STARTSIDE
FISKEDAGBOK
 

2009

  Dagen før det nye året starta satte Atle seg på flyet og flaug halve jorda rundt til Tierra del Fuego, eller Ildlandet som det heter på norsk. Dette er heilt på sørspissen av Sør-Amerika, i Argentina, og skal visst være eit eldorado for sjøaurefiske.

Sjølv om det var på den sørlige halvkule og sommar, så ser det ikkje så veldig varmt ut. Trur temperaturen låg rundt 15, men det var aldri stille, alltid ein god bris.

Men fisk var her, flott sjøaure på fleire kilo, men elva var vanskelig å lese med lite stein, så det tok litt tid før dei store fangstene kom, men nokre fine fisker ser vi han fikk også første tida.

Utrustninga var lette tohandsstenger, 13 fot klasse 8-9, så desse flotte fisken må ha gitt ein bra og flott fight, før dei vart satt tilbake.

Telefonforbindelsen til Ildlandet var ikkje imponerende, så vi som måtte sitte heime i kulda fikk lite tilbakemelding underveis, men vi fikk fyldig referat med bildeshow på Jeger og Fisk når han kom heim. Og alle var samde om at dette nok hadde vore ein gild tur.

Som vi ser her så vart sjøaurene imponerende store etter kvart, 12-14 pund vart det sagt, 6-6,5kg er flott størrelse på ein sjøaure, og ikkje akkurat kvardagskost her i landet. Og i alle fall ikkje på fluge. Får berre håpe at ej kan matche han seinare i sesongen, hadde vore konge det.

Det vart stort sett fiska morgen og kveld, då vinden var hard midt på dag. Men på kvelden stilna den av, men det var ikkje vanlig med nattfiske etter sjøauren der slik som det er her.

Som ein kan sjå så på dette siste bildet så var kveldene flotte, med lite vind og flotte solnedganger. Vi ser også elva er veldig slett, men som vi ser på fiskerene så er det bra med straum. Dette fordi elva kun renn i sand og ingen steiner som bryt opp straumen.

Og alle var samde om at det heilt sikkert var ein gild tur, både han som var der og dei som måtte nøye seg med dokumentasjonen i form av bilder og fortelling ifrå Atle. Får berre håpe vi alle får oppleve liknande ein gong eller to i livet, eksklusivt fiske etter stor fisk må være eit minne for livet.

24-25.01 var Inge, Petter og Andre Knotten i Ørsta uten resultat.

31.01 Inge var innafor aleine og det var heilt dødt. Ej snakka med han i 16.30 tida, og då såg han ein stor oppdretter hoppe. Etter det livna det til, og han fikk ein aure på ca.1,1kg og to mindre som han satte tilbake. Han var bort i minst 15 fiskar fram til det vart mørkt.

01.02 fikk han og Petter ikkje noko, men ein fisk følgde sluken til Inge heilt fram på tangen.

05.02 satte eg meg på flyet til Vietnam for å jobbe der i eit par år med å bygge opp ei teknisk avdeling parallelt med vårt nye produksjonsanlegg i Vung Tau, 3t øst for Ho Chi Minh (Saigon). Bildet til høgre viser bakhagen i huset mitt med pool og uteplass. 200m unna er 3-4km med topp badestrand. Planen er at eg kjem opp igjen ein tur 21.mai og då vert heime for å få med første del av laksesesongen, for så å stikke ned igjen, og komme opp igjen til avslutninga.

08.02 fiska Inge og Petter på badestranda i Ørsta, men det var ikkje liv å sjå. Når dei var klar til å gi seg så såg dei at det hoppa fisk ved moloen på havna. Nokre få kast seinare fikk Inge ein oppdretter på ca.3kg. Og før han hadde fått fisken på land så hoppa dei ved nausta på sørsida, så dei hadde veldig fart.

30.02 var Inge og Petter i Ørsta og fiska på badestranda, dei fikk sei, men det var veldig dødt. Dei såg 2 som hoppa lenge etter at det hadde vorte mørkt.

15.03 var Inge i Ørsta, det hoppa mykje fisk rundt han, og spesielt i renna nord for stanga, men den ville ikkje bite. Det var mykje halvkilos fisk, mens den større som har vore der før no var vekk. Etter kvart vart det mykje trafikk og lys i forbindelse med leiteaksjonen, så han gav seg.

21.03 var Inge inn å såg etter vogna, og der hadde gjengene svikta på eine foten, slik at vogna stod på skeiva. Samtidig hadde noko bitt av ledninga vår, og dermed vart det ikkje overnatting for han. Men han var inn å prøvde auren på Stryn, og det såg lovende ut. Han fikk fleire, og såg mykje fisk, mest små, men også skikkelige ruskar. Den største han fikk var fram imot kiloet trudde han, men han hadde satt alle tilbake. Han såg mykje fisk på Honndalsvatnet, og fisk i alle dei tre nederste vatna på Kile, så fisken har tydeligvis begynt å livne til. Petter reiste på Smøla utpå dagen laurdag, han fiska i Fuglevågen og i nederste vatnet. I sjøen var det heilt dødt, men i vatnet fikk dei 8 aurar på 5-800g, det var rapportert om større fisk lenger inne i vassdraget. Dagen etter var Inge, Asbjørn og Ole Jakob på messe i Ålesund.

28.03 var Ole Jacob i Ørsta å prøvde auren, men det var heilt dødt. Heilt stille og dårlig slukføre.

29.03 var Inge og Sindre Moe i Ørsta, her var det dødt på fluga, så han gikk å bytta til sluk. Når han då kom ned igjen så kom ein stim og det hoppa fisk rundt han over alt. Han mista 3 fisker før stimen var vekk igjen. Det kom ein stim til inn til stranda, men denne fikk han ikkje fiska på.

31.03 var Inge og Petter inn for å sjå om dei kunne finne igjen stimene, men det gjorde dei ikkje.

06.04 reiste Inge og Petter til Smøla. Første kvelden fiska dei første vatnet og Fuglevågen, men det var mager fangst, kun ein liten tynn aure i Fuglevågen.

07.04 Denne morgenen og formiddagen var det meir liv i Fuglevågen, og til sammen fikk dei 10 fisker, men miste 14 stk. Den største auren tok Petter og den var 1,2kg, så tok dei 3 fiskar til, alle på rundt 500g. Resten av dei som dei fikk var tynne og skrinne, og vart satt tilbake. Alle fiskane vart tatt på makrell. Været var klart og skikkelig flott.

08.04 I dag var det heilt dødt igjen i Fuglevågen. 0,5kg pluss 0,3kg på fluge, satt tilbake. Inge miste ein på 1kg på fluge.

09.04 På formiddagen fikk Petter ein aure på 0,9kg på sørsida av elveosen, den tok på makrell og dupp. I tillegg fikk han ein på 0,5kg som han satte ut igjen. Det var også mykje liv å sjå i Fuglevågen denne morgenen.

Det var ikkje liv å kjenne på kvelden, men hundrevis å sjå. Det ploga fisk innover imot vågen og grunna i eit sett, men den ville ikkje. Været var like flott, men med litt vind.

22.05 kom eg tilbake til gamlelandet ifrå Vietnam, først for ei veke med kurs, møter og trening, før det vert lakseferie ifrå åpninga til 1.juli.

