STARTSIDE
OPP
 

2005

28.01

 Etter mykje møkkavær i måneder, så måtte vi berre avsted, snøen låg djup og værutsiktene var ikkje perfekte, men må ein så må ein. Sia det hadde vore lite fisking og jobbing kvar helg siste månadene, så satsa vi på ei heil helg innafor. Tidleg mørkt er det på denne tida av året, så sjølv om vi tok laust rett etter jobb, så vart årets første tur etter auren starta med fiske i mørket, på Ørsta badestrand. Her var det havblikk, lett yr og veldig dødt.

29.01

 Når vi kom over til Sæbø så var det 50cm snø på campingen, men etter kun kort tid så var det varmt og godt i vogna. Morgen etter var det fortsatt grått og regn og masse spennende idrett på tv, så fisket vart skuva på, men litt etter middag tok vi oss ein tur bort i Hustadvika. Det var opplett innimellom, slik at vi holdt ut til det vart mørkt, sjølv om det nok berre var 2,5-3t. Såg litt fisk nedanfor fabrikken, men langs stranda vår var det dødt. Søndag hadde vi planer om å prøve på vei utover igjen, men det var øsende regn, snøen hadde endra seg til 5cm sørpe som flaut på 10cm vatn. Dermed vart det lite fisking denne helga, men ej kom i alle fall litt vekk ifrå jobb.

19.02

 No hadde det igjen vore tre hektiske veker, med 70t veke og masse helga-jobbing. Heller ikkje denne fredagen kom ej klar, men i alle fall så rakk vi siste ferja innover. Vi var tidlig oppe, men somla til etter 9 før vi kom oss av gårde. Prøvde Hustadvika fram til middag, men det var heilt dødt. På vei opp igjen enda det med full frieksos, men i alle fall så kom ej meg heilt opp til vogna. Vi hadde oss ei kort økt på kvelden også, men her var fortsatt like dødt.

20.02

 På vei ut igjen på søndag så stoppa vi å prøvde på badestranda i Ørsta, uten at det var nokon større suksess enn turene før i år. Såg kun eit par fiskar, men berre på langt hold. Når skal været snu?

26.02

 Igjen vart det seint innover, vinteren var tilbake, så det vart ikkje fiske på fredag, men derimot opp tidlig på laurdag og over til Ørsta for å få meir gass til kamina. Dette måtte sjølvsagt kombineres med ein fisketur, og vi enda opp på Sætre, ute i Ørstafjorden. Dette skulle faktisk vise seg å verte årets første tur med fangst, om to aurer på 25-30cm kan kalles fangst. Været var heilt nydelig, med solskinn, havblikk og så vidt over 0°C. Såg ein del fisk, men mykje is skapte ein del problem. Litt før middag, når sola kom høgt på himmelen, så stilna det av med vaking, og vi slutta av å reiste over til Sæbø igjen

26.02

 Vart sittende å glane på fjernsynet utover ettermiddagen, men i kveldinga vart det ein tur nedom fabrikken i Hustadvika. Her var det bikkje-kaldt og nesten heilt dødt, og med nesten så vil det seie ei krede på 15cm som dreiv å hoppa. Tilbake i vogna kunne vi konstatere -7°C, og med ein frisk vind så forstod vi kvifor det var så kaldt.

27.02

 På vei heim så stoppa vi å prøvde i Ørsta, på badestranda. Men som ellers i år så var det dødt.

12.03

 Endelig så hadde det starta å vårast, nokre grader på pluss, solskinn og stilla lokka meg ein tur med fluga inn i Straumane. Fiska heile strekket ut på fjørende sjø, men hverken såg eller kjende liv. Inge og OJ var i Kristiansund på Fylkesårsmøte i NJFF, så det var derfor det vart jobbing og ikkje meir fisking denne helga.

23.03

 Kjørte rundt heile Ørstafjorden for å finne fisk, men såg lite, så vi satsa på fjøra på badestranda, men her var lite fisk å sjå og enno mindre å få. Etter at floa kom fram vart vi stående å snakke med Tobben og Frode. Dei kunne fortelle at forrige uke hadde dei fått ein del fisk på badestranda, då hadde dei også sett ein god del børstemakk, men siste dagene hadde det vore dødt her. Vi stoppa ute på Sætre og prøvde ved den lille havna ein time før vi tok kveld. Såg fisk, men fikk kun pale og mort.

24.03

 For innover like etter middag, fiska stort sett på Sætre, ved berget og utover til nausta. Såg mykje fisk hoppe, mest små, men også nokre få større. Vi fikk to mindre aurer kvar i løpet av ei heil ettermiddag, noko som var veldig skuffende. Prøvde siste timen på badestranda, såg eit par fiskar hoppe, men etter kvart så var det heilt dødt, og iskaldt, så når det vart skymt så pakka vi sammen.

25.03

 Når vi først var i fiskemodus så satsa vi på å stå opp tidlig for å utforske Nordfjord på leit etter sjøauren. Vi tok første ferja innover kl.08.00. Vi stoppa på badestranda i Ørsta, men her var som ellers i år dødt. Turen gikk derifrå vidare til Eid, der vi hadde håpt å sjå første laksen på elva, men elva var fortsatt veldig lita, så om det var fisk på elva så gjemte den seg godt. Vi kjørte bortom badeplassen for å sjå etter aure, men her var berre eit par mindre fiskar opp å viste seg. Derfor satsa vi på å prøve nordsida av fjorden. Her fiska vi ein liten time uten å sjå fisk i det heile, men ej fikk til slutt ein liten aure. Vi prøvde deretter ved verftet, der vi såg eit par fiskar, men fikk ingen. Kjørte videre utover til Stårheim, vi stoppa eit par plassar å kikka, men vi såg ikkje fisk. Derfor bestemte vi oss for å prøve lenger inne i fjorden, og første målet var Stryn, der vi prøvde badestranda. Her såg vi ein del fisk som vaka, men den store var ikkje lett å lure, mens den mindre beit villig. Så når vi pakka sammen og reiste til Loen så kunne vi bokføre 3 små aurer på meg, og 4 små på Inge.

I Loen prøvde vi på nordsida, men einaste fangsten her var ei hyse på meg. Derfor gikk turen videre til Olden, med nokre stopp på veien for å kikke. Såg ein plass på austsida at det var oppe fisk, så vi stoppa der å prøvde, men det gav ikkje resultat. Stoppa på vika mellom Loen og Olden på vei tilbake då vi såg fisk hoppe her, men bite det ville den ikkje. På Stryn hadde det dukka opp masse folk på badestranda så vi kjørte videre direkte til Eid der vi avslutta der vi starta, uten å få noko.

