Det var lite snø her i ytre strøk, men i fjellet har det snøva jevnt og trutt. Allereie i jula var det ca.1,9m på Hjellesætra, då noko laus snø, og det samme og vel så det var det i påska, og no var snøen tung og solid med masse vatn til sesongen.

Lusesituasjonen gjennom vinteren har vore forferdelig med rekordtellinger etter tur, ein får berre håpe at sjøauren har berga seg inn i ferskvatn med jevne mellomrom for avlusing. Og sjølvsagt hjelp det ikkje når Marine Harvest mister 35000 laks i Bremanger i April, for ikkje å gløyme dei 200.000 som rømte under Nina i området rundt Bergen etter nyttår, dei driv nok oppover kysten med kyststraumen.

På kvelden var dei ut igjen og då beit det mykje betre og dei fikk 8 torska. Morgenen etter vart det 3 inne på Gjerdsvika etter at det hadde friska på utanfor.

09.05 såg dei første fisken i Kastehølen, trulig ein aure.

10.05 såg dei 3 aurar på Osbrua, og det som truleg var ein laks i Malakoff.

Det vart sett litt fisk med jevne mellomrom, men ingen mengder, mest aure.

Vi var inn å gjorde klart 15 mai, og var siste helga innafor å satte opp teltet. Var så vidt nedom bruene, men var dårlige forhold for å sjå noko.

01.06 falt i år på ei mandag. Eg hadde ikkje fått tak i kort, men som medlem i Sportsfiskarlaget hadde Inge fått kort på Bjørlo. I tillegg skulle han få fiske på Os i lag med Endre. Dei starta på Os og ganske raskt var ein fisk opp å tok fluga til Inge. Når den hadde tatt slakkebukta så letta han stanga, men der var ikkje noko. Seinare var Endre borti 3 fiskar, minst 2 av nappa var han sikker på at det vart fast fisk av, men dei lurte han. I halv 6 tida, like etter at Endre hadde gitt seg beit det på med Irvin i øvre Malakoff når han fiska Staten. 16,3kg vart fasiten. Seinare på morgenen fikk Finn Berg ein fisk på 15,7kg på nedre del av Skipenes. No hadde Inge for lengst starta på Bjørlo og hadde allereie vore i kontakt med ein fisk i Svarthølen, men den stjal berre makken hans ein gong. Etter dette kjende ikkje Inge noko meir.

Vassføringa var fine 38 kubikk, temperaturen var på elva 6,4 grader, men lufta var 2-3 på natta og 6-7 på dagen. Døgna starta brukbart med klartvær, men ganske raskt gikk det over til skya og vidare til regn og regnbyger. I tillegg til dei to over nevnte fiskane så vart det tatt ein på 10kg på Moen, 8,8kg på Langeland og 5 og 4,7 på Staten. I tillegg vart det tatt nokre aurar, Irvin fikk 2(1C&R) på Staten, det vart tatt ein på 5kg på Skipenes, ein på 4,8kg på Langeland og ein på 3,9kg på Alsaker.

På Alsaker var det Ørstingane som fiska åpninga og det var Nils Andre Aarseth som fikk auren midt bak i Vaskeplassen på makk. Endre og Inge var ned igjen på Os seinare å prøvde, men no var det ikkje noko å kjenne.

Endre fiska Bjørlo på åpningskvelden og fikk ein aure på 2,5kg som han satte ut igjen.

05.06

Petter var ned igjen å prøvde Stokkenes, men verken der eller blant dei andre på Hjelle var det noko å kjenne.

Etter eit kongemåltid med grilla kveite så bar det ned igjen kl.20. Då var det nettopp landa to 3kgs fiskar, ein laks og ein aure. I tillegg kunne dei fortelle at det var sett fleire fiskar på brua mens eg var der før i dag. Mulig ein burde stikke på brua av og til. Starta heilt framme med makken og fiska meg ned til brua, prøvde så i renna nedanfor brua og øvre Malakoff uten å kjenne liv. Fiska meg vidare nedover Malakoff og fant til slutt noko som nappa bortunder land nedanfor brukaret. Det nappa fleire ganger, men greidde ikkje å få det fast. Til slutt svarte det og det var tungt. Eg spente opp stanga, men etter eit par sekund så synes eg det var for dødt. Stramma litt til og ingenting skjedde, så då forstod eg at noko var gale. Slakka opp og då løysna snøret ifrå steinen. Fiska også nede ved holmen, men no kom floa, så eg gav meg.

Inge fiska Bjørlo og starta ved Måløyhytta. Når han kom ned til steinen på Sanden så beit det. Inge letta flugestanga og fisken hang. Sakte kom fisken sigande framover og Inge fikk den nesten fram i hola. Her stod den mens Inge kjørte den etter alle kunstens regler, men etter 10 minutts kamp så løysna kroken og fisken var vekk. Etter dette var det heilt dødt.

Asbjørn og Atle fiska kvelden vidare på Hjelle uten at dei var i kontakt med noko no heller.

På natta og morgenen fiska Petter Bjørlo, men med unntak for eit lite napp i Ny-Ledet så var det heilt dødt. Endre kom og fiska i lag med han siste 2-3 timane, men det vart heller ikkje noko på han.

Heller ikkje på morgenykta søndag kjende Atle og Asbjørn fisk på Hjelle.