Men først var det rett til Eid for å begynne å forberede laksesesongen, og som vanlig så vart det nokre sjefsmiddager, her grilla hjortespidd, nyfiska Honndalskrede og bakte poteter med gode venner, ifrå venstre Atle, Asbjørn, Bjørn og Bente. Og etter maten var det rigging og testing av utstyr, best å være sikker på at alt er i orden til den store bit...forhåpentligvis.
01.06 Eidselva Alsaker 00-14 Elva var på sitt høgste allereie første veka i Mai, og falt jevnt og trutt utover månaden. Derfor såg vi etter kvart for oss ei åpning med lita elv, men siste veka kom regnet og elva steig opp til 36 kubikk. 17 Mai var første dagen det vart observert fisk på brua, og utover til Himmelspretten den 21. steig antallet til 11 fisker på kvelden. Men neste dag var det fisketomt på brua og ingen såg fisk før 31. når det trengtes som mest. Temperaturen siste dagene før åpninga var nydelig, med opp til 26,5 grader og elva låg på 10,5-11 grader på dagtid.

Med alle dei gode forutsetningene var trua, som vanlig, på topp når vi kl.22 samlast ved Fåhølen for ein tynn ein og grilla hjorte- og svinemår. Elva hadde falt til 8,9 grader, så trua var liten om at nokon skulle få noko første timene, men klokka 00 starta vi, Inge, Petter, Sindre Refsnes, Sindre Mo, Tor Aasen og ej, med god tru. Ej starta i fremste som vanlig, men det var dødt. Været var nydelig, så det var kjølig, men samtidig var det lyst nok til makk nesten heile natta, men ej fiska med fluge. Sindre Refsnes derimot var på makken, og i det det så vidt hadde begynt å lysne så beit det med han på Sanden. Han kjørte fisken forsiktig, og samtidig ville den stå rolig, så han holdt på ein halv time før han kunne lande ein flott hofisk på 5,6kg.

Omtrent samtidig gikk Tor Aasen på fossekanten for å prøve, og etter ikkje mange kast så hang det på fisk. Denne gikk heilt fram i fremste Fåhølen, og når ej hadde spurta rundt og ned så møtte ej Tor på vei framover langs land. Når han kom fram der strømmen treff land så var fisken komen bakpå hølen, men han fikk beskjed om å berre fortsette fram imot buda. Fisken gjorde 2-3 hopp, og nokre korte utras, og når Tor var komen nesten forbi steinrekka så låg fisken mest i overflata og vaspa. Men så tok den seg sammen og gjorde eit litt lenger utras. Den kom seg bort i hovedstraumen, der den fikk hjelp og nytt håp, så den tok eit nytt utras nedover imot brekket. Tor ropte stopp og etter kvart lydde fisken, men no hadde den så mykje hjelp av straumen at når den neste gang la seg på, så kom kroken. Ut ifrå hoppa, i skyminga så anslo vi vekta til rundt 8kg.

Utover morgenen vart det rolig igjen, temperaturen i elva falt til 6,4 grader, men tru kom tilbake når den begynte å stige når sola fikk begynne å virke. Inge var bort i 3 mindre aurar på fluge i fremste hølen, men dei sat ikkje. Litt seinare prøvde Petter fluga i Fåhølen, og var bort i to fiskar, trulig aurar. På formiddagen vart det tatt ein laks på 8,2kg like under fossen på Solbakken, på fluge. Men på vår side forble det dødt heilt til vi pakka sammen.

Siste 12 timene av åpningsdøgnet var det Bjørn og Asbjørn som skulle forsvare vår ære imot, Sindre Mo, Tor, Per Olav og Svein Åm, men våre fikk ikkje noko. Sindre derimot fikk ein flott laks på 8,6kg, mens Svein Åm fikk ein urstygg regnbue på 2,9kg, begge på fossekanten.
02.06 Eidselva Langeland 02-14 Ej starta foran Vereidehølen med fluge og fiska meg rundt heile hølen før ej bytta til makk og fiska samme ruta, og fortsatte heile sona til endes. Nedre del var elva lovlig stor, men når ingenting beit så var det ikkje så nøye. Når ej kom fram igjen så fiska ej ifrå Ledet og nedom Vereidehølen med Ambassadør, uten det minste hogg. No var andremann på plass og vi bytta på å fiske. Ej reiste på bruene kl.06.30, men når både her og i Åbrekk var fritt for fisk så miste ej all tru. Sov derfor ein time i bilen, men når ej vakna og det regna, så kom trua tilbake. Men etter å ha snakka med medfiskeren og prøvd makken rundt heile Vereidehølen så var trua vekk igjen. Så då pakka ej sammen og reiste fram igjen.

Petter fiska Stokkenes uten restultat, mens Ørstingene fortsatte på Alsaker, og på ettermiddagen fikk Sindre Mo ein laks til på 5,2kg. Denne tok i hølen mellom Bruce og Vaskeplassen på sluk.
03.06 Eidselva Moen   02-14 Planen var å starte når klokka var 2, men når klokka ringde så ausa det ned, samme som det hadde gjort dagen før, så ej utsatte det. Men vakna ikkje lenge etter, så klokka var berre 02.30 når ej var komen ned. Starta framme med fluge og så makk, før ej gikk i bua og fiska Moahølen med fluge og så makk. Målte så temperaturen, og fasiten sa 3,9 i lufta, og 7,8 i elva. Prøvde så nedover, men det var heilt dødt. Fiska så framme med makk og sluk, før ej prøvde Krutchov og Moahølen igjen. Men hadde ikkje eit einaste napp, så ej pakka sammen og ville prøve igjen seinare. Kjørte nedom bruene for å speide etter fisk, men som bildet viser så låg snøen langt ned i fjella, så fisken holdt seg klokt unna. Turen ned igjen rauk då ej sov til klokka var 13, så då vart ikkje det noko av. For heim på kvelden sia trua var så lav.
05.06 Eidselva Alsaker 14-02 Var på jobb, så klokka var 18 før vi var på plass i elva. Ej fiska kun mellom Fåhølen og Bruce, men hadde ikkje eit einaste skikkelig hogg. Heller ikkje Inge, Bjørn, Atle, Bente eller Ole Jacob kjende noko. Vi gav oss når sola gikk ned og kulda seig på igjen.
06.06 Eidselva Alsaker 02-14 Vi sov lenge med dårlig tru, men var i elva kl.7. Fiska til klokka 12, heile strekket ifrå Sanden til Vaskeplassen, fikk 3 på knappe 30cm ellers heilt dødt. På natta hadde vi bytta ut Bente med Roger Gustavson. Ingen av dei andre var heller bort i noko på dette kortet.

På kvelden fiska Inge, Bjørn, Atle, Bente, Asbjørn og Horst. Men det var fortsatt like kullsvart.

Og på natta fiska Inge, Bjørn, Atle, Ole Jacob og Andre Knotten. Mattis skulle fiske, men kom aldri innover. På morgenen såg Inge 3 fiskar i fremste, og dei var bort i fisk nedanfor fossen, så der var nokre fiskar då, men dei ville ikkje ta. Heile helga var prega av kaldt og klart vær.
08.06 Eira    Ø.Slenes 00-13 Etter å ha kvilt siste døgnet mens dei andre fiska Alsaker, så pakka ej sammen og tok turen opp til Eresfjorden og Eira. Vi har for sesongen 2009 leigt eit vald der, Øvre Slenes, med hytte like ved elva. Eg gjorde meg klar og var i elva når klokka var 12 og sesongen starta. Fiska over Gryta, Lilleplassen og heile strekket derifrå og ned til grensa. Hadde motfiske, men ikkje slik at det var plagsomt. Brukte kun fluga på natta, men det var heilt dødt så ej la meg nedpå.