26.03

 Låg over på Sæbø, og det var derfor naturlig å kikke her først. Rundt middag sjekka vi Hustadvika, men her var dødt, så vi prøvde oss på Hustadneset. Her såg vi småfisk sprette så vi måtte sjekke ut kva det var som jaga i den, men dessverre visste det seg å vere pale, så vi fora godt opp ein lokal katt, før vi fortsatte leitinga på nordsida. Her var eit par mindre vak, men desse var så små at vi kom til at det måtte være mort.

Kjørte så over til Ørsta etter å ha sjekka ut dei vanvittige gravearbeida i Bondalselva. Her kikka vi først på badestranda, men her var det dødt. Var så avgårde å kjøpte ny stang til Inge, før vi kjørte ut til Sætre på nordsida for å prøve. Her fiska vi strekket der veien går heilt nede ved sjøen, såg ein del fisk hoppe, men ej fikk kun ein liten aure.

Fortsatte så ut på Lianeset for å prøve, til og med her var det heilt havblikk, men her var i alle fall litt strøm. Såg kun eit par mindre fiskar hoppe, det var alt. Men vi fikk grilla oss nokre pølser så vi var klare til å fortsette leitinga.

Turen gikk no tilbake til badestranda for å sjekke, men her var fortsatt dødt, så vi kjørte utover på sørsida. Her stod vi lenge uten å sjå fisk, men rett før vi gav opp, hoppa ein diger aure heilt i ytre enden av vika. Vi kjørte oss ut dit og starta fisket, men fisken var som sunket i havet. Etter kvart såg vi fleire fiskar som hoppa og vaka noko lenger inne. Vi flytta dit, og fisken fortsatte å vise seg. Etter ei lita stund var noko bortpå og leika med duppen min, og etter mykje makking så fikk ej fisken fast, men dessverre var det ikkje nokon av dei større, men ein liten aure på 3-350g. Etter dette plukka det borti både med Inge og meg, men det vart ikkje meir her. Prøvde også eit par plassar til i området der vi såg fisk som var oppe, men uten at vi klarte lure nokon av desse til hogg. Når skal fisket snu når det ikkje vart når været har snudd.

28.03

 Inge såg fortsatt ei mulighet for at alt skulle snu seg for oss i påska, og svaret hans var Austefjorden, der hadde vi ikkje prøvd så det måtte vere der fisken beit. Men vi starta i Ørsta på Sætre, her såg vi nokre fiska, og ej greidde huke på ein av dei, men den var berre knappe halvekiloet, så derfor så vart den satt tilbake. Prøvde ei stund her og inne ved havna, uten at det gav meir resultat.

Neste plass vi prøvde var i Sørestranda, men etter å ha fiska ei god stund uten kjenning, så bestemte vi oss for å prøve noko anna., og dermed kjørte vi innover imot Austefjorden. Her prøvde vi på brygga utanfor osen, men vi verken såg eller kjende fisk. Vi kjørte oss ein tur utover på sørsida og kikka i buktene der, men ingen ting å sjå, anna enn midt bortpå fjorden.

Derfor vart det til at vi kjørte tilbake til Ørsta og Sørestranda, først og fremst for å hente kniven. Såg ingen ting, men prøvde likevel litt ved avkjørselen midt på, uten at vi fikk fisk. Såg mykje røyk akkurat på utsida av Lianeset, men tenkte ikkje så mykje over det, det er tross alt bråtebrenningstid. Kjørte så rundt og ut til Sætre igjen. Såg nokre fiskar som var opp ved havna, så vi bestemte oss for å prøve med sluken på desse. Mens vi gjorde oss klare, så passerte brannbilene på vei utover. Ej fikk ein liten på eit av dei første kasta, men til tross for at vi såg mykje fisk, så vart det med denne. Såg kun mindre fisk, så det må vere ein god årgang i kjømda. Etter dette pakka vi sammen. Røyken visste seg å stamme ifrå ein mindre skogbrann.

Dermed vart påska ein nedtur fiskemessig når vi skulle prøve noko anna enn Smøla. Derfor var det nedslående og få rapporter ifrå Petter som var der, og som fiska veldig godt. Onsdagen fikk han ein på 1,1kg og 2 steikefisker i Fuglevågen, Skjærtorsdag fikk han 3 fiskar i Fuglevågen, 1kg, 1,2kg og ein skikkelig flott fisk på 3,1kg. Seinare på dag fikk han ein i Anskotet på 1,1kg. På fredag fikk ein kompis av han ein på 1,7kg i Hopen, og laurdag fikk samme mann ein til på 1,7kg og ein på 0,7kg, mens Petter fikk 3 på 1,1kg, 1,3kg og ein på 1,7kg. Søndag fikk Odd 3 fiskar, ein på 2kg, ein på 0,8kg og ein på 0,7kg. Fiskene vart ikkje vegde på skikkelig vekt, dei fleste vektene er anslåtte vekter ut ifrå lengda, slik at dei vil ikkje verte førte på rekordlista anna enn som ein note, så Petter ta å kjøp deg ei skikkelig vekt!
02.04 Såg ikkje fisk nokon plass, så vi enda i Sørestranda der vi visste at det skulle vere bra fisk, her var vinden frisk, så det vart sluk som vart våpenet. Vi såg fisk med ein gong, og etter nokre få kast sette Inge i eit hyl, ein diger fisk hadde følgt sluken heilt inn, men uten å ta. Like etter hogg det med meg, heilt inne i taren, dessverre var det ikkje den stor, men ein mindre fisk. Den var over minstemålet, truleg årets største for min del , men den var skrinn og full av lus, så den fikk igjen friheten. Etter dette var det dødt, så vi bestemte oss for å kikke litt rundt. I Selbervika såg vi fisk som vaka, så vi stoppa her å prøvde ei stund, vi såg meir fisk, men det einaste vi fikk var småtorsk. Etter dette gjorde vi oss klar til nattfiske på badestranda, dette vart ein langtekkelig seanse, med ein liten torsk som einaste resultat. Så derfor gav vi oss når klokka var snart 2 og kjørte over til Sæbø for å sove nokre timar.
03.04 Vi låg godt frampå før vi tok laust, var å kikka på Sæbø, men her var det heilt dødt, så vi kjørte over imot Ørsta, men igjen måtte vi stoppe for å sjå på ødelegginga av Bondalselva. For å seie det kort, så forstår ikkje vi kva i alle dager dei driv med, reinhekla vanvidd. I Ørsta prøvde vi på badestranda igjen, veret var nydelig og det var fleire fiskere som prøvde lykka. Vi prøvde først ved stanga og etter det eit hakk imot Rema uten at vi kjente fisk. Dei andre gav seg etter kvart, like fiskelause som oss. Vi såg nokre fiskar hoppe, spesielt langt sør, men etter kvart også nokre rundt oss.