Søndagskvelden fiska Inge Langeland, men det regna og var kaldt, så han gav seg etter berre nokre få timar. Der stod ein fisk på brekket.

På kvelden fiska Inge Alsaker, der vart tatt ein laks på 4,5kg i Vaskeplassen på fluge, men ellers var det dødt. Inge såg ein storaure som stod bak Storesteinen, men han greidde ikkje å fiske på den.

Kvelden 14 fiska Inge Staten uten å kjenne eller sjå liv av noko slag.

15.juni åpna dei andre elvane i området. Utsiktene hadde vore elendige, ingen hadde sett fisk, hverken i elva eller osene. Været var heller ikkje på ein fiskar si side med 6 grader og nysnø i fjella. Men så feil kan ein laksefiskar ta, for allereie natta gav fleire fiskar, som her Lyder Øye med 2 flotte i Ørsta. På morgenen beit det også lenger framme og i dei andre elvane og før dagen var omme var det landa 18 laksar i Ørsta, 15 i Bondalen og storlaks på Kile. Det var mykje stor fisk og i Ørsta var det 4 laksar over 7kg, den største på 8,5kg. Ikkje dårlig på ei åpning alle hadde dømt nord og ned.

Satte igjen fiskeveska i bua i Fåhølen og målte samtidig temperaturen i elva, og fikk ei positiv melding då målaren viste 8,2 kubikk. Så sammen med 45 kubikk så skulle alt være perfekt. Gikk så fram på Sanden og fiska over der med makken, men det var heilt dødt. Prøvde derfor fluga ifrå innløpet til hola og heile veien gjennom hola og nedover. I det eg var begynt å nærme meg bua og fiska over steinen så drog det plutselig skikkelig i fluga når den var komen inn i kanten. Eg hadde stanga lavt og ikkje slakkebukt så den drog rett ifrå snella, noko som kanskje gjorde at den ikkje vart fast. Prøvde fleire gongar til over der, men eg hadde nok vore såpass borti den at den skydde fluga.

Veksla deretter mellom fluge og makk framover til klokka var 7 då eg gikk nedover til bua for å ete frokost. Prøvde så Fossekanten igjen før eg kjørte ned å leverte bilen litt før kl.08. Etter å ha sjekka bruene så fiska eg igjen Fossekanten før eg kjørte fram igjen for å sove litt.

Bilen var komen tilbake når eg kom ned igjen, og eg veksla nokre ord med ein av dei tre fiskarane. Dei hadde kort fleire plassar og hadde slitt på ein fisk før på dag. Gikk så fram i bua der dei to andre stod og fiska Fåhølen. Eg stoppa og ringde Inge sia han akkurat gav seg på andre sia. Han hadde ikkje kjent noko på veien nedover. Gikk så fram igjen på Sanden der eg veksla mellom fluge og makk, men det var ikkje noko meir å sjå eller kjenne. Etter kvart kraup sola heilt opp i toppane og til slutt gikk ho ned. Temperaturen fall no raskt, så eg gikk nedover for å prøve andre plassar. Var veldig stiv mellom skuldrane og sliten, så eg gikk rett i bilen med stengrene og gikk ned å avslutta med å fiske Fossekanten før eg gav meg kl.23.30. Temperaturen var no 8,5°C, noko som var 0,3°C under vasstemperaturen.

Inge fiska som sagt Bjørlo, og fiska heile sona. Til slutt, i 00-tida, fann han ein aure på 3-4kg i Kastehølen, men i det den skulle landast så greidde den å slå seg av.

Morgenen etter var Sindre og Bjørn på Alsaker uten å kjenne liv.

Laudag ettermiddag og kveld fiska Inge Staten i nesten 12 strake timer uten å lykkast, sjølv om det gikk ein del fisk. Det nærmaste han kom var at ein laks gikk etter fluga ved grisesteinen, men bomma og gikk ein meter til værs.

Søndag morgen var Bjørn og Sindre igjen i sving på Alsaker, men det var like dødt som dagen før.

Søndag kveld fiska Inge Staten igjen, men no var det heilt dødt.

Planla derfor ein tur på torsdagen og etter å ha levert Ly og Lilly hos Hang så bar det ned for å få kort, samt innom laksetunet for å få siste nytt, samt å sjå litt ned i kara på fiskane. Dei kunne fortelle om 3 stimar nedanfor brua, så dette såg lovande ut, sjølv om elva hadde gått ned ein god del ifrå dagane før som hadde gitt så godt fiskeri. Så barst det fram på Mo for å rigge enhåndsen. Flugevalget falt på ei dobbel nr.8 Red Butt med litt ekstra lang vinge.