Stod opp igjen klokka 06 og gikk ei runde med makken, men det var like dødt med den. Såg heller ikkje liv hverken i Grytå eller Lilleplassen, eller nokon annen plass for den del. Så eg fant køya igjen i nokre timer til, og prøvde ikkje meir før fredina klokka 13. Elva var brukbar, men raskt fallende.
08.06 Eira    Ø.Slenes 18-24 Ej fiska over strekket ifrå Lillehølen og ned Neråshølen med fluga, men det var ikkje noko å kjenne. Elva hadde gått ned ifrå 46,5 til 45 cm på målestaven bak på Neråshølen.
09.06 Eira    Ø.Slenes 00-13 Ej sov heile natta og fiska over samme område som dagen før med fluga når klokka var 09, men resultatet var det samme som dagen før, absolutt ingen ting. Lurte på å stikke i Driva før ej skulle heim i selskap til Dina på Torsdag, men elva var berre 60 kubikk, så ej bestemte meg for å stikke heim å jobbe meg frampå i staden. På vei heim snakka ej med Endre som kunne berette om 75-100 fisk på bruene på Eid.
12.06 Eidselva Stokkenes 14-02 Ej reiste innover torsdag etter selskapet til Dina, sov godt og var komen i elva like etter kl.14. Fiska først Myrahølen, så Mastehølen til Moses, var bort i ein fisk bak på Svingen, men den ville ikkje sitte. Det regna ifrå ej vel var komen i elva til kl.17 når ej for fram igjen og åt middag sammen med Inge. Utover kvelden fiska vi heile sona, men det var dødt. Ej gav meg halv ti, mens Inge holdt på nokre timer til.
13.06 Eidselva Bjørlo   02-14 Ej, Inge og Petter starta kl.02 og fiska utover morgenen. På Inge sitt første overfar i Kastehølen så beit det, og etter ein kort og grei fight så kunne han greitt lande ein aure på 1,94.

Inge fiska seg ifrå Utfallebakkene og nedover til Granhølen og vidare nedover stryket. Ved steinene nedanfor treet så tok det ein fisk. Den bråsnudde og gikk 30-40m nedover, svinga over elva og Inge kunne taue den fram igjen langs land. Han rygga opp til brekket på Granhølen der han hadde fisken rett tvert. Då skjena den over og la seg på straumen. Den raste nedover og stoppa ikkje før den var komen ned til muren ved Leivdøla. Inge begynte å springe etter fisken, men etter ei stund snudde den og fortsatte vidare nedover. Når Inge var komen ned til djupaste delen, ved leiren så var spolen nesten tom, kun 4-5 turn igjen. Han holdt på spolen og vassa seg nedover. Han kunne sjå at sena låg i trea heile veien nedover. Han kome seg vidare mens han røska sena ut av småskogen. Når han runda svingen, så fikk han kontakt med fisken igjen, som stod nede i renna bakpå hølen. Herifrå gikk det greitt å få fisken fram igjen. Men å få den ut av straumen var nesten umulig, men etter å ha teita snella litt og lagt seg på troda igjen så kom den sigende. Og dermed kunne han dra fisken, ein nydelig aure på 6480g fram på grusen. Han tok med fisken fram igjen, og når ej stod på utfallebakkene så såg ej straks at det var ein svær aure han kom med. Han bar fisken fram i bua og seig ned på benken heilt utkjørt, det hadde vore ein hard kamp.

No var vi begynt å verte redde for ein Inge storeslem, men ikkje lenge etter når ej fiska innløpet på Kastehølen så var noko bortpå makken. Ej gav slakke og lot den tygge godt på det før ej slo til. Fast fisk! Ej kom fort til at det var ein laks, men ej trudde ikkje den var veldig stor. Men fisken var seig og etter kvart fikk ej sett at den likevel var fin. Etter ein heilt grei fight i rolige former så kunne ej dra ein flott laks på 8,3kg fram på grusen.

Etter dette stilna det av, og vi var gla for det når vi skulle bære fisken opp igjen, noko som var eit slit, sjølv om vi hengde dei på ein stokk og bar dei mellom oss. Midt oppe i skogen knakk også stokken og vi måtte ut på jakt etter ein ny ein. Men vi kom oss opp i bilen til slutt.

Så var det fotosession ved vogna, og mens vi holdt på så kom Horst som hadde fiska Alsaker, og laga eit enno betre bilde med ein kjempeflott laks på 10,8kg, tatt på fluge sjølvsagt.

Petter fiska kveldskortet på Stokkenes, men det var heilt dødt der nede. Så han gav seg tidlig.
14.06 Eidselva Bjørlo   02-14 Ej og Inge starta når klokka var der, men det var veldig klart og iskaldt, kun 4,9 i lufta, men elva var 7,2 grader. Vi såg ein del fisk som var oppe i Kastehølen, men dei ville ikkje ta med oss. Vi prøvde med sene i staden for Fireline, men det var ikkje noko for meg i alle fall. Fiska utover til klokka var vel 07, då var nordavinden komen og sola steikte ifrå klar himmel, så ej hadde mista trua. Inge var fram å henta grovestanga og fiska Hjellehølen til Sanden, han var bort i ein fisk i Hjellehølen, ellers dødt. Ørstingane såg ein kjempediger fisk på fossekanten.
15.06 Eidselva Bjørlo   02-14 Petter vart igjen sammen meg meg, og vi fiska Bjørlo i lag. Vi fiska framme, men det var dødt. Petter fiska seg nedover imot der Inge fikk fisken sin, og litt nedanfor beit det med Petter. Den raste unna, og hang på ei lita stund, før kroken kom. Men det var ein fin fisk. Ej fiska meg nedover seinare, og var heilt ned på Pinå der ej var bort i noko, men ej fikk det ikkje fast. Møtte Petter på vei fram igjen, så vi gikk fram og prøvde litt der før vi gav oss. Ej var ikkje heilt bra i magen.

Petter var ned ein tur til 12-14, men kjende ikkje noko.
16.06 Eidselva Moen    02-14 Ej fiska Moen, var der heilt aleine, sjølv om det var løyst eit kort til. Men det hjalp ikkje, for ej kjende ikkje liv, kun nokre mindre Honndalskrede som nappa.

Rune Rindal fiska Moen på kvelden, og fikk aure på 3,75kg på makk i øverste hølen.
19.06 Eira Ø.Slenes 18-13 Ej og Inge ville prøve Eira igjen, men elva var noko mindre enn sist, så trua var ikkje på topp. Vi starta på kvelden med å fiske over. Inge såg ein fisk som rulla seg bakpå Neråshølen, men vi kjende ikkje noko. Neste morgen såg Inge ein 1kg aure som hoppa framme i bakevja i Gryta. Han fiska over eit par ganger på morgenen, men ej hadde så dårlig tru at ej stod over.
20.06 Driva Sj.strømm 18-13 Sia det var så dødt i Eira, så flytta vi til Driva. Men elva var ikkje veldig stor, og det hadde ikkje begynt å gå aure i det heile. Vi såg ikkje liv for heile kvelden, men på slutten av natta såg vi ein liten aure på 1kg som hoppa framme i straumen foran bua. Men den beit ikkje.