Etter dette flytta vi ut i Sørestranda, her var litt vind, så også i dag var det sluk som var våpenet. Vi såg ingen ting, og kjente heller ingen ting, så etter ei stund gav vi oss og reiste heim.
10.04 Vi satt søndag og såg på sykkel før vi reiste innover. Løpet drog ut, så vi vart ganske seine innover, men kveldene er etterkvart lange så fisking vart det. Vi kom inn litt før full fjøre, vi stasjonerte på Rema og prøvde utanfor der først med makrell, men det var både kaldt og dødt, så etter kvart så gikk vi over til sluk. Allereie på første kastet var det noko bortpå langt ute, synes det var noko merkelig og etter kvart så vart det klart at fisken hang på, og då det kom ei lita blank fiskeside glidene så var konklusjonen småaure. Men etter kvart som den kom nærmere så stemte ikkje bildet heilt, og når den kom inn så visste det seg å vere ei lita sild, krøka fint framme i hovudet. Tviler vel på at ho hadde tatt etter sluken så det var nok eit lykketreff som gjorde at ho vart fast. Etter dette beit det ivrig, men det var kun mort og pale som ville ta, så derfor pakka vi sammen og satsa på neste ferje heim.

31.04

 Forrige helg var vi avgårde å satte opp vogna og forteltet, men vi kom oss aldri avgårde å fiske, men denne helga måtte vi prøve. Forrige helg var både Bjørn og Petter innom, mens denne helga var det berre ej og Inge. Atle og Bente Storvik hadde også innover vogna forrige helg og denne helga ville dei vere med oss å prøve auren. Vi starta på badestranda i Stryn der vi såg nokre fiskar, mens berre ein beit med meg, den var liten, knappe 30cm og fikk derfor leve videre.

Herifrå gikk turen til Loen der vi prøvde like før tunnelen imot Olden, Ej fikk ein i samme kaliber som den første, og så fikk ej ei småhyse. Bortsett ifrå dette så var det heilt dødt her.

Så gikk turen til Olden, her såg vi nokre fiska, men dei virka heilt uinteresserte i det vi serverte dei, og ikkje var dei særlig store heller, så vi hadde egentlig gitt oss då ein flott fisk hoppa litt lenger ute ved land. Vi satte oss i bilen og seig utover imot der fisken hadde hoppa. Dette visste seg være eit fint lite nes, brådjupt og med god straum. Vi fiska ei stund uten å kjenne eller sjå det heilt store, men plutselig vaka ein diger fisk langt utpå. Like etter var den oppe to gongar til. Inge kom springande og kasta på den med sluk, fleire gongar landa den midt i områden fisken hadde vore oppe, men den ville ikkje bite. Ej prøvde makrellen og fikk det til å drive bort imot området der, men då var den trulig skremt langt avgårde for beit gjorde den ikkje. Atle hadde prøvd ved badestranda på Olden-sida av tunnelen, han hadde sett fisk, men kjente ikkje noko.
06.05 Grodås var målet for fisket denne kvelden, rapportene vi fikk når vi kom inn var at dei fiska bra på vatnet så vi hadde eit lite håp, til tross for snøbygene som jaga langs fjellsidene og la snø berre eit par hundre meter over oss. Fluge var det naturlige valget i elveosen i sentrum. Vi starta nedanfor brua, og etter ikkje så veldig lenge så fikk Inge ei fin krede på vel 30 cm framme ved brua. Atle var også bortpå ein fisk heil nede, mens ej ikkje kjente hugg.

Etter kaffi bestemte ej og Inge å prøve oss framme i elva foran brua. Her var veldig igjengrodd, men vi lurte oss mellom trea og fikk spey'a såpass at vi dekte elva, uten at det gav noko resultat. Vi fortsatte nedover når vi kom ned om brua, og like etter var ej bortpå ein fisk, men den vart ikkje fast så derfor vart det meir kaffi. Atle som hadde fortsatt nede hadde mista ein fisk heilt nede på fluge, mens sluken ikkje hadde gitt hugg.

Atle gikk fram for å ta fisken min, mens ej gikk heile ned, men no hadde vinden snudd og det var beinkaldt. Atle greidde kroke fisken, men den hang berre ei lita stund før den slapp. No var vi leie og kalde, så vi bestemte at det var tid for å komme seg ut igjen på vogna å finne seg noko godt å varme seg på. Kreda til Inge vart brest, og smakte fortreffelig, men det var godt vi hadde ein pizza å spe på med, viss ikkje hadde vi måtta lagt oss svoltne.
07.05 No hadde vi fått innover Asbjørn Løvøy, så for at han også skulle få prøve litt, så vart det ein snartur i Osvika her på Eid. Vi såg mange fiskar som hoppa, og mykje fisk som vaka, men det var veldig stille og vanskelig, så ingen vart overraska over at vi ikkje fikk noko.

Men positivt at vi såg så pass med fisk, blant anna såg Inge fleire fiskar på 3-4kg langt ute, men dei nekta å bite på med han, og for oss andre var det like greitt. Dermed måtte vi ty til backup-planen for fellesmiddagen, gryterett. Sjølvsagt ein nedtur kontra fersk sjøaure, men likevel godt etter ein frisk kveld ute med stanga.
21.05 Vi måtte ha oss ein kort luftetur, sjølv om det var litt surt og kaldt. Vi stoppa først ved utosen av Maragjølselva, ej og Inge prøve fluga, mens Atle prøvde sluken. Ej var så vidt bortpå ein fisk, det var alt. Så kjørte vi fram til Grodås for å fiske i elva. Denne hadde gått mykje opp sia sist, og var godt brun. Det stod 3 mann å fiska allereie, men desse gav seg like etter vi kom. Atle fiska nedanfor brua med sluk, mens ej prøvde like framom, og Inge forsvant langt framover. Vinden var skikkelig frisk og skapte store problem for #6 stenger, skikkelig kaldt var det også, så etter ein times tid så pakka vi sammen og reiste heim, uten fangst.
03.06 Eidselva Alsaker 14-02 Etter 8½ måneds venting var dagen endelig komen igjen, Årets laksesesong var igang. Med rekordstore mengde snø i fjella etter ein veldig kald vår er utsiktene veldig lovende, meldingene ifrå 15.mai-elvane er gode, og med ei åpning i Eidselva på det jevne så var det med stor tru vi troppa opp for å starte sesongen på Alsaker.

Vi hadde hatt fri fredagen for å vere spenna klare når tida var der for å starte, så vi var tidlig oppe for å sjekke bruene rundt floa på morgenen, etter det var det korthenting og handling av helgens nødvendigheter, før vi kjørte fram og fikk stengene på panseret og iførte oss laksefiskebunaden.

