før eg skyssa den utpå igjen. Målet viste 54cm, vekta var nok 1.5-1.6kg. Tenkte at her hadde det nok vorte uroa så pass at det ikkje var vits å prøve igjen på direkten, så eg gikk fram i innløpet igjen. Tenkte at eg skulle hatt ein laks også, og at det var i innløpet sjansen var størst. Starta framme og såg at eg ikkje kunne holde på så lenge om eg skulle rekke frokosten kl.9. Fiska meg raskt nedover, men det var dødt. Kikka på klokka igjen når eg var komen så langt at eg måtte begynne å vade langs land, og tenkte at eg rekk nokre få kast til. La ut eit langt kast over straumen, når fluga svinga inn i straumen så var noko bortpå å plukka. Eg gav slakke og letta stanga når lina stramma seg opp. YES. Det vart fort klart at dette var ein større fisk enn dei to forrige. Fisken drog ut nedover nede på djupet og snøret stod i ei stor bukt. Når eg fikk stoppa den og stramma opp igjen snøret så kom den imot meg for full fart. Sveiva for fullt og hadde den utanfor meg, men igjen rasa den nedover borte i djupet, kanskje kunne dette være ein bra fisk? Den gikk ikkje like langt nedover og kom igjen framover langs land, men så stoppa den opp utanfor meg og vart ståande der berre å rote. Forstod ingen ting, men fikk taua den ganske nær, så la den blanksida til og då såg eg at dette var definitivt ikkje ønskefangsten, men dertil viktigare å få ut av elva, ein oppdrettar. Den var no ganske køyrd og eg fikk den ganske raskt opp i fjøra der den vart bært på land og slått i hjel. No var klokka 8.50, så for å rekke frokosten så var det berre å hive seg i bilen. Klepparen var komen så han tok vare på fisken og fikk vegt og målt, pakka og preservert den. Lengda var 75cm og vekta var 4.2kg. Ingen andre hadde kjent noko på morgenen.
31.07	10-13 Leirhølen Eira	Etter frokost der nattens bravader var fortalt om både ifrå Helge og meg så var det rask pakking av rom og rett i elva igjen på alle mann. Asbjørn og eg hadde no Leirhølen og som sist så hoppa det fisk i det vi parkerte. Eg sendte Asbjørn fram i straumen, mens eg gikk ned på neset og tenkte sjå om det var mulig å i det heile fiske der. Det gikk å fiske heilt bakpå innløpsstraumen, men på nedsida av svingen så var det som å fiske i stille vatn. Prøvde meg også litt lenger bakpå, i håp om at det drog på litt meir der, men det var om mulig enno dødare vatn. Men det hoppe ein aure på rundt ein kilo, så eg tenkte at eg måtte prøve meg nedover. Men då hørte eg Asbjørn rope HOY, så eg sula opp og gikk raskt opp i håp om at det var fisk på. Men nei, det var berre klepparene som hadde komt med vadestaven som Asbjørn hadde gløymt nede på Loungen. Eg vart ståande å prate med dei mens Asbjørn fiska resten av strekket, men han kjende ikkje noko. Eg tok då en-hands'en og gikk fram å fiska. Det var stille framme i innløpet, men det hoppa fisk nedpå hølen. I det eg kom ned til enden av innløpet så var noko bortpå å plukka, eg gav slakke og lot fisken ta slakkebukta før eg letta stanga, FAST FISK. Fisken gikk litt rundt i området og alt virka normalt, men så snudde fisken rundt tvert og satt full fart unna straumen. Snella hylte når fisken raste bakover hølen og hoppa lange hopp nedover, og vista at det var ein blank fisk på 4-5 kilo, men plutseleg kom fluga. Eg sveiva inn for å sjekke fluga og der var alt i orden, men på eine krokspissen satt eit lite og avlangt skjell. Så truleg hadde laksen spytta ut fluga og når eg letta stanga så kroka eg den ein eller annen plass. Eg la ut fluga igjen, no med litt kortare lengde som eg auka for å fiske heile innløpet ein gong til. Mens eg holdt på så hoppa ein pjakk på bortsida av innløpsstraumen, og i det