Petter og Bjørn fiska Bjørlo på kvelden. Bjørn starta showet med ein flott aure 3,14kg i Kastehølen. Petter følgde opp med ein aure på 3,44kg, før han fikk ein kjempeflott aure på 5,40kg på utfallebakkene. Endre fikk 2 aurar på 4,5kg, og Rune fikk to aura på 4kg og 5kg på Hjelle. Endre avslutta kortet med ein laks på 4,6kg i Forbygginga.

21.06 Driva Sj.strømm 18-13 Inge hadde tatt fri mandagen, så vi vart igjen ein dag til. Dagen etter hadde ikkje noko endra seg, og det var like dødt. Samme auren hoppa, no på kvelden, men den var like lite bitevillig. Vi holdt på til det vel hadde lysna, men ingenting skjedde.
22.06 Eidselva Bjørlo   14-02 Ej kjørte direkte til Eid, og fant meg eit kort på Bjørlo, fiska framme sammen med Halkjellsvik, men det var veldig dødt. Vi såg fisk som velta seg framme i Kastehølen, men dei tok ikkje. Hadde god tru ein gong, men det var berre ein makketjuv på 30cm.
23.06 Eidselva Bjørlo   14-02 Jonsokaften fiska ej og Endre øvre Bjørlo, ej starta framme, men det var rolig. Utpå kvelden fiska ej meg nedover Utfallebakkene, men det var dødt, så ej fortsatte ned i Granhølen. Midt bak i hølen rasa plutselig sena av snella og stanga stod i bue. Fisken gikk bort til andre sida, seig nedover, svinga over og kom opp med land. Ej trudde ikkje fisken var veldig stor, men ringde Endre som kom springende nedover med filmkamera. Fisken seig over straumen igjen, stussa litt og seig bakover igjen. Den stussa litt midt bak i hølen, kom litt imot meg før den snudde og rasa over imot bakre del på andre sida. Ej prøvde å holde igjen, men fisken drog ut, la seg på straumen og berre auka farta nedover. Den raste raskt ut ca 50m langs land på andre sida før ej fikk stoppa den. Den svinga så over elva og inn under land på mi side. No kom Endre ned, starta kameraet og lurte på kvar fisken var. Ej sa at den var på mi sida langt nedpå. Endre gikk 10m nedover og begynte leite etter fisken nede i vatnet. Ej hadde nok med å prøve å kontrollere fisken, og å få den framover igjen, så ej brydde meg lite om Endre. Etter ei stund såg han opp og lurte på kvar fisken var?? 50 meter nedpå der sa ej, å steikje sa han og for nedover. Fisken kom veldig sakte framover, men plutselig snudde den og rasa nedover igjen. Fisken stoppa midt i elva, fortsatt på 50 meter line, og no vart den liggende å vaspe på grunna midt i elva. Og igjen ropte Endre, for no såg han kvar fisken var. Fisken kom seg over grunna og svinga heilt innunder land. Faktisk så nær at sena hengde seg fast i kvistene på land. Til slutt løysna det og fisken seig utover, men berre 5 meter så hengde sena seg fast igjen. Ej ropte til Endre, mens ej raskt sveiva meg nedover imot fisken. Vi var komne på plass samtidig, og Endre vassa ut og løyste sena. Fisken rasa no nedover igjen, og sia ej var komen til veis ende så var ej noko skjeptisk. Men ej fikk stoppa fisken nede i djuphola innunder land, og begynte sakte å få den framover. Men der var ingen plass å lande, så vi beslutta å gå ned til djuphola. Ej vod meg nedover, over sleip leire med vatn nesten til livet, men det gikk bra, og vel nede i hola var fisken bort i død og berginga gikk veldig greitt. Vi fikk kakka fisken, bløgga den og fant kroken. Denne var godt fast i spjøyra på feil side, ikkje rart den var så ustyrlig. Vi tippa på vekt ifrå under 5 for meg, til vel 5 ifrå Endre. Vel heime vart vekta målt til 4660g, mest fordi den ikkje var sid i buken.

Vel framme igjen fiska Endre seg nedover, mens ej prøvde framme. Etter ei stund prøvde ej i Kastehølen, og bakpå midten var det oppe ein fisk. Ej kasta bort og like etter nappa det. Ej slo til, fast fisk. Ej ringde Endre som var komen i Granhølen, men fisken var mindre og kjøringa gikk raskt, og i det Endre kom ut av skogen så drog ej fisken fram på grusen. Fisken var ein nydelig aure på 3280g. Endre fiska seg nedover Utfallebakkene når han gikk noko før kl.11, og var bort i ein fisk. Så han vart gående å prøve utover, og når ej gav meg 01.40 så var han der enno, og då hadde han akkurat mista to fiskar, ein diger og ein meir normal på 4-5kg. Vi fortsatte til 02, men kjende ikkje noko meir.
26.06 Eidselva Alsaker 14-02 Så kom sommaren, på vei innover kraup gradestokken opp på 31°C når ej kom ned på Hjelle. Ej starta framme, men det var heilt dødt. Sat i buda og snakka med Tore når Inge kom fram igjen. Han hadde sett mange fisker nedover, men hadde ikkje kjent liv. Vi bytta ende på sona, og Inge mista ein aure på 1-1,5kg nedanfor Sanden, men eller var det dødt.
27.06 Eidselva Moen    02-14 Ej og Tore fiska Moen. Ej starta kl. 02 med fluge i fremste, men der var dødt, og samme var det i Moahølen. Bytta til makk, men det var like dødt med denne. Tore kom i 4 tida, og ilag fiska vi til kl.8, då var vi leide fordi det var heilt dødt.

Inge fiska Bjørlo, Det var dødt der også, men på ei overfar på Utfallebakkane tok ein aure mens Inge stod framme ved rotveltet. Fisken snudde tvert og raste unna og ut av hølen. Når den ikkje stoppa i Granhølen heller prøvde Inge å holde igjen litt for å komme seg etter, men då sleit storauren sena. Inge hadde ikkje veldig hard stramming, så han trudde sena hadde fått ein skade.

Ståle og Tore fiska Alsaker på ettermiddagen, og starta tidlig til tross for den steikjande sola og 30 varme. Ståle mista ein stor laks på ca. 10kg på Fossekanten ganske tidlig. Ej og Inge var nede på Eid så vi tenke stoppe der på vei fram igjen, men før vi hadde kome oss fram kom det bilde ifrå Tore, då hadde han fått ein flott aure på 2060g på Fossekanten. Etter å ha jabba ei stund med karene så tok ej med meg auren fram igjen for å berge den i varmen, og for å prøve å sove litt, men det gikk ikkje lenge før neste melding om fisk kom. Denne gongen var det Ståle som fikk ein pjakk 2,66kg, men denne var tynn og slunken. Denne kom Sindre fram med, og etter det hadde ej ikkje meir enn lagt meg nedpå igjen før ny melding tikka inn, denne gongen var det skikkelig fisk Ståle fikk, ein flott laks 7,5kg. Fisken hadde stått ei stund i elva, for den hadde fått litt brunskjær og såra etter lusa hadde grodd fint til. Litt seinare på kvelden fikk han også ein aure på 1120g. Alle fiskane tok på Fossekanten. I tillegg til desse var dei bort i fleire fisker til, og dei såg fisk heile tida som kom opp fossen.