På slaget var vi klare, Inge var først og starta i Fåhølen, mens ej prøvde Fossekanten. Etter nokre minutter med store forhåpninger og brusende Adrenalin måtte vi innsjå at det ikkje var enklare i år enn andre år. Vi fortsatt nedover, Inge var borti ein aure ved storesteinen, og det stod fleire mindre aurer i Bruce, uten at nokon av dei vart faste og ville verte middag. Etter kvart dukka Atle og Asbjørn opp, uten at det hjalp på fangsten i første omgang. Asbjørn gikk som vanlig berre med fluge, mens Atle starta med makk/gulp og gul jigg, heretter kalla "Gulp Melonas".

Været hadde slått om, med 16-17°C og vårlige tendenser i lufta, mens vatnet hadde nådd respektable 9,7°C. Men i sjutida kom regnet, og då datt også temperaturen 3-4°C i lufta. Sia det ikkje var det beste været for fiske og fiskaren, så tende vi grillen og breste oss litt mat. Vi andre var litt avventende når Atle tok flugestanga for første gong og strauk framover, men når Asbjørn såg ein fiske skyte fram og hoppe rett utfor buda så var vi raskt på føttene og gjorde oss klare. Eg sikta nedover, og var komen nesten ned til fossen når ej møtte Ole Jacob og Andre Knotten som skulle fiske Stokkenes. Mens vi stod å prate så vart det plutselig ein voldsom jolm framme ved bua, slik at vi måtte sjå kva som var i gjære, og jaggu der såg vi Atle kome gåande med ein flott fisk. Han hadde vore framme på Sanden og fiska framkant på hola, eller fiska var vel sterkt sagt, på 3dje flugekastet i sesongen huka han på laksen. Fisken hadde rota litt rundt i hola før den sette unna elva, men litt nedpå var fisken ferdig og kunne kleppes greitt av Atle sjølv. Vekta visste 6,6kg.

Vi snakka med folk som hadde fiska heile veka, og dei kunne fortelle at dei visste om ein fisk på makk, og resten var på fluge og sluk, mest fluge, så derfor gikk heile gjengen over på fluga, men uten at det hjalp nevneverdig på fangsten for oss andre. Atle gav seg først, men når klokka bikka midnatt så pakka vi andre også sammen og tok kveld, med håp om betre lykke neste dag 

04.06 Eidselva Alsaker 02-14 Sia elva var så stor og kun laks er på elva, så sov vi heile natta, men klokka 08.30 var vi atter på plass. Elva hadde stagnert 5 cm over startnivået dagen før. Vi fiska stort sett berre med fluge, sia forholda var ganske så like slik dei var dagen før. Vi prøvde både oppover og nedover, men ingen verken såg eller kjende fisk.
04.06 Eidselva Alsaker 14-02 Ut på ettermiddagen såg Inge ein fisk som kom opp fossen, denne stilte seg opp langt inne på bakevja å heiv etter pusten tydelig gåen etter turen opp elva. Det kunne ikkje berre vere fossen som sprenge fisken slik, den hadde kome langt nedanifrå, kanskje rett ifrå sjøen. Seinare såg han også ein fisk hoppe i Vaskeplassen etter at den nesten hadde rent seg på land, så det er tydelig at den har det travelt framover elva. Vi hadde felles middag i elva, planen var ute bak Fåhølen, men rett etter vi tende grillen så åpna alle himmelens sluser seg, og vi måtte søke nødhavn i bua, men det var koselig nok det. Etter middagen gikk vi ei runde til med fluga, men ingen merka noko.
05.06 Eidselva Alsaker 02-14 Denne morgenen var Inge i somlemodus, først måtte vi vente på han på campingen, så når vi kom ned til bilen så vart han stående å somle, så derfor så tok ej og Asbjørn stengene våre og gikk. Slik at når ej var ferdig rigga, så kom Inge diltende. Derfor gikk ej først på Fossekanten for å prøve, med lovnad til gutta om at om 5 minutt så måtte dei kome å hjelpe meg med berging. Og som troll i ord så gikk det ca 5 minutt så var det fisk bortpå å nappa lett, ej slo til og fikk eit tungt drag til svar, fast fisk. Fisken vart stående i straumen å stange ei stund før den kasta seg rundt med kurs for fossen. Ej sette tommelen på spolen og holdt igjen det ej turde, fisken svinga rundt og med nød å neppe så fikk ej snudd den. Men fisken kom no rett imot meg og inn i bakevja, fisken virra først litt rundt før den begynte å rulle i bakevja. Kroken sat fint i munnviken, men likevel likte ej dårlig rullinga, så når den ikkje stoppa med hard kjøring så slakka ej litt på for å roe den, og det hjalp, men då gikk den heilt oppunder berget og drog sena langs berget, men etter nokre nervepirrende sekund kom den ut i straumen igjen. No seig den framover og ej fikk fin stramming på den bakifrå, flott tenkte ej, no he ej kontrollen, men som alltid under laksefiske så er det ein farlig følelse. Fisken gikk framover, men skjena over imot andre landet, plutselig kom ej på at der var eit tre ute i elva som Inge hadde gjort meg oppmerksom på. Fisken hadde nettopp dette i tankene, så når den dreia av nedover imot treet måtte ej igjen sette tommelen på spolen og legge meg på stanga. Fisken stritta imot mens den raskt nærma seg treet. Ej såg at dette kunne gå med litt flaks, men det ville være på håret. Fisken deisa med breisida inn i fremste greina og ej la meg på troda for å få den over på min side, men alt fisken trengte gjere var å slå krøll på seg og dermed hang den med kroppen på feil side. Alle midler vart sjølvsagt utprøvd, stramme, slakke, pumpe konstant press og varierende press osv. men ingenting hjalp fisken hang fast og snurra i strømmen. Sjølvsagt gikk det som det måtte gå, knuten rauk og årets først laks var fri.