Starta rett nedanfor parkeringa og fiska svingen, men der var ikkje noko som ville bite i djuphola. Fortsatte vidare nedover imot flata, men det var veldig grunt så 3 steiner låg akkurat i overflata. Den bakre av desse, ganske nær Ose var berre akkurat dekt med vatn og når snøret kom dit så stramma det seg litt opp. Eg hadde ikkje følgt med heilt så eg berre merka at det stramma opp og eg letta stanga. Ingenting skjedde anna enn at snøret fortsatte nedstrøms. La ut eit nytt kast på samme plass, fluga bortunder Ose-landet og taumen eit par meter foran steinen. Denne gangen var eg forberedt på at snøret trulig ville henge litt på steinen, så når det stramma opp så holdt eg stanga nede. Men presset på snøret berre auka og samtidig som eg letta stanga så rulla ein fisk seg i overflata mellom steinen og Oselandet. FAST FISK. Fisken hadde snudd nedover igjen og stilte seg opp i hola bak steinen. Den seig litt fram og tilbake og eg var redd den skulle gå fram på bortsida av steinen, så eg la godt press på den og fikk den sakte klar av området rundt steinen. No slapp den seg meir bakover imot hola foran brekket, der den gjorde eit par utras ned imot brekket, men eg greidde å holde den oppe på kanten. Etter kvart kom fisken opp langs mitt land og det vart meir ein drakamp der med mindre utras og sakte tapping av krefter. Til slutt kom blanksida og Eirik kunne håve ein typisk Ørstaforma laks på pene 3,62kg.

Etter mykje prating så fortsatte eg nedover og fiska brekket og øvre del av langhølen før eg tok med fisken fram i bilen og gikk på Heggjekrå å prøvde innløpet. Deretter kjørte eg fram på Øvre Mo og fiska over der, men det var ikkje noko å kjenne der heller. Dermed så pakka eg sammen og kjørte opp å fikk pizza med Hang før vi kjørte heim.

Starta med å fiske Ledet, noko som gikk greit, men det var dødt. Gikk så over og fiska brekket og vidare utover så veksla eg mellom innløpet og brekket, fluge og makk uten den store suksessen. Eg hadde sett ein fisk som stod bakpå brekket, innunder land, men i det sola begynte å nærme seg hølen så begynte den å flytte seg rundt. Tenkte då at det kunne være eit håp, så eg lot ting kvile litt ekstra før eg begynte å gå veldig grundig over, starta med korte kast. Allereie på 2-3 kastet var noko bortpå å plukka, først ein gong, så ein gong til og denne gongen hardare, men akkurat nok til at eg ikkje slo til. Venta like lenge som mellom plukka før eg slo til på måfå, men der var det ikkje noko. Eg hadde nok vore så pass i den andre gangen at den holdt igjen.

Eg fortsatte å fiske like nøye vidare utover og nedover og etter 5 minutt var noko bortpå igjen å plukka, men no meir forsiktig og ikkje nok til eit tilslag. Etter dette kom sola i hølen og det vart stille og dødt, så gav meg og kjørte ned for å sjekke bruene.

Der stod det fortsatt bra med fisk på Skipenes, mens på Os var det fjøre så der stod det berre ein foran og ein bak brua. Ståle hadde fiska Staten heile natta og sett ein del fisk, men ikkje fått noko. Han fortsatte framover til klokka var 14, men det forblei null fangst på han.

Vi grilla laks og hadde avskjedsmiddag for oss med fullt telt hos Inge, Bjørn og Lene, danskane Erik og Karsten, Endre, eg og Ly. Ståle fiska Alsaker så han hadde ikkje tida. Når alle var mette så fikk eg og Inge det travelt også, for vi måtte være der før floa var på topp. Vi starta med fluga og fiska hard foran brua og heilt fram, men ikkje noko beit. Det var jevnt fisk oppe og viste seg foran brua, så det gikk truleg jevnt med fisk.

Etter kvart prøvde Inge seg nedover med fluga, men elva var for stor, slik at det egentlig berre var øvre Malakoff som var fiskbar der nede. I kveldinga kom Frank Yri for å fiske Skipenes, og ikkje lenge etter så kunne Irvin berge ein fin laks for Frank ved Steinbordet. Etter dette vart det nesten Clondyke i dette området og dei landa 3 laks og ein aure, pluss at dei mista laks og satte ut igjen minst ein pjakk og ein mindre aure. Mens framme med oss hoppa og hoppa det fisk uten å vise den minste interesse for det vi hadde å tilby.

Ståle kom ned til oss allereie i 8-9-tida og vart der kortet ut, for på Alsaker var det ikkje vits i å fiske meinte han. Rundt klokka 02 fikk vi jaga han fram igjen og då kan eg ikkje forstå anna enn at han hadde gått glipp av mykje action der framme, tvila på at det var berre i flomålet ting skjedde.

Vi drog kjapt over ein gong til før vi tok kvelden, men trua var elendig etter selobservasjonen.

Når vi gikk av vakt så stod Bjørn og Lene opp og tok over på Alsaker. Her fant dei Ståle sovande i bilen, noko han skulle gjere resten av kortet. Allereie tidlig, før sola var komt ned i elva beit det på Fossekanten for Lene. Ho merka først ikkje at fisken beit og den vart ståande rolig, men når ho stramma opp så vakna fisken og begynte å gå. Lene hadde bremsa litt lavt stilt så fisken raste over hølen og var nesten på vei ned elva på bortsida av holmen, men Bjørn fikk gitt nokre gode råd og med bremsa justert så fikk Lene kontroll på fisken igjen og kjørt den tilbake til der ho hadde betre kontroll. Etter ei stund bestemte den seg for å sette unna og for ned fossen. Bjørn hjalp Lene rundt treet før han sprang ned for å finne kvar fisken hadde stoppa mens Lene kom etter med stanga. Fisken hadde stoppa i hølen rett under fossen og dei kunne berge den flotte laksen på 6,82kg der.