Inge som fiska Bjørlo på ettermiddagen vart sjølvsagt inspirert og reiste kjapt i elva når karene begynte å dra fisk på Alsaker, men samme kvar han leita og fiska, så var det heilt dødt. Ikkje ein gong på motsatt side av karene på Alsaker kjende han liv. Så om all fisken stoppa på Fossekanten og ikkje gikk videre er vanskelig å sei, men det kunne virke slik sia det kun skjedde noko der.
28.06 Eidselva Bjørlo    02-14 Ej hadde god tru etter karene sitt storfiske kvelden før, men framme var det heilt dødt, så i 7 tida flytta ej ned til Måløyhytta. Fiska heile veien fram til Ny-Ledet, men det var dødt. Flytta så ned på nederste og fiska Fåhølen og Fossekanten, men det var dødt, så ej gav meg.

Inge og Bjørn var på Moen å prøvde, men det var totalt dødt. Dei såg ein mørk fisk som var oppe i Moahølen.

Ståle, Tore og Sindre fiska på Alsaker, og igjen var dei bort i fisk. Ståle miste ein pjakk, og Tore hadde på ein laks på ca.10kg, men no kom dei ikkje på land.
    29.06 Petter fiska Bjørlo, han var bort i ein aure på Utfallebakkene ellers dødt.

30.06 Petter fiska Bjørlo igjen, han fikk ein aure på nesten nede ved Leivdøla, berginga var vanskelig på lang line, men til slutt fikk han den over på si side og fikk berga på land ein godt brun aure på 1980g.

01.07 Petter fiska Alsaker, han miste ei krede. Han såg ein fisk på fossekanten. ellers dødt.

04.07 Bjørn kveld på Alsaker.

05.07 Bjørn morgen på Alsaker.

05.07 var Inge og Petter komne på Finnmarka.

07.07  fiska dei Komaga, dei gikk langt fram og var ikkje komne i fiskinga før i 20-tida på kveld.

08.07 Allereie neste morgen var dei på tur tilbake ifrå øvre Komaga. På kvelden fiska dei i osen, men det var heilt dødt.

09.07 Komaga

10.07 hadde Inge på ein pjakk, og så fikk Inge ein pjakk på 1,1kg

11.07 Komaga

12.07 siste morgen i Komaga, Petter mista ein pjakk.

13.07-17.07 Ifjordfjellet

19.07 karane hadde forlatt Finnmark og satsa på Driva. Elva var lita og dei starta i Sjøllandstrømmen, Her var dei bort i masse fisk, alle var bort i 2-3 fisk på kvart overfar. Det hølja ned og Petter si vadejakke lak, så han vart søkkvåt. Sjølv om det beit flittig så vart ikkje noko fast. Dei fiska til det lysna før dei gav seg, dei fiska ikkje på morgenen.

20.07 fiska dei Sjøllandstraumen, elva var raskt stigande. Men ingen av dei kjende liv.

21.07 fiska dei i Lisjehølen på 490 kubikk og der fikk Inge ein laks på 4,2kg på fluge heilt framme, innunder trea. Dei prøvde også Sjøllandstrømmen, men der var ikkje noko.

22.07 fiska dei med fluge ifrå kl.04 til 11.30, men kjende ikkje liv. Dei var aleine i elva for alle andre brukte makk og fylte kvota raskt. Så gikk dei også over på makk, og då fikk Petter ein flott kludd på 3,3kg, og ein liten aure på 0,8kg. Og Inge fikk to aurar på 1,0kg og 1,2kg. Alle fiskane vart tatt i Sjøllandstrømmen på 1 time, så 12.30 gav dei seg med full kvote. Denne dagen måtte dei slakke makken nedover for å få kjenne fisk.

23.07 hadde elva minka mykje, men karene hadde sjølvsagt god tru. Dei starta i Lisjehølen der Petter fikk ein liten aure på 670g før dei flytta ned på Sjøllandstrømmen. Slakketeknikken virka ikkje, og denne dagen dei måtte sveipe makken over hølen for å kjenne fisk. Dette fikk ikkje Petter heilt taket på, men Inge fikk ein pjakk på 2,2kg, og to aurar på 1300g og 1300g, alt på mark.

24.07 Petter og Inge fiska Sjøllandstrømmen. Dei fiska med mark og storfisket hadde roa seg litt. Men på morgenen beit det på ein storing med Petter bakpå hølen. Fisken ville nedover, men Petter la stanga på skuldra og taua den fram i hølen igjen. Etter dette roa fisken seg, og etter ei stund kunne dei berge ein flott sjøaure på 7140g. Fisken var ikkje nygått, og uten lus, men var i godt hold. Dette var ny rekord for både Petter og for alle gutta. Bortsett ifrå denne fisken kjende dei ikkje liv i det heile. Dei såg eit par store til som var oppe i samme området, men dei nasa ikkje etter det. Med denne fisken gikk Petter inn på 4 plass på topp 10 lista for aure i Driva i år, veldig bra.

24.07 Bjørn nytta høvet og tok nokre dager aleine på vogna. Det vart med eit kort denne morgenen på Alsaker. Og fisk vart det, men det var ein oppdrettar på 4,92kg som beit på på Fossekanten. Elva hadde no vorte alt for lita og varm for noko storfiske.

25.07 fiska dei fleire plasser, blant anna i Tvisthølen ifrå nordsida, og her fikk Inge ein flott aure på 2,1kg på mark. Fisken tok bortunder grunna på andre sida av elva. Dei fiska også nedover heile Sande-strekket, men det var alt for mykje vind for å fiske godt, all kontakt med agnet forsvant på veien tilbake. Dermed pakka karene fornøgd sammen leikene sine, desinfiserte utstyret og sikta seg heimover med bilen full av fisk.

30.07 fiska Inge Nedre Kirkeide. Han fikk ein aure på 4300g ved parkeringa, og ein på 1100g og ein på 1070g ved bua på andre sida. Han håva også ein nesten dau aure på 3600g. Augene var sprengt ut og han kom med buken i været.

31.07 var Inge og Sindre på Nedre Kirkeide i pøsende regn, det var heilt dødt.

01.08 var dei inn igjen på NedreKirkeide, og det var fortsatt heilt dødt.

03.08 fiska Inge på Moen, han mista ein pjakk på 1,5-2kg i fremste hølen.

04.08 fiska Inge Moen igjen, han fikk ein aure på 720g på fluge heilt bakpå Moahølen.

05.08 Bjørn fiska Alsaker og mista to laksar på 4-6kg, ein 1kg pjakk + nokre småaure. Dei såg også både storaure og storlaks på fossekanten. Inge fiska Nedre Kirkeidet og fikk to aurar på 950g og 1050g foran buda på andre sida i fremste delen.

06.08 fiska Inge midtre Kirkeide og fikk ein aure på 700g heilt bak på laksegard. Han var bort i ein fisk til bak på laksegard.

07.08 fiska Inge fremste Kirkeide, og her var det dødt som vanlig.