Etter å ha fått knytt opp igjen og roa nervene med ein kaffikopp, så gikk turen framover. Trua var lita for meir fisk, men det var for tidlig å gi seg. Ej hadde god tru i fremste, men der stod Inge så derfor vart det Sanden. Ej stod her å fiska då Inge like etter kom nedover. Plutselig var det noko som nappa forsiktig i snøret, og eit raskt tilslag fortalte om liv i andre enden av snøret. Fisken vart kjørt heilt greitt, uten å ta unødige sjanser og var landa etter 3 minutters kamp ved å dra den fram på marka foran bua, Dermed var årets første berga, ein fin laks på 4,06kg. Etter dette var alt stille og rolig resten av kortet.
10.06 Eidselva Øvre Roti 14-02 Så skulle vi endelig prøve Øvre Roti, lenge hadde vi gått på Stokkenes og sett bort på ei fint rydda sone med full tilgang til alle dei gode fiskeplassene som ikkje vi fikk fiske. Inge hadde fiska her ein gong i fjor, så han var kjentmann, mens ej og Asbjørn var læregutter. Allereie før ej var innkomen hadde Inge fått fisk ved "Steinen hans Kåre", men heldigvis var det ein oppdretter på 5,2kg. Ej prøvde fortvilt å få bilde av han med fisken, men sia det var ein oppdretter var dette det nærmeste ej kom, bilde av fisken med ein skuffa Inge i bakgrunnen. I bakgrunnen ser vi også Asbjørn Løvøy. Resten av kortet foregikk i full stillhet på fiskefronten. Alt skulle vise seg ikkje å vere så rosenrødt på denne sia heller, her var ein del skog og buskas som godt kunne vore rydda vekk, men sona er tross alt ei av dei klart best stelte i elva.
11.06 Eidselva Øvre Roti 02-14 Neste morgen hadde vi igjen god tru, og ikkje lenge etter at vi starta beit det på hos Inge igjen, denne gangen i hølen foran steinen der han fikk oppdretteren. Fisken var  raskt oppe og rulla seg i overflata, så Inge kjørte den hardere for å roe den, men dette førte berre til at fisken begynte å hoppe. Etter nokre minutt gikk det som det måtte gå, fisken greidde å komme seg av kroken. Fisken var truleg ein flott sjøaure på 5-6kg. Etter dette var det ingen ting å kjenne og ingen ting å sjå, så dermed så vart det ikkje ein einaste skikkelig fisk på oss, men vi hadde lært oss ei ny sone, og dette hadde vore eit artig besøk. Atle var på Moen, uten å kjenne liv.
11.06 Eidselva Staten 14-02 Neste ykt var vi spredde meir utover, ej var på Staten, Inge var på Moen, mens Asbjørn var på Bjørlo. Ingen av oss verken såg eller kjende noko nokon av plassene. Elva var fortsatt stor, men ikkje verre enn at ej greitt kunne fiske med fluge utfor buda kun med lårvadere.
12.06 Eidselva Moen  14-02 Neste prøvelse var Moen, no sammen med Atle, mens Inge og Asbjørn fiska Staten, som kortet før var det akkurat like dødt begge plasser. Vi holdt ikkje på så veldig lenge utover formiddagen, tålmodigheita var noko tynnslitt etter ei heil helg uten å kjenne hogg.
17.06 Eidselva Alsaker 14-02 Dette var helga vi hadde blinka ut som den store på Alsaker, er litt usikker på kvifor, truleg hadde det noko med månen å gjere, men noko stort funn skulle det ikkje vise seg å være. Vi hadde fått med oss Ole Jakob. Under lunsjen på jobb starta rapportene ifrå Svein Tore å tikke inn om storfiske på Åheim, og på vei innover når klokka var 17 så hadde han fylt kvota på 5 fisker, på like mange timer. Han hadde då fått 3 lakser på mellom 3 og 4kg, ein pjakk rett under 3kg og ein pjakk på 1,5kg.

Ej starta kvelden med å fiske foran hola på Sanden, først hadde ej gått over med fluge uten å kjenne liv av noko slag. Så tok ej makken for å prøve på samme plassen, ej kasta bort å lot snøret svinge inn i bakken. I det snøret hang rett ned kom eit skikkelig drag i snøret, sjølvsagt hadde ej ikkje laus bøyle slik at slakke var uaktuelt, dermed var tilslag alternativet. Ej drog til, fisken drog voldsomt imot, stanga gikk i full bue før ho retta seg like raskt ut igjen. I det eg sveiva inn såg eg grunnen til at stanga ikkje fortsatt stod i bue. Trulig hadde kroken vore godt nok inne i kjeften til at eit tilslag hadde gjort susen, men den hadde nok truffet bein slik at den ikkje gikk inn, men derimot vart rette nesten heile ut. Surt, men enno ein liten lærdom rikere, ha bøylen i fri når du fisker rett unna, slik at du kan gi slakke om det skulle nappe til i andre enden.
18.06 Eidselva Alsaker 02-14 Neste kort vart enno mindre givende, ej fikk ein aure på ca 35cm rett under fossen, som ej satte tilbake, ellers var det heilt dødt med alle mann. Såg heller ikkje fisk i bakevja på Fossekanten, noko som tyder på at det ikkje var for mange fisker i området.
18.06 Eidselva Langeland 14-02 Vanligvis er det vanskelig å få kort på Langeland på stor og tidlig elv, men no lyktes vi endelig. Inge starta med fluga i Vereidehølen, mens ej starta framme med makk. Ej fiska meg rundt heile neset uten å kjenne hugg, og derfor bestemte ej meg for å prøve nedanfor. Men Inge kom meg i forkjøpet, og i det ej kom så langt at ej såg han, så holdt han på å henge opp ein flott aure på 3,95kg, tatt ved steinen hans Kåre. Etter dette prøvde vi alt alle plasser, men uten å kjenne hogg. Som vanlig var det ein heil gjeng på Øvre Roti, blant anna eit kvinnfolk med til tider forholdsvis lite klær på kroppen. Vi gav oss ved midnatt, etter å ha prøvd Clearing med årets første makketjuv som resultat. Her var ganske gjengrodd, men har seinare blitt rydda.
19.06 Eidselva Stokkenes 00-12 Etter ein snartur på brua, starta ej i Myrahølen, mens Inge prøvde Åbrekk. Ej fikk ein aure på 0,5kg her, ellers kjende ej ikkje fisk. Ej var stuptrøtt og reiste derfor fram igjen for å sove eit par timar.

I det ej stod opp igjen kl.5 så kom det melding ifrå Inge om at han hadde fått ein 7kg laks. Når ej kom ned såg ej fort at dette var ein aldri så liten overdrivelse, og vekta på 5.88kg verifiserte det. Etter dette fiska vi heile morgenen i Åbrekkhølen, med korte avbrekk framover og nedover i Myrahølen. Mot slutten av kortet var vi begge i Myrahølen igjen, og igjen nappa det med meg. Fisken virka noko større enn den ej fikk på natta her, men i det den kom nærmere så spratt kroken og fisken var vekk. Dermed vart det med den eine lille på meg og ein laks på Inge. Fisken vart tatt ved favorittsteinen hans, utanfor spiontreet i Åbrekkhølen.