Vi hadde avtalt at vi skulle prøvd floa igjen kl.09.30, mens Inge greidde å kome seg opp så sov eg over. Inge starta med fluga, men det var ikkje noko å kjenne til tross for mykje fisk å sjå. Så han tok makken og gikk ned om brua, og på første kastet så beit det bak i bakken på den solide makkeklysa med gummijigg. Kjøringa gikk heilt greitt, sjølv om fisken var seig så hadde Inge grovevegna og for den var ikkje laksen på 5,86kg nokon match.

Inge gikk så tilbake til fluga, så når eg etter kvart kom ned når klokka hadde runda 12 så hadde han gjort berre eit kast med makken, mens på fluga hadde han ikkje kjent noko. Derfor var valget for meg enkelt, det vart makken først. Eg starta framme der  kastebrygga slutta og fiska meg metodisk nedover. Var borti noko bakpå, men det hjalp ikkje å slakke for å få det fast. Til slutt satte eg fast og sleit. Knytte opp igjen og gikk å prøvde igjen i det ein fisk var oppe. Eg gjorde 3-4 kast før noko plukka skikkelig. Denne gongen gav eg ikkje slakke, men lot den tygge eit par gongar ekstra før eg slo til. FAST FISK. Fisken var nær kanten så eg la godt press på. Etter kvart døde det hen i enden og eg begynte å lure på om fisken hadde gått seg fast eller satt blyet fast. Men etter kvart begynte det sige ut sene ifrå snella i det fisken bevega seg igjen, men enno var det merkelig dødt i enden. Etter kvart hadde det rast ut såpass mykje at eg fant det lurast å komme meg ned på det gamle bruhodet for å få sidepress så fisken ikkje gikk på feil side av brupilaren. Men på vei nedover så la eg merke til at sena gikk rett imot eit fast punkt i elva, sjølv om både eg og laksen var på vandring. Pokker, den hadde gått rundt noko. I det eg steig opp på bruhodet så hoppa fisken, men ikkje der eg trudde, men derimot heilt framme ved kastebrygga på Skipenes. Hoppet hadde tydeligvis gjort noko, trulig kombinert med endra press ifrå land, slik at fastpunktet i elva no var på vandring...framover. Etter kvart kom fisken bakover igjen og i det same kom den butte enden av ei grein ut av vatnet. Fisken fortsatte bakover og til slutt glapp snøret over greina og eg hadde direkte kontakt igjen. Fisken som trulig hadde kjørt seg sjølv hardt på ferda framover slapp seg enno vidare nedover, ned i hola der den fikk litt meir hjelp av straumen. Fisken fikk no igjen ein del av styrken sin og eit par gongar var den heilt bort imot kanten av brupilaren, men eg fikk stoppa den ifrå å gå rundt. Etter kvart som den tagna så vart utrasa kortare, men den kjempa tappert kvar gong den kom opp på grunnkanten og Inge greidde ikkje kome nær med håven. Til slutt var fisken og Inge komne under brua der den fikk litt mindre hjelp av straumen inne på grunna, og då måtte den til slutt gi tapt og Inge kunne håve ein kjempeflott holaks på 6,24kg. Ej stakk etter kampen målaren i elva, og denne viste flotte 11,9 grader, noko som forklarer kvifor fiskane var så seige.

Vel framme igjen kom det melding om at det vart kasting i Ørstaelva kl.19.00. Så vi pakka sammen og tima det slik at vi skulle være der like over kl.19. Allereie i det eg gikk ut av døra på bilen så kom det springande folk og alle ropte "Kjempekast". Vi gikk ned for å bisne, og der var bæring av fisk opp i kara allereie godt i gong. Sveitte karer gikk i skytteltrafikk, mens andre lempa mindre fisk tilbake utom nota. Totalt enda det med 34 laks til i kara, med dei som vart satt ut igjen så var der heilt sikkert over 50 laksar, pluss ein stor og nokre mindre aurar.

Inge hadde kort også på søndagskvelden, og då prøvde han sjølvsagt på favorittsona Bjørlo igjen. Han fiska intensivt nokre få timar, men han hverken såg eller kjende noko.

29.06 vart Bjørn og Lene igjen og fiska morgenen på Alsaker. Bjørn var først ute og fikk ein flott aure på 4,22kg foran hola på Sanden på morgenen i 07-tida. Ikkje den mest vanlege plassen for auren å ta, men så oppfører vel større aurar seg litt meir som ein laks.

Bjørn mista i tillegg til det ein laks på Fossekanten etter eit par minutts kamp. Han anslo størrelsen på laksen til ca. 5-6kg etter at den hadde gjort sjølaust.

I 11-tida beit det igjen på Fossekanten, og denne gongen var det med Lene det beit. Denne fisken var noko mindre så denne var lettare å kontrollere og dei kunne lande den fine pjakken på 2,65kg.

Dermed enda denne utvida helga med 5 fiskar i Eidselva, 3 laksar på 5-7kg, ein flott pjakk og ein skikkelig storaure. Ikkje dårlig etter at fisket har vore elendig sesongen så langt.

03.07 fiska Inge Bjørlo på kvelden. Det var fine forhold og det kom jevnt sigande fisk inn i Kastehølen, og då aure. Inge fikk tidlig på kvelden to fine aurar på 2,5kg og 2kg. Begge vart satt ut igjen då han håpte på at det skulle kome større fisk utover kvelden, men i staden kom skodda og la seg i dalen og då slutte det heilt å bite.