08.08 fiska Inge og Petter nedre Kirkeide, Inge fikk ein aure på 1500g heilt i starten nedanfor parkeringa. Etterpå var dei bort i to fiskar på første overfaret.

09.08 fiska Inge og Petter sone 5 i Strynelva. Petter fikk ein aure på 1000g ved holmen, og Inge fikk ein aure på 900g i nederste hølen. Ellers var det dødt på kvelden. Neste morgen var Petter bort i ein fisk på Mørebrotet, men fikk den ikkje fast. Dei såg det stod fisk og hoppa framme i fremste, nedanfor hengebrua, men den ville ikkje ta. Dei prøvde alt mulig og til slutt tok Inge sluken og fikk ein laks på 3,5kg på spinner.
15.08 Eidselva Staten   14-02 Tilbake i Norge prøvde vi få oss kort i Stryn, men der var fullt, så vi tenkte prøve på Eid til tross for lite vatn, kun 10 kubikk. Det begynte å regne kl.12, men vi sjekka brua og på Skipenesbrua stod ein stor laks. Ej håpte at regnet skulle begynne å virke utover kvelden, og at det då skulle begynne å gå fisk. Ej starta med å prøve på laksen, men den ville ikkje. Prøvde så Hesten også med makk, men ingen ting. Så fiska ej foran brua med fluge, før ej fiska meg heile veien ned til Malakoff, men uten å kjenne eller sjå noko. No var det begynt å verte mørkt, men ej fiska over fremste med fluga, uten at det var noko å kjenne. Det hadde regna heile dagen, så ej såg meg ikkje syn med å fiske utover natta.

Inge fiska Stokkenes, han såg nokre fiskar, men kjende ikkje liv.
16.08 Eidselva Moen    02-14 Vi hadde klokka på vekking kl.05, men fortsatt rant det av himmelen, så vi utsatte det ein time til. Då var det opplett, og regnet viste godt igjen i elvene. Men for meg på Moen var endringa liten. Starta med fluga framme, og raskt var noko bortpå å plukka, men vart ikkje fast. Ej bytta fluge og ikkje lenge etter tok ein fisk fluga. Men det var berre ein 35cm honndalsaure. Fortsatte nedover til Moahølen, men også her var det dødt. Fiska meg nedover, heilt til grensa med makk, men ikkje noko å kjenne. Prøvde så framme, og nedover til Moahølen igjen, men berre småkrede å kjenne.

Inge fiska Staten, og her hadde elva gått mykje opp og var godt farga. Men det var totalt dødt. Einaste han såg var ein liten pjakk som hoppa like ved føttene hans i Malakoff.
20.08 Eira     Ø.Slenes 18-24 Ej reiste oppover torsdag etter møter i Ålesund, temperaturen var 28,5 grader, og utsiktene bra. Var komen der kl.18, og ein halv time seinare var eg komen i fiskinga. Men det var heilt dødt alle plasser. Så ej gikk opp igjen i hytta og laga middag, og då kom Roger inn døra. Vi åt middag og fiska raskt over Gryta med sluk og mark før vi tok kvelden.
21.08 Eira Ø.Slenes 24-13 Vi låg litt frampå, men kl.09 var vi komne i elva. Vi fiska over heile sona, mest med fluge, men det var dødt. Vi gikk fram i Gryta etter stenginga for å sjekke om vi såg fisk, men det gjorde vi ikkje, men i det vi gikk så var ein laks oppe framme på sida av hovedstraumen å slo med sporden. Så den var der! Ej pakka sammen og fortsatte til Driva, mens Roger vart igjen i Eira.
21.08 Driva Gjøra    18-01 Vi var litt etter skjema, men fikk hølen vi ville ha, Molgflønet. Ej gikk med enhands, mens Inge fiska tyngre. Men for begge var det like dødt. Så vi flytta over elva og ned til Øyaflønet. Inge gikk først nedover, og akkurat på brekket av hølen tok ein fisk. Denne var ikkje stor, og etter ein veldig kort kamp kunne han lande ein fin brunaure på 0,82kg. Ej fortsatte først vidare, og like etter slo ein fisk etter med meg, men den vart ikkje fast. Vi fortsatte nedover og like etter at ej gav meg fikk Inge ein liten sjøaure på 0,96kg omtrent akkurat der ej stod 5 minutt før. På neste overfar mista Inge ein fisk like foran brekket, trulig ein laks på 3-4kg, vi hørte og såg eit par fisker til i skyminga. Vi holdt på til kl.01, men etter at det vart mørkt så var det heilt dødt, både på Øyaflønet og Nisjaflønet.
22.08 Driva Gjøra    07-13 Inge starta på Nisjaflønet, mens ej gikk fram og fiska Haukåhølen, men ingen av oss kjende noko, så vi flytta fram på Øyaflønet igjen, men heller ikkje her kjende vi fisk. Sjekka bruene både nede og oppe, men det var lite å sjå. Elva falt raskt, så vi bestemte oss for å prøve lenger nede neste kort.
22.08 Driva Gravem 18-23 Ej starta i Sandin, mens Inge starta i Rønningen. Ej hadde eit par dunk i fluga, men ikkje sikker på kor store dei var. Så bytta vi høler, men det hjalp ikkje, det var like dødt. Så flytta vi ned og fiska nedanfor Bjørbekk bru, men det var dødt her. Snakka med naboene på campingen som hadde fiska foran brua, men dei hadde heller ikkje kjent liv. Det vart surt og kaldt, så vi pakka sammen og satsa på morgenykta i staden.

Roger mista blank laks 8kg etter 20 minutts fight, 10 min etter sleit han på brun laks på 10kg. Begge tok samme plass, utfor trappa i Neråshølen.
23.08 Driva Gravem 06-11 Målaren viste 5 kalde grader når vi starta ifrå campingen, så vi hadde ikkje kjempetru, men ein veit aldri. Ej starta foran Bjørbekk bru, mens Inge starta nede på nederste. Hos meg var det dødt, mens Inge såg ein fisk som var opp og slo, men den ville ikkje ta. Så vi fiska over foran brua fleire ganger, men det forble dødt. Inge gikk etter eit par timer ned igjen og fiska over nederste igjen, og då tok ein fisk der det var oppe fisk. Kjøring og berging gikk greitt, og i det ej kom meg ned så slo Inge ihjel ein flott laks på 3,6kg.