21.06 Ørstaelva Ose      18-24 Åpninga i småelvane hadde vore god, med bra fiske og flott vannstand, men det var stort sett kun laks og mindre av den vanlige pjakken. Så vi satte avgårde med flugestanga for å prøve å overliste ein av Ørstingene, men sammen med alle dei andre som fiska så gikk vi skuffa heim. Vi såg nokre laksar og litt pjakk som hoppa, men å kome på talefot med dei, nei det gikk ikkje.
24.06 Eidselva Bjørlo   14-02 No hadde varmen komt og elva hadde steget ein god del. Ej hadde lyst å fiske framme og valgte derfor Bjørlo, mens Inge dermed måtte fiske Staten. Men fordi elva var så stor så konsentrerte ej meg om nedre deler av sona, då her tåles meir vatn før ho vert for stor. Fiska ivrig heile kvelden uten å kjenne eller sjå liv. Inge fikk seg ein pjuskete pjakk på 1,54 kg rett nedanfor Skipenesbrua, og ein flott aure på 3,0 kg oppå brekket nedanpå Skipenesbrua.
25.06 Eidselva Øvre Roti 12-24 Denne turen på Øvre Roti var det Ole Jakob vi hadde med. Elva hadde som sagt steget mykje, og samtidig hadde temperaturen falle til ca 7°C. Det stod mykje fisk på bruene, og rapportene fortalte om stor oppgang, men for å gjere ei lang historie kort så var alt dødt. Inge hadde på ein mindre fisk foran Hegresvingen og såg samtidig nokre fiskar hoppe heilt framme i Hegresvingen, men de var også alt vi hadde av kontakt. Vi sat heile natta å prata med Ole Ludvigsen som kom nedom for å sjå på brotfisket som uteblei.
26.06 Eidselva Øvre Roti 00-12 Vi håpte at morgenen skulle være meir innbringende, men det skulle vise seg at det satt langt inne. Sona vart tråla opp og ned uten at vi verken såg eller kjende fisk. Ole Jakob gav opp i 8-tida, mens vi, og då spesielt Inge ville prøve litt til. Når klokka hadde bikka 11, så fant også vi ut at vi nok hadde det betre i køya framme i vogna enn her nede. Så vi pakka sammen og fiska oss opp imot bilene. Vi ville også prøve området rundt "Steinen hans Kåre", ej var først fram der og starta framme, og når Inge kom så var ej komen så langt ned at han starta foran meg. Men ej var mest lysten på å kome meg til køys, så ej jaga han ned for å ta sjølve steinen, noko ej sjølvsagt kom til å angre på, for han gikk ned, tok 2-3 kast og dermed sat det fisk på. Inge fiska no med lettestanga, men han sprang fram og fikk taua fisken med seg framover og dermed gikk landinga greitt. Fisken var ein fin aure på akkurat 2.0kg.
29.06 Ørstaelva Ose      18-24 Ny midtveketur, endelig hadde vi ein smak av sommer, og vi kunne fiske i t-skjorte. Det vart tatt ein pjakk på 2kg i nederste hølen på fluge ganske tidlig, og det skulle vise seg å verte den einaste som vart tatt på dette kortet. Vi såg nokre få fiskar som hoppa, men generelt dødt.
01.07 Eidselva Alsaker 14-02 Igjen hadde vi fått berre eit døgn på Alsaker, i tillegg var vi seine innover så vi kom oss ikkje i elva før klokka var over 18, men sia det var solskinn og 25°C så trur ej ikkje det gjorde så mykje. Kvelden foregikk stort sett i stillhet, uten dei store hendingene.
02.07 Eidselva Alsaker 02-14 Nattfisket var som vanlig uten det minste resultat, ej hadde eit lite drag i fluga på Sanden det var alt, trulig ei småkrede. Etter ein kaffikopp i lysninga gikk turen ned på fossen for å prøve her. I starten var det dødt, men plutselig nøkka det til. Tilslaget vart gjort i.h.t. fossekantstandarden og fisken sat. Fisken var ganske rolig og stod stort sett i straumen og inne på bakevja. Inge kom etter kvart springende til, og i og med at den var så rolig, så bestemte vi oss for å ta den med håv på utsida av gjerdet på berget. Inge ville ha den inn på bakevja for så at ej slakka den ut igjen til han som stod på neset. Planen var god og ej var enig i at det var måten å gjere det på. Fisken raste litt rundt og plutselig var den på utsida av Inge, og her rende den seg opp på berget. Det er ikkje noko uvanlig og heller ikkje dramatisk, men Inge såg dette som ei flott anledning til å skifte plan. Han kylte håven ned i vatnet i eit forsøk på å kome under fisken. Og det gikk det, men strømmen hadde tatt nettet på håven slik at dette hadde no vikla seg inn i kroken. Så når då fisken ramla ut av håven til Inge mens kroken var fast i nettet så var det krise. Inge rota febrilsk rundt fisken og fikk nærmast skrapa fisken oppover berget, og med hender og føtter fikk han den så langt at han fikk lagt seg oppå den. Når no fisken var i sikkert grep så fikk han lempa den opp i håven. Men sia fisken var fast i nettet så vart fisken nærmast liggande oppå håven, så når han lempa den over på innsida, så ramla fisken ut av håven. Ej kasta meg over fisken, men fisken fisken sklei under gjerdet og ned igjen imot Inge. Han prøvde sparke den opp igjen, men fisken glei unna og for kvar takling Inge satte inn så kom fisken litt nærmere elva igjen. Men til slutt fikk han stoppa den og kasta seg over den. I det han løfta fisken over gjerdet igjen oppdaga vi at kroken fortsatt sat i fisken, så dermed prøvde Inge å dra stanga også under gjerde samtidig. Etter kvart fikk ej løyst ut snella og Inge kunne igjen sende fisken over gjerdet og ned i min ventende håv. Men snøret var fortsatt fast i fisken, og dermed  plutslig fast i nettet igjen, slik at igjen måtte fisken opp for å løyse. Etter litt sprelling og styr kunne vi sleppe den ned i sikkerheten i bunnen av nettet og puste letta ut etter å ha sikra laksen på 6,34kg.

No var det kaffi på meg, men først passa ej på å jage Inge ned å prøve. Og merkelig nok så var han ikkje tung å be heller. Og som vanlig så gikk det ikkje lenge før det hogg til igjen, og igjen var det laks. Ej treiv håven og begynte springe rundt Fåhølen og ned imot Fossen. I det ej kom ned så var Inge vekk, så ej snudde og fortsatte ned om fossen. I det ej kom ned hørte ej Inge rope for å jaga ein kar som stod på brygga og fiska. Karen pakka seg vekk, mens Inge overtok plassen hans. Fisken ville nedover, men Inge nekta han etter kun få meter, og drog han inn på bakevja. Ej gjorde meg klar til å håve og etter eit par mindre utras så kjørte den seg på land med hjelp av Inge og ej var der straks og bikka laksen på 8,18kg opp i håven.