eg eit par kast seinare la fluga bort dit så stramma lina seg tvert. Eg kjente kjapt at dette var ein mindre fisk, men den gav ein grei fight. Publikum stod og fulgte med når eg hekta håven av ryggen og greit håva fisken. Klepparen kom og bistod med målinga og fikk knipsa nokre bilder før fisken var forsiktig satt tilbake. Målet viste 54cm og då var nok vekta 1.5-1.6kg. Eg sendte Asbjørn fram igjen for å prøve å få ein han også, men det var ikkje noko som ville prøve seg på fluga hans. Når han var ferdig så var det berre nokre minutt igjen til vi skulle være på Siramoen for avsluttningsmaten, så eg gikk rett på innosen og fiska nokre få kast på hot-spot'en, men det var ingen fleire som ville ha mi mini-Sunray. Vel tilbake på Siramoen så var det berre å vrenge av seg fiskekleda for siste gang denne turen og sette seg til bords for eit par karbonadesmørbrød før det var tid for å pakke sammen og snu nasen heimover. Resten av ferien så vart det bygging av steintrapp heime og  steinlegging rundt heile platten og nytt inngangsparti av stein på vogna, for å forenkle vedlikeholdet ein del. Fisking vart det ikkje for elvane var fortsatt knøttsmå og regnet lot vente på seg.
15.08	Eidselva stengte søndag 15.august kl.14 etter at ho over lenger tid hadde vore veldig lita og varm. Sommaren hadde vore tørr og varm og elva var nedadgåande ifrå midten av juni. I månadskiftet juni juli var ho 14 kubikk, 7 juli falt ho under 10 kubikk og i månadsskiftet var ho komen ned under 5 kubikk. Elva nådde bunnen 9.august kl.20 med 3,27 kubikk. Det kom litt regn innimellom, men det var stort sett nord for fjella og ute på kysten, så elva vart liggande rundt 4,0 kubikk heilt ut august og ho vart dermed ikkje åpna igjen. Allereie tidleg i juli var elva oppunder 20 grader og der låg ho fram til langt ut i august. Dette førte til at ho grodde veldig og botnen var etter kvart heilt dekt med eit skikkeleg tjukt lag med grønske, ifrå Nor til osen. Allereie midt i juli vart første pukkellaksen tatt, og utover så kom det fleire. Til slutt så var heldigvis elva så liten at all oppgang av både vill og pukkel stoppa heilt opp, men når det regnet litt midt i august så kom det nye pukkeler opp. Totalt vart det tatt opp over 50 pukkellaksar.

 

OPPSUMMERING 2021 Forsesongen vart som vanlig uten mykje fiske, men vart no ein tur ut for å dra nokre sei til middag i alle fall. Vinteren var tørr før snøen kom etter påske, men den snøen vert det som kjent lite av, sjølv om det kom eit par meter i høgda så smelta den nesten like fort igjen. Så med ein vårflom på 30 kubikk og lakseåpning på 25 kubikk så var det håpet at det skulle verte ein våt sommar, men så feil kan ein ta, det skulle vise seg å verte rekordtørt til midt ut i september. Vatn var det i elvane i ca.3 veker så når vi runda jonsok så var det tørt. Men eg hadde gjort det svært med laks på åpninga, storlaks i Bondalen midt i månaden og laks i Korsbrekka, der det er litt meir brevatn, i slutten av juni . Så vart det ikkje fiska før i slutten av juli med ein fantastisk tur i Eira som starta med elendige forhold, men nordavind og nokre dråper regn berga turen siste natta og eg fikk 2 pjakkar, ein fin aure og ein oppdrettar, pluss at eg mista to sjøaurar, ein på 4-5kg og hadde fleire fine drag i fluga. 15.aug stengte Eidselva for første gong i historien på grunn av lite vatn og varme. Mens både Bondalen og Ørsta stengte ved midtsesongsevalueringa på grunn av vassmangel og svikt i oppgang. Så eg enda med nesten ein fisk pr.kort og over ein fisk pr.tur så eg var godt fornøgd. Då var det værre med Inge som fikk ein aure på ca.3kg og Endre med eit par laks.