No kom sola, uten at det gjorde det heilt store. Inga såg ein 3-4kg aure som for under brua, men den beit ikkje med meg som stod foran og fiska. Så flytta vi fram og ej fiska Mardølhjellen, mens Inge fiska Nergjerdet. Han såg ein fisk som var oppi heilt bakpå, men kjende ikkje liv. Det gjorde heller ikkje nokon av dei 4 andre som fiska denne hølen. Her er Inge med samla fangst for helga.
26.08 Eidselva Bjørlo   14-02 Ej og Endre fiska kvar vår del, ej fiska øvre, mens Endre fiska midten. Ej kjende ikkje liv, og såg berre ein rygg ute i Kastehølen. Endre såg ein stor brun laks hoppe i Reitehølen, og ein mindre, men blank i Forbygginga, men han kjende ikkje nokon av dei. Ej hadde gitt meg og sende melding til Endre om han hadde gjort det samme, men då svarte han at han var på vei fram, så ej måtte snu. Vi fiska over utløpet på Kastehølen fleire ganger, og Endre prøvde også i Svarthølen, men begge plassene var det heilt dødt. Halv 01 gav vi oss. Kjell Tore fikk laks på 9,2 på Fossen.
27.08 Eidselva Alsaker 14-02 Hadde håpt at det skulle stå nokre fisker på Alsaker, etter at vi hadde sett fisk på brua som gikk. Så det var med god tru ej starta på fossekanten, men elva var lita og det var vanskelig der. Fiska meg nedover, men kjende ikkje liv. Gikk så fram og fiska over fremste delen, men der var berre småkreder.
28.08 Stryn N.Kirkeide 12-24 Ej var ut igjen i møte på morgenen, så ej var innkomen halv 17. Fiska over ved parkeringa, og starta heilt framme etterpå. Var komen ned til Bjørka når Inge kom klokka 18. Vi fiska utover, men det var kun småkrede å kjenne. Vi såg ein fisk ved dei bakerste steinene innunder land, men den tok ikkje. Vi gav oss i 22-tida. Inge hadde også funne ut at grensa no var flytta 200m framover, til like nedanfor holmen på midtre.
29.08 Stryn N.Kirkeide 00-12 På morgenen purra Inge oss klokka 04, så vi var komne inn der i lysninga. Ej fiska over ved parkeringa, mens Inge gikk fram å begynte. Ej såg han ikkje igjen, så ej gikk over marka fram til Bjørka og starta nedover. Litt foran gjerde på andre sida så såg ej ein spor gli over ein stein rett utanfor meg. Ej kasta makk bort dit, og på andre kastet nappa det. Ej var i sjokk når ej såg fisken blenke, fast i snøret mitt. Kjøringa gikk rolig for seg, og etter kvart kom Inge nedover for å hjelpe til. For ikkje å uroe nedover så kjørte ej tom fisken og Inge hova den der den tok. Fisken var ein nydelig aure på flotte 5220g. Inge fortalte at han hadde sett ein aure på 6-8kg som stod inne på graset rett nedanfor trea framme ved gamlegrensa. Utover morgenen var ej bort i ein fisk utanfor bua på andre sida, men ej fikk den ikkje fast. Når det lysna skikkelig så såg vi ein diger fisk i svingen foran parkeringa, og ein fisk på ein annen stein borte i elva. Inge hadde den store etter på sluk, men den tok ikkje.
29.08 Eidselva Bjørlo   14-02 Vi fiska sammen med Endre. Inge starta ved Måløyhytta, og der var det ein fisk, men han fikk ikkje den. Ej fiska Linja, men her var det dødt. Inge og Endre ville fram og fiske Hjellehølen så ej fiska Forbygginga, men kjende ikkje liv. Det gjorde heller ikkje dei. Inge gikk framover mens ej og Endre tok oss ei øl og ein skarp ein. Så fiska ej fremste Linja før ej gikk framover. Inge venta på tur i Nye-Ledet, men her stod Antonsen og banka med sluk, så han tok fluga og gikk fram i Leirhølen. Ej fortsatte fram i Reitehølen, men ingen av oss kjende noko. Nye-Ledet var ledig når ej kom ned igjen, men kjende kun småkrede. Når ej kom ned til Hjellehølen så bestemte vi å stikke fram i fremste. Ej og Endre gikk, mens Inge henta bilen. Vi stoppa i Reitehølen så Endre kunne prøve sluken. Når vi kom fram til Granhølen så hadde Inge allereie fiska over denne, men kun ein mindre aure var resultatet. Vi fiska over framme, både Svarthølen, Kastehølen og Utfallebakkene, men det var dødt. I halv 21 tida kom regnet og det mørkna fort. Det tjukna berre til og vart skikkelig ufyselig. Så sia vi skulle på han igjen på morgenen så gav vi oss.

Det hadde letta opp litt seinare på kvelden, og då hadde Endre vada seg over elva og fortsatt utover, men det var heilt dødt.
30.08 Eidselva Alsaker 02-14 Neste morgen starta ej heilt framme med fluga, prøvde så fluge foran hola og makken på Sanden, men det var kun småkrede. Gikk ned i Buda igjen, og like etter kom Inge. Han hadde sett nokre fisker nedanfor Storesteinen og ein innunder land i Vaskeplassen, men han fikk ikkje fiska på dei fordi dei stod for langt innpå. Han hadde også vore i ein fisk nede i Bruce. Ej fiska meg nedover, mens han prøvde framme. Men det var dødt med oss begge. No hadde regnet starta på igjen så ej hadde mista trua. Inge gikk på Fossekanten, men det var vel mykje vind. Trudde han ville gi seg når han kom fram, men han strena forbi og ville prøve framme igjen. No friska det på, så ej berre venta på at han skulle komme ned igjen. Ej prøvde i Fåhølen i eit lite løje, men sleit og måtte knyte opp igjen. Då kom Inge...med to pjakker på 1,7 og 2,22kg. Han hadde plagast med vinden, så han satte på ein sluk, og på ca 10 kast hadde han fått ein mellom Sanden og hola, og ein under trea foran brua ut på holmen. Dermed hadde han full kvote. Så ej lånte sluken og fiska Øyrane, foran hola, hola, Sanden, nedanfor Sanden, Under trea, Kilen, nedanfor Kilen, heile svingen, Fåhølen, ved Storesteinen, i Vaskeplassen og i hølen nedanfor Vaskeplassen, men ej hverken såg eller kjende liv! Og då var klokka der, så vi gav oss.
03.09 Stryn  Sone 5  18-22 Etter ein solid porsjon med ball, så var ej klar for nokre store aurar i stor elv, ca 100 kubikk. Starta på Mørebrotet, og var raskt i kontakt med ein fisk. Men fikk ikkje inn eit tilslag. Etter eit par kast til så var den der igjen, og no fikk ej inn eit tilslag, men ingenting hang på. Noko stemte ikkje når ej sveiva inn, og det fikk ej bekrefta når vegna kom inn, då hang det berre 10cm sene igjen av fortommen, uten at ej hadde kjent noko under tilslaget. Prøvde så fluga på Mørebrotet og fiska meg nedover, men elva var stor, så like nedanfor neset så måtte ej gi meg. Bytta så til makk og fortsatte nedover. Når ej kom ned til naustet foran huset så var det fisk bortpå utanfor naustet nedanfor. Ej slo til og fisken hang. Etter ein grei kamp kunne ej lande ein blank og fin aure på 1640g. Ej fortsatte nedover, men var berre bort i mindre fisker. Prøvde også nederst hølen, men her var det dødt. Gikk fram igjen og prøvde Mørebrotet i skyminga. Det var dødt i sjølve hola, men i utløpet på bortsida var det fisk borti. Og etter ei stund fikk ej fast ein av dei. Fisken på ca 1kg kom greit etter og kjøringa gikk greitt, men i det ej skulle løfte den opp så falt den av. Etter dette såg ej ein fisk hoppe, men kjende ikkje noko meir.
04.09 Stryn  Sone 5  15-18 Ej starta framme ved hengebrua, men her var det heilt dødt, nesten ikkje småkreder ein gong. Flytta så ned til Mørebrotet, men også her var det dødt. Når det var igjen ein knapp time så fiska ej meg nedover, og allereie på første kastet på neset var ein fisk bortpå, den tok skikkelig og ej slo til, men det kom opp berre ein ribba krok. Var litt småplukking fram på foran neset, men ikkje noko tok skikkelig. Fortsatte etter kvart nedover, men det var dødt. Når ej kom ned der ej fikk fisken i går, så var ein fisk bortpå oppe på grunna midt i elva. Ej slo til, og fast fisk. Denne kjentes tung ut, men kom greitt framover. Når den kom på høgde med meg så rulla den masse rundt og gjorde fleire utras, men til slutt fikk ej dratt den fram i graset. Fisken var litt farga etter ei tid i elva, men var skikkelig feit og fin. Vekta var 2600g. No var klokka 17.45, så ej pakka samme og flytta over til neste sone.
04.09 Stryn  Sone 6  18-22 Inge venta på meg med ein burger, så det vart middag først. Han starta framme med fluga, mens ej starta ved parkeringa. Ej fikk raskt ein liten aure på 6-700g som ej satte tilbake, så fiska ej meg nedover langs holmen, men kjende kun småkrede. Inge var bort i eit par fiskar, men fikk dei ikkje faste. Så bytta vi til makken, han starta bak Mørebrotet, mens ej starta der ej gjorde med fluga. Han var bort i fleire fisker, og det samme var ej. Vi fiska oss nedover, og når Inge var komen dit ej starta så fikk han ein aure på 0,82kg. Denne blødde så fælt at han måtte ta den. Så kom han ned til meg og gjorde nokre kast der mens ej snakka med Angus. Så flytta han ned i nederste, mens ej fiska ned om holmen. Ej var bort i ein fisk like nedfor naustet der ej fikk begge fisken ifrå andre sida, men den vart ikkje fast. Inge var bort i ein, og fikk to 7-800g som han satte tilbake, i nederste. No kom floa, så vi flytta framover, Inge starta heilt framme med fluga, mens ej fiska meg ifrå bilene og framover med makk. Ej kjende ikkje liv, mens Inge var i ein fisk litt foran neset ved båten. Men den vart ikkje fast.