04.07 fiska Tore, Bjørn og Lene morgenen på Alsaker. Skodda låg fortsatt tjukk når dei starta, og det er vanligvis ikkje godt for bettet. Men Bruce stod full av fisk, noko som derimot er bra for bettet. Bjørn prøvde på dei, men dei var veldig lausbetne så Bjørn mista 3 fiskar der før skodda hadde letta. Men når skodda endelig letta, så greidde han å få ein av fiskane skikkelig fast, og han landa ein fin laks på 4,2kg i Bruce.

Det var likevel Lene som gjorde det skarpast med å lande ein kjempeflott laks på 5,68kg på Fossekanten midt på dag, rundt klokka 12. Tore kjende ikkje noko på morgenen.

04.07 fiska Tore kvelden Alsaker, mens dei to andre kvilte på kvelden. Det var veldig rolig, men han mista ein flott laks som tok i framkant av Hola. Dette var ein laks på 5-6kg som slapp i det Tore skulle til å dra den fram på grusen. Bortsett ifrå dette var det dødt å sjå til, men det kom meir fisk nedanifrå på kvelden og Tore huka på ein i Vaskeplassen i 22-tida. Dette var ein flott laks på 4,2kg, lusete og frisk rett ifrå havet. Tore fiska ikkje fleire kort.

Inge fiska også kvelden, men han var på Bjørlo. Der var det derimot heilt dødt, sjølv om ein skulle tru at når fisken var på eine sida av elva så skulle den være på den andre sida også?

05.07 fiska Bjørn og Lene igjen morgenen på Alsaker og igjen var det Lene som gjorde det store med ein flott laks på 5,8kg på Sanden, denne tok som vi ser av bildet tidlig på morgenen. I tillegg til dette fikk ho også ein pjakk på 1,04kg også på Sanden. Bjørn har vorte ein racer i Bruce og fikk også denne morgenen ein fisk der, ein pjakk på fine 2,65kg.

Endre hadde fram til no gått lakselaus og i rein desperasjon så vart det eit kort på Staten der han berga årets første, rett nok berre ein tert, men i alle fall rette slaget.

05.07 fiska Inge søndagskvelden på Bjørlo, men som så mange gangar før så var det heilt dødt.

10.07 fiska Inge kvelden på Bjørlo, han starta på ferien no, så han var litt sein innover så det vart ikkje så mykje fisking. Kjende eller såg ikkje noko, men Endre mista ein 10kg på Øyrane.

11.07 fiska Inge kveld på Staten. Såg masse fisk, men han kjende ikkje liv av noko slag.

12.07 fiska Inge morgen på Staten, og det var samme leksa. Dei såg masse fisk, men den ville ikkje bite. I alle fall ikkje før Inge hadde gitt seg då Vebjørn fikk ein tert.

12.07 fiska Inge kveld på Langeland, men det var heilt dødt.

13.07 fiska Inge morgen  på Alsaker, her fikk han ein pjakk på 1,44kg i Bruce på makk

14.07 fiska Inge og Sindre på Alsaker. Inge fikk ein pjakk på 1,34kg og mysste ein pjakk til. Sindre mysste 2 pjakkar.

15.07 fiska Inge morgen på Staten, han fikk ein laks på 4.52kg på flata foran brua på fluga.

15.07 fiska Inge kveld på Bjørlo, det hoppa fisk, men det var ikkje noko å kjenne.

16.07 måtte Inge på jobb på Havyard Leirvik, på vei opp igjen kjørte han på ein hjort og vraka bilen.

16.07 fiska Ståle på Staten, her fikk han ein oppdrettslaks på 7,8kg flata foran brua og ein pjakk på 2,4kg nedan på brua.

17.07 fiska Inge kvelden på Bjørlo, det var masse fisk å sjå, men den ville ikkje bite.

18.07  fiska Inge kvelden på Bjørlo. Han fikk ein pjakk 1,4kg på Holmen og mista ein pjakk på Øyrane.

19.07 fiska Inge kvelden på Bjørlo. Han mista ein pjakk i Hjellehølen som tok på inndrag. Så då var det kanskje ikkje så rart.

20.07 fiska Inge morgenen på Staten. Han hadde fiska kvelden så det vart berre 3t med fisking på natta, men fisken var i bitet og Inge fikk ein pjakk på 2,4kg og var borti 4 fiskar til som ikkje tok skikkelig.

Samtidig fiska Tore og Ståle på Alsaker, men ingen av dei kjende noko. Erik, den lange danske, fikk ein pjakk og mista ein storaure.

20.07 fiska Ståle på Staten på kvelden, her fikk han ein pjakk på 2,4kg på Øvre Malakoff.

22.07 kl.00 starta Inge å fiske på Moldevaldet i Lærdalselva. Det var Ørstingane som hadde ordna med kort, men dei sleit med å fylle dei sjølve, så dei ringde meg, men sia eg skulle til Vietnam så måtte eg la kortet gå vidare til Inge. Fiskeriet hadde vore bra siste tida, så trua var bra, men timane gikk uten at nokon kjende noko. I skyming fiska Inge Kongehølen, og endelig beit det. Det vart ein kamp verdig Kongehølen, men etter ein halv time kunne til slutt Inge håve fisken når klokka var 23.30 og det hadde vorte mørkt. Denne viste seg ikkje å være ein laks, men ein monsteraure på heile 95cm.