I tillegg til dette fikk Inge ein liten aure på 0.78kg, i Bruce, og godt utpå formiddagen fikk han også ein pjakk på 1,85kg framme i hola på sanden.
02.07 Eidselva Nedre Roti 12-24 Været var nydelig, så vi sov lenge før vi for i elva, men kl.22 kom vi oss avgårde. Først var vi innom brua. Der kunne dei melde at det hadde gått mykje fisk, og dei vi snakka med hadde tatt 2 laks og 2 pjakk på Staten. Vi for derfor fram med godt mot foran natta. Etter ei overfaring med fluga, uten napp, kom Hilde for å hente oss ned i Hildehola der dei hadde fest. Vi var ikkje vanskelige å be sia det var ganske så skymt allereie.
03.07 Eidselva Nedre Roti 00-12 Klokka 3 greidde vi rive oss lause og kom oss i fiskinga. Allereie på andre eller tredje kastet, rett utfor bua, hogg det på med meg, fisken rulla rundt og rista på seg og vekk var den. Ej fiska meg vidare nedover, og når ej kom ned til nest nederste buska og fiska under siste buska så beit det igjen. Ej gav slakke og slo til, fast fisk, fisken kom raskt opp i overflata og slo kraftig med sporden og rulla rundt, og vekk var den. No hadde det vorte heilt lyst og sola begynte å trykke. Fisken vart dermed forferdelig forsiktig i det klare vatnet og gjorde det umulig å kjenne at dei var der å smakte på makken. Klokka 11.30 skya det endelig til, og då vart straks fisken meir hissig. Inge var borti eit par fiskar og ej var også bortpå å snudde på eit par stykker rett før klokka var 12, men fikk dei ikkje faste. Sona var fin å fiske, spesielt med tanke på at fisken går heilt oppunder land meir eller mindre heile sona.
09.07 Eidselva Staten   02-14 Forholda når vi starta kl.2 var gode, klart, men med lakseskodde i fjella. Ej starta framme mens Inge starta foran brua. Allereie på 4-5 kastet hogg det med han på fluga, fisken var fin og måtte kjøres hardt for ikkje å sette unna. På grunn av overgrodd bare måtte fisken håvast ute i den harde straumen, dette skapte ein del bry, men gikk bra. Fisken var ein laks på 4,34kg. Skodda tjukna til og etter kvart kom den heilt ned på marka. Vi bytta på å fiske foran brua, men det virka som om kvar gong Inge prøvde så kom det fisk, for det hoppa og nappa støtt, mens når ej fiska så var alt dødt. Inge miste mange fiskar, men greidde til slutt å få fast ein til, ein pjakk på 2,07kg. Det stod ein god del fisk nedanfor brua, men desse var umulige å få til å ta, heilt til Inge greidde kroke ein av dei på makk, ein liten pjakk på 1,33kg.

Kva så med meg, jau når ingen ville prøve fluga mi så måtte ej true i dei makk. Det var ein god del fisk å kjenne, men den var forferdelig forsiktig. Men til slutt greidde ej lure på ein ved hesten. Fisken, ein laks på mellom 3 og 4 var skikkelig hard og gav ein god fight. Men etter kvart tagna den og ej kunne begynne å sjå etter landingsplass, men den gang ei, her gikk straumen knallhardt heilt inn til land så her måtte fisken vere bort i død om ej skulle klare det aleine. Så etter mange lange minutt der fisken vart sløvere og sløvere og ej meir å meir fortvila over at ej ikkje kom innpå den med håven, så åpna den kjeften ein siste gong og spytta kroken ut. Fisken var no så gåen at den berre heilt sakte glei tilbake i djupet.

Ej tenkte at fisken no hadde rota rundt så lenge uti hølen at om her var fleire så var nok også dei irriterte og i hugget. Men egentlig håpte ej det ikkje var fleire, for etter 15 minutts kjøring så var handleddet sårt. men allereie første kastet hinta om meir fisk for det nappa ivrig i djupet. Nytt kast og bang, fast fisk. Mens den første heile tida ville unna elva og fleire gonger måtte pumpes fram igjen, så var denne meir medgjerlig. Den ville vere foran meg og helst djupt nede noko som passa meg betre, det som ikkje var like greitt var at den hoppa fleire gonger, men det gikk bra, og fisken tagna raskere enn den andre. Men etter eit par mislykka forsøk på håving så åpna også denne kjeften og spytta ut kroken. Så i løpet av ein halv time hadde ej kjørt fisk i 25 minutt, og mista 2 fiskar på 3-4kg. mildt sagt ergerlig. Tok med eit par småaurer, som var skada, til middag, desse var 0,43kg og 0,32kg.
10.07 Eidselva Staten   02-14 Dagen etter var vi igjen på plass på Staten, været hadde endra seg noko. Skodda låg høgare og letta ikkje som dagen før. Vi fiska mykje etter samme mønster som dagen før, men det var mykje roligare i dag enn i går. Vi fiska mykje i fremre delen, men etter kvart så trekte floa seg tilbake, og då prøvde vi oss nedover. Inge vod uti, mens ej fiska ifrå breidda. Nedanfor holmen fiska Inge heilt framme, mens ej prøvde meg i hola like nedanfor. Allereie på andre kastet mitt hogg det i, og ej slo til å kjende fisken hang på. Fisken gikk borte i hola ei stund før den satte unna, men ej stod rolig, då ej av prinsipp ikkje følger ein laks uten at ej må. Fisken gikk 30m nedover før den svinga rundt og lot seg pumpe sakte oppover imot meg igjen. Laksen kom no også noko nærmare, men det er ganske grunt på sida av hola så den snudde snart bort igjen i renna langs det andre landet. Men neste gong kom den over og inn på det litt djupare vatnet utanfor meg. Her vart den stående å gå fram og bak, ut og inn mens den tagna litt for kvar gong, og etter eit kvarters kamp så kunne Inge håve ein laks på 4,70kg for meg. Inge hadde hatt stortru etter gårsdagens storfangst og fortsatt no nedover i god tru om at det skulle løsne etter dei første miserable timane i dag. Ej fikk hengt opp fisken, knytt opp igjen å hengte meg på Inge nedover imot Malakoff. Her var ej bort i ein fisk i fremre del, men denne lurte meg. Inge riste på hovudet og lurte på kva han gjorde galt, og verre vart det då ej like etter slo til etter at noko hadde rota borti makken min, og stanga gikk i bue. Denne fisken var også seig, men mindre, slik at ikkje lenge etter kunne Inge igjen håve fisk til meg, ein flott pjakk på 2,37kg. Etter dette roa ting seg ned igjen og til tross for iherdig fisking så var det ikkje meir å kjenne.
16.07 Eidselva Alsaker 02-14 Igjen skjedde det utenkelige, nattfisket vart ødelagt av uvettig vading. Eg starta framme foran hola med fluga og var heilt aleine. I det eg fiska framkant på hola kom ein kar ut av buda med hodelykt på, vod seg heilt ut på kanten av hola, og begynte å fiske med ca.100g bly midt på svarte natta, men det var kanskje derfor han brukte hodelykt? I det eg sveiva opp og fortsatte å fiske nedanfor mannen så gikk han å sette seg igjen. Det samme gjentok seg kvar gong eg eller Inge kom hit å fiska. I det det lysna tok eg makken å gikk fram, no fiska eg raskt foran hola for å hindre at vedkommende rakk ut. Han oppdaga meg seint, reiste seg, men såg at eg hadde lurt han så han fant noko anna å styre med. Eg var ikkje interessert i å fiske i hola, for der var nok alt vettskremt, så eg flytta raskt vidare. No gikk karen nedover, men sonen kom ut bak meg og fiska hola. Etter ei lita stund sleit han og akkurat idet han var komen i bua så beit det med meg. Ej kjørte fisken og landa den der ej stod uten at det vart oppdaga, ein fin pjakk på 1,44kg. Ej gikk etter dette ned igjen, idet faren kom opp igjen, sjølvsagt uten å oppdage at ej hadde fått fisk.