Inge var inn igjen på morgenen 08-11, veldig dødt når han fiska holmen og nedre, men var bort i ein fisk i nedre. Flytta så fram når floa kom og fiska over med makken ved hengebrua, men det var dødt. Prøvde så fluga, og då tok ein aure på 2,02kg litt foran neset med båten, sikkert den han var bort i på kvelden. Fisken hadde stått på elva ei tid.
05.09 Stryn  Sone 6  15-18 På ettermiddagen starta ej framme ved hengebrua, men kjende ikkje liv her, så ej flytta ned til midtre del og her var ej bort i ein tidlig, men denne vart ikkje fast. Fiska meg nedover, men det var dødt. Var bort i noko utfor nedre ende av holmen, men fikk det ikkje fast. Fiska så bake i 3-kanten nedanfor holmen, og her var det noko som kjendes rart ut. Ej slo til og kunne raskt konstatere at det var fisk. Ikkje den største, men ein pinne på 0.92kg.
05.09 Stryn  Sone 5  18-22 Vi starta på nedre delen, ved Berge & Co. Var bort i fleire fiskar, og fikk eit par mindre som vi satte tilbake. Ej fikk ein på 0,86kg.

Når vi flytta fram starta Inge på Mørebrotet, mens ej starta på neset. Ej var bort i ein med det samme, men det vart med ein gong. Fiska nedover og greidde nygge meg ein liten pinne på 0,86 nede ved nausta. Inge fikk ein på 1,06 på Mørebrotet, i renna bortanfor hølen.
06.09 Stryn  Sone 5  06-11 Elva hadde no gått ned masse, og ej begynte på Mørebrotet mens Inge starta framme. Men her var det heilt dødt, og samme var det nedover på neset og bakover imot den hittil "sikre" plassen bak ved nausta. Var noko som plukka forsiktig utfor det nederste naustet, men fikk det ikkje fast. Flytta så ned i nederst og her følgde det raskt etter ein fisk inn, men oppdaga den for seint. No var Inge også komen, og han kunne melde om ein pinne på 0,96 foran Mørebrotet. Vi fiska nokre kast til mens floa kom fort, og var bort i fleire fisker. Ej fikk fast ein av dei, ein aure på akkurat 1kg. Så kom floa og vi pakka sammen for sesongen skulle det vise seg.
11.09 12.09 13.09 Eidselva 09.07 hadde Endre fått starte prøvefisket, eg var på vei til Geiranger på kurs og stoppa på Eid for å sove til neste dag. Planla å fiske, men det var eit forferdelig styrtregn, så vi bestemte oss for å fare på konsert med Øystein Sunde i staden.

I helga hadde vi opprinnelig planer om å fiske Stryn, men sia det hadde vore så labert og elva stupte, så vart vi med Endre på prøvefiske i staden.

Fredagen 11. møtte vi han i elva, då hadde han akkurat fiska Hildehola og området rundt. Han hadde vore uheldig med at ein villaks slukte sluken og reiv hjellene utav seg sjølv, så den vart ikkje satt tilbake. I tillegg hadde han fått ein pjakk. Vi fiska framover til det vart mørkt, med ein oppdretter til som resultat. Vi fiska både laurdagen og litt søndagen, men resultatet vart heldigvis labert.

Mandag 14. reiste ej ned igjen til Vietnam, vekk ifrå pøsregn og frostnetter.
19.09  Mellom slaga i Eidselva med oppdretterene så var Inge på vatnet og fiska med oter. Her fikk han ein flott aure 2,86kg.
 

 

OPPSUMMERING 2009

Ja, vart vel ikkje det store året dette sia det vart lite laks på oss, men ej fikk i alle fall den største.I tillegg for karene på Finnmarka på ferie, og sjølv om dei fangsta bra siste dagene på veien heim, så kunne det ikkje kompensere for dei lange periodene uten fisk. Og med jobbing/fisking og ein og ein halv månad i Vietnam så vart min sesong noko amputert. Men nokre lyspunkt var det då, og då spesielt på auren. Petter greidde slå Bjørn sin gamle rekord med 30g, og satte ny rekord på 7,14kg, mens ej fikk ein flott på 5,22kg i Stryn.

Årets opptur må seiast å være Driva-stoppen til Inge og Petter på vei heim ifrå Finnmarka, fulle kvoter kvar dag i nesten ei veke er sjelden.

Årets laksefisker bør nesten ikkje kårast, men sia ej fikk no største laksen, så får det bli slik.

Årets Aurefisker burde kanskje vore Atle, men sia det er fjusk å fiske under andre himmelstrøk, så får vi gi tittelen til Petter med hans rekordfisk på 7,14kg.

Årets lykketreff må være Tore og Ståle som traff fullt på Alsaker når sommeren kom i slutten på Juni, sjølv om auren min ifrå Stryn ikkje låg langt bak.

Årets nedtur var utvilsomt laksefangsten på Eid, to storlaks på meg og Ståle, ein mellomlaks på Sindre og tre pjakker ein til Ståle og to til Inge siste dagen i elva.

Årets bomtur må vel være guttast Finnmarkstur, ein pjakk og nokre små fjellaure og røyr. Men turen var flott sa dei, om fisket var elendig.

Vi får berre håpe på eit betre år neste år.

 

 
Til Toppen

 

Send meg e-mail

 

 Sida sist oppdatert :

13.09.2011