23.07 fiska Inge Moldevaldet i Lærdal heile dagen, men det var ikkje liv å kjenne denne dagen.

24.07 fiska Inge enno Moldevaldet og fikk på morgenen på ein 10kg laks i Tilhengaren. Fisken stod bak ei grunne, som eit lite nes. Når fisken tok, så seig den bakover og sekte seg ned på djupet før den kom framover. Og då hadde den greidd å huke lina i ein stein på grunna. Fisken gikk framover og gjorde 3 hopp mens lina fortsatt var fast. Inge sprang ned og fikk løyst lina og kjørde på laksen i 15 min. No var den ganske spak og straks klar for håven når den gjorde eit siste utras nedover. Inge ville ikkje slippe den bak på brekket så han la litt meir kraft på laksen, fisken svinga innimot land og gjorde eit plutselig byks. Inge kjende ikkje at fisken ville hoppe og vart for sein med å legge stanga for å hindre den, så den hoppa, gjorde kolbøtte og klarte å slå seg av fluga. Dermed vart det ikkje laks på Inge i Lærdal, men han berga både turen og året med den fantastiske auren. Han gav seg kl.18. Klokka 21 stengde elva slik at den skulle kvile i 3t før neste gruppe fiskarar kjem.

25.07 var Inge tilbake på Eid og fiska kvelden på Staten. Her fikk han ein litt farga aure på ca.2kg i renna nedanfor brua som han satte ut igjen.

26.07 fiska Inge kvelden på Bjørlo, her fikk han ein farga ho-laks på 80cm på brekket i Kastehølen, som han også satte ut igjen. I tillegg mista han ein aure 1,5-2kg på utfalle.

27.07 fiska Bjørn og Lene morgenen på Alsaker, men det var heilt dødt. Det var berre 5 grader på natta, så dismå på elva var ikkje vekk før kl.09 på morgenen. Det vart stort sett fiska på Fossekanten og nedover, for på Sanden gikk 3 danska på rotasjon i 10t.

27.07 fiska Inge kvelden på Bjørlo, men der var det heilt livlaust

28.07 fiska Bjørn og Lene morgenen på Alsaker. I dag var forholda meir ideelle, men ikkje optimale, men i alle fall slapp dei til der dei ville. Det var Bjørn som starta showet med denne nydelige laksen på 6,4kg som han tok på Fossekanten litt føre kl.07. Laksen hadde vore i kontakt med eit eller anna på tur inn til elva og hadde eit 10cm langt djupt sår på eine sida. Såret var nok minst 14 dager gammalt, så det var begynt å gro godt. På motsatt side, som vi ser på bildet, så hadde den 2 lange striper. Ikkje godt å seie kva som hadde laga det, det er mange som likar laks langs kysten så kunne vore så mangt, men det var vel gjerne noko som hadde bitt den.

Ikkje lenge etter fikk Lene ein pjakk på ca.1kg heilt bak på Sanden, rett utanfor elva, som ho satte ut igjen. Etter dette så mista ho ein flott aure på ca.2kg nedanfor fossen, før ho mista enno ein fisk, denne gangen ein laks på Fossekanten. No hadde klokka vorte ca.09.30 og sette punktum for eit par timar med godt bet for Lene.

Når klokka vart 10.30 så var det Bjørn sin tur igjen, og igjen var det på Fossekanten det beit på makken hans. Denne gongen ein litt mindre laks, på 4,6kg som tok i solskinnet.

28.07 fiska Inge igjen kvelden på Bjørlo, men det var like dødt denne dagen. Inge fiska også Nor etterpå, men det var like dødt her.

29.07 fiska Bjørn og Lene igjen morgenen på Alsaker, med kraftig nordavind i værlaget. Det gikk mykje fisk i alle storleikar, men med slikt værlag så var dei store lite villige. Men dei mindre var lystne og beit villig. Bjørn var den som gjorde det dårligast denne dagen, med berre ein pjakk på 1,6kg som han fikk på Fossekanten. Lene derimot fikk pjakk på 1,4kg på Sanden, før ho fikk ein oppdrettslaks på 3kg og ein pjakk på 0,74kg på Fossekanten. Bjørn he vore plaga med dårlig rygg og avslutta dagen med å krype opp ifrå Bruce så dermed så vert det fiskepause no til han er betre igjen.

29.07 var Mathias og Sivert for første gong i lakseelva og prøvde seg sammen med bestefar. Men det vart ikkje fisk på dei dessverre.

29.07 fiska Inge kvelden på Bjørlo. På Utfallebakkane var det noko som tok fluga hans. Inge trudde det var ein aure og gjorde skikkelig hardt tilslag. Men i enden skjedde det ikkje noko før noko digert slo 3 gangen med haudet så 13'-stanga gikk heilt i botn. Så seig laksen 10-15m nedover før fluga kom. Inge kunne ikkje sei kor stor den hadde vore, men han trudde ikkje han hadde hatt på noko liknande før i alle fall.

30.07 fortsatte Inge å fiske natta på Nor, og fikk der ein flott laks på 4,2kg utpå muren, tok på innsveiving.