Sindre hadde holdt på å gjere seg klar, men tok ein kaffi til før ej jaga han ned på fossen. Og ikkje lenge etter stod stanga i spenn. Nyleg hjerteoperert som han var så tenkte eg at eg måtte vere raskt på plass å hjelpe om nødvendig, så derfor sprang eg det eg var god for rundt og ned på fossen, men der var ingen Sindre, fisken hadde gått utfor fossen. Eg snudde rundt og sprang ned til buda under fossen, men heller ikkje her såg eg han, men brått rasla det i krattet og fram kom han, fortsatt med stanga i fin bue. Fisken var no spak, så berginga gikk greitt, og hjertet gikk fortsatt, men ikkje på laksen som vog 4,06kg. Etter ein ny kopp kaffi, så var det min tur å prøve fossen. Og som så mange ganger før, er det tatt ein, så vert det gjerne fleire. Fisken oppførte seg bra og rota mykje inne på bakevja, einaste dramatikken var når den gikk under berget, men med litt mindre press så skaut den fram i straumen. Til slutt virka den så spak at ej tok sjansen på å gå ned til bakevja å kjøre fisken herifrå, og etter ei lita stund kunne ej dra laksen på 4,05kg fram på grusen.

Etter dette fiska vi framme igjen, Inge starta i fremste, mens ej satsa på Sanden, og mens ej holdt på her så kom Inge med ein flott pjakk på 2,57kg. Når vi så kom ned for ei ny kaffipause, så gikk det ikkje lenge før Inge var komen på favorittplassen. Og etter litt trumfing så sat det fisk på. Ej la på sprang og rakk akkurat å sjå at Inge måtte følge ned fossen, så eg sprang rundt og ned til buda, men Inge hadde stoppa opp og stod å kjørte fisken i hølen under fossen. Men fisken svinga raskt rundt og hang fint etter sporden og Inge kunne dra den inn slik at ej fikk håva den. Straks såg vi at dette var ein av dei tamme fjøslaksane. Med vekt på 4,94kg var det eit under at den vart berga, for den hang berre etter ytterste fliken på sporden når den vart håva. Til sist avslutta Inge med ein ein flott pjakk på 1,83kg tatt heilt bakpå Svadet nedanfor fossen, og sette dermed punktum for ein flott start på årets ferie.
17.07 Eidselva Alsaker 02-14 Vi hadde god tru etter suksessen forrige natt, men det skulle vise seg å verte ei rolig natt. Inge fikk ein fin laks på 4,00kg på Fossekanten på morgenen, men det var stort sett det vi såg av laks denne dagen. Utpå formiddagen var vi borti fleire aurar nedanfor fossen, vi fikk fleire mindre fisker som vart satt tilbake, men til slutt kroka Inge ein aure på 0,9kg heilt bak på brekket på Svadet.
18.07 Eidselva Moen   02-14 Ej og Sindre fiska her, mens Inge fiska Nordnes. Natta igjennom var det heilt stille, vi hverken så eller kjent fisk. Utpå morgenen var Sindre borti fisk i fremste hølen, men han greidde ikkje å få dei faste. Inge fiska i samme hølen, han fikk fisk, men berre mindre fisker. Etter kvart gav Inge opp og sat mest i skuggen å såg på mens ej og Sindre kasta klærne og fiska med godt mot. Eg sat å såg på mens Sindre fortvila over napp uten resultat. Til slutt sleit Sindre snøret, og eg gikk ut for å prøve. Ganske raskt fant eg fisken bakpå, og på andre forsøket hang den. Etter ein kort fight kunne eg håve ein nydelig aure på 1540g. Etter dette var vi bort i flere fisker, men dei hang berre eit kort øyeblikk. Etter kvart vart sola for hard ned i hølen og ting roa seg.
19.07 Eidselva Stokkenes 02-14 Etter ei lang periode der vi ikkje hadde sett fisk stoppe i Åbrekk, så viste no fisken tegn til igjen å ville stoppe opp her, og dermed så bestemte vi oss for å prøve denne erverdige sona for vår del. Det låg an til at vi skulle få være aleine også, så trua var god. Og allereie på første overfaringa med makk, etter nattfiske med fluge, så beit det med meg. Fisken var ein bra fisk, ein skikkelig fin pjakk, berginga gikk greitt og mens 2,98kg laks rann tom for blod, drakk vi kaffi for å roe hølen. Inge starta først på neste runde, med meg bak. I det Inge var komen ned til trea og eg var komen midt ned i hølen beit det igjen. Denne gongen var det ein litt større fisk, heilt sikkert ein laks. Kampen var hard, men ikkje så veldig dramatisk og etter 5 minutt kunne ej dra laksen på 3,69kg fram på sanden. Etter dette vart det lenger mellom nappa, men heile tida var vi i fisk, noko som resulterte i to aurar for meg på 1,03kg og 0,58kg. Etter dette var det rolig lenge, samme fiskene stod i hølen, men viste ingen interesse for det vi bød fram. Til slutt satte ej på ein liten kleppesluk mens Inge var i spiontreet. Første kastet følgde ein fisk etter, mens på andre kastet hang den. Fighten vart kort og udramatisk, men gav ein fin pjakk på 1,59kg. Inge var no rettelig irritert på at han ikkje lykkast, men han nekta å gi seg, og satte på ein liten rød gummibit for å terge ekstra, og brått hogg det til. Fisken var stor, men oppførte seg rolig og fint så vi hadde faktisk begynt å planlegge landing når fisken rasa ut og over på andre sida, så rasa den nedover, stoppa litt og rasa videre og videre og videre. Til slutt var fisken langt nedanfor 3dje steinen og heilt utenfor kontroll for Inge. Men han kom nedover etter fisken som til slutt stoppa. Eg var komen ned til 3dje steinen og ropte opp at einaste sjansen var å rygge fisken opp igjen, dette hadde funka før og håpet var at