31.08 fiska Inge kvelden på Kvien. Det var oppe masse fisk i Hammaren, heilt sikkert 30-40 fiskar på ei lita stund Inge fiska der, men alle var svarte og ikkje bitevillige. Det vart etter kvat bikkjekaldt så han gav seg klokka 00.30 når det var 5 grader. Så då droppa han Nor mens Endre fiska heile natta der uten resultat.

01.08 fiska Inge kveld på Moen, men synes at elva fortsatt var noko stor der med 25 kubikk. Kjente ikkje liv av noko slag, det same resultatet var det for Endre på andre sia, på Kvien. Avslutta på Nor i gode forhold, mørkt og godt, men Endre fraus slik at dei gav seg ganske raskt.

02.08 fiska Inge Bjørlo på kvelden, snakka med Inge når han stod på Øyrane, der var det dødt, men når han kom ned i svingen foran Fåhølen så beit det. Og Inge kunne lande ein fin pjakk på 2,74kg. Seinare flytta han fram på fremste og her fikk han to pjakkar på 1,5kg i Svarthølen.

03.08 fiska Inge mandagskvelden på Bjørlo, men denne dagen var det heilt dødt.

04.08 starta Inge fiske kl.16 på Hjelle

05.08 fiska Inge heile onsdagen på Hjelle

06.08 fiska Inge heile tordagen på Hjelle. På kvelden mista han ein brunaure på 2-2,5kg under landing. Fisken tok på ei #6 fluge heilt nede på Joneset, nesten nede på Jo-utstikkaren

07.08 avslutta Inge fisket på Hjelle kl.16 uten noko resultat denne dagen.

08.08 klokka 00 var Inge tilbake på Moldevaldet i Lærdal, no saman med Atle og Asbjørn. Det var klart og fint vær, så fisket var labert, men Inge fikk ein laks på 4,3kg. På kvelden var det litt aure i bevegelse, men klarværet gjorde at det vart fort kaldt. Frostrøyk stod ut av kjeften, så det var heilt dødt ifrå 23.30, og han gav seg allereie kl. 00.30.

09.08 fiska dei fortsatt Moldevaldet i Lærdal, og denne dagen var fisket betre. Inge fikk ein pjakk på 2kg, og ein aure på 1,5kg, mens Asbjørn fikk ein pjakk på 2,7kg som vart grilla til middag. Etter middag fikk Atle ein pjakk på ca.2kg. Etter at det mørkna så mista Inge ein fin aure som hang på i ca.1 min. Han anslo vekta til 4-6kg. Han hadde også etter ein aure til, men den vart ikkje fast når han slo til.

10.08 mandagen fiska dei fortsatt Moldevaldet i Lærdal. Inge mista laks på morgenen, og litt seinare hadde han opp ein diger laks på minst 15kg, men den tok ikkje. Inge la ut igjen, og i det fluga var komen litt forbi så smalt det på fisk. Inge tenkte aure og slo til, og det stemte. Men i sola var det same som på natta, auren rulla rundt og gikk litt før den slapp fluga. Og dermed var ferien til Inge over.

14.08 fiska Inge kvelden på Bjørlo, heilt dødt.

15.08 fiska Inge natta på Nor og fikk ein aure på 55cm og 1,64kg på brekket foran brua.

15.08 fiska Bjørn og Lene morgenen på Alsaker. Lene gikk fram for å fiske Sanden, mens Bjørn stod igjen på Fossekanten. Bak hola på Sanden beit det med Lene og det var ikkje ein småfisk. Ho kjørte fisken ei god stund før ho ringde til Bjørn, men det visste seg at Bjørn hadde også fått på fisk og kunne ikkje komme å hjelpe. Fisken var ganske rolig og gikk rundt i hola og litt hit og litt dit. Rolig var derimot ikkje Bjørn sin fisk, den satte unna og nekta å stoppe. Bjørn kjempa seg etterveia for å holde kontrollen på laksen som var 5-6kg, men like foran Storesteinen så slo den seg av. Lene derimot hadde fortsatt fisken på, og no var ikkje den heller rolig lenger. Den seig ned og ned og bikka tilslutt over brekket bakpå Sanden. Lene var opplært til ikkje å fylle etter fisken om den ville nedover, men når fisken etter kvart var komen rundt svingen og sena var komen inn i skogen så begynte ho å følge etter. I det same kom Bjørn opp og dei fikk løyst sena ifrå skogen, men då var fisken borte vekk. Fisken hadde hoppa, og Lene var heilt sikker på at den var minst 10kg.

15.08 fiska Inge kvelden på Moen og fikk ein tert på 60cm og 1,8kg nede på flata.

16.08 fiska Bjørn og Lene morgenen på Alsaker. Det var rolig, men Bjørn fikk ein tert på 1,2kg nedanfor fossen.

16.08 fiska Inge kvelden på Bjørlo og fikk ein liten laks på 3,06kg og 65cm i Linja foran Måløyhytta.

17.08 fiska Lene og Bjørn Alsaker igjen og fikk kvar sin tert på 56cm og 1,54kg og 55cm og 1,52kg. Lene tok sin på Sanden, mens Bjørn tok sin på Fossekanten.

21.08 skulle eg endelig få kome i elva igjen. Egentlig hadde eg planlagt å ta fri fredagen og stikke innover på torsdag, men forma var ikkje topp og så hadde eg ein del arbeid å ta i, så det vart utsatt. På vei heim følte eg meg nokonlunde, men heime så seig det på. Både Ly og Lilly kjende også på litt sykje, så vi bestemte oss for å vente og kjøre innover tidleg laurdag. Inge fisk Bjørlo, men det var heilt dødt.

22.08 fiska Bjørn og Lene morgenen på Alsaker. Lene fikk ein pjakk på54cm og 1,32kg på Fossekanten. Bjørn var også borti ein pjakk på Fossekanten, men den hoppa seg ta etter kun kort tid. Eg stod opp tidleg og var klar, men kjende at eg kanskje ikkje var frisk nok til å fare i elva. Så når Ly og Lilly stod opp, og meldingane ifrå Bjørn var at det ikkje var mykje å prøve etter så vart vi heime.

22.08.fiska Inge kvelden på Bjørlo, og fortsatt var det dødt. Disma kom tidleg, så Inge reiste tidleg på Nor og gav seg tidleg der også..

23.08 fiska Lene og Bjørn morgenen på Alsaker. Dei fikk kvar sin tert på Fossekanten, Lene ein på 1,3kg og Bjørn ein på 1,2kg. Seinare på søndagsformiddagen tok dei ned teltet og reiste tidleg heim i selskap. Mandag var eg inn på verksted med bilen, men var ikkje i form for fisking. Brukte i staden heile dagen på å ta ned teltet.

28.08 var eg fortsatt sjuk og var innom legen før vi for til Eid. Ein lett virusinfeksjon kalla ho det. Eg var nedom Chatlet for å sjå etter kort, men eg var urven og fant ikkje noko med kort nok gangvei som frista så tenkte at eg skulle spare alt til resten av helga. Inge fiska kvelden på Bjørlo, men det var heilt dødt.

29.08 vakna eg kl.03 og var ikkje i slag, såg friidrett og åt Pinex til klokka vart 6 og eg prøvde køya igjen. Stod opp utpå formiddagen, men forma var elendig. Inge var på demofiske med avisene, mens eg prøvde å verte i form til korta vart lagt ut kl.14. Ståle og Tore fiska morgenen på Alsaker, men det var heilt dødt.

Men når klokka til slutt vart 14 så var det ikkje tema ein gong å fare å sjekke etter ledige kort. Eg gikk til køys i staden. Vi måtte ned å handle, og kjøpte middag på Kinarestauranten og eg trudde ikkje at eg skulle overleve. Så vi begynte så smått å pakke for tidlig heimreise. På kvelden kom Mattis bortom for å drikke øl, men eg var nok ein elendig drikkekompis. Inge fiska kvelden på Bjørlo og fikk ein tert på 60cm og 1,74kg i Bakkereinå. Etter at det mørkna fiska han også over Nor, men regnet kom så han gav seg tidleg. Tore og Ståle fiska også kvelden på Alsaker, men dei kjende ikkje liv. Det einaste dei såg var ein liten aure som spratt i Bruce utpå ettermiddagen.

30.08 var forma like elendig, så vi pakka sammen tidlig å reiste heim for å kvile ut, mens Inge for på Nor for å prøve ei stang han kanskje skulle kjøpe med Atle. Etter dette for han på Bjørlo der han avslutta sesongen 2015. Heilt livløst.

OPPSUMMERING 2015

Forsesongen vart uten fiske etter blankfisk, og forholdsvis lite camping også. Det var ein del aure å sjå før sesongen, men ellers lite. Elva var skikkelig stor og kald heile juni etter masse snø i fjellet. Dette gjorde fisket tregt på Eid og det var stort sett berre Staten og Skipenes som leverte fisk. I Ørsta hadde det vore lite å sjå, så dei frykta at åpninga der vart like treg som på Eid, men der tok dei feil. Det vart eit fyrverkeri av ei åpning som berre fortsatte utover det meste av sesongen. Etter kvart livna det til litt framover i elva på Eid også, men det tok liksom aldri av.

Eg fiska ikkje åpninga og etter det var det 2 helgar med masse vatn på Hjelle, som var feil ende av elva. Tredje helga fiska eg Alsaker, men det var så dødt at siste døgnet fornya eg ikkje i elva. 25. var eg i Ørsta mens Ly besøkte veninner og etter berre ein halv time så vart det ein flott laks på gode 3,5kg. Siste helga i juni var vi på Staten der eg og Inge fikk kvar vår på 5-6kg. Samme helga var Bjørn og Lene på Alsaker og fisk vart det. Etter dette vart det jevnt med fisk på dei utover heile sommaren og dei hadde ein kjempesesong. Eg reiste til Vietnam, så eg gikk glipp av alt, mens Inge fiska massa på Bjørlo med labert resultat. Han var også eit par turer til Lærdal, det var ikkje like bra der i år, men han fikk ein fantastisk aure på 95cm på eine turen, kanksje årets flugeaure i Norge. Etter at eg kom tilbake vart eg sjuk og dermed så rauk siste helgane, uten at det var så mykje å stå etter med godt vær og lite vatn.

Inge var vel den som fikk flest, men i kilo trur eg Lene var foran. Utrulig godt fiska ho og Bjørn i ein ellers laber sesong. Inge satte nok ny rekord i antall kort og sikkert timer i elva også. Sjølv er eg greit fornøgd med sesongen, sjølv om eg hadde håpt å få til litt fiske etter "ferien".

27.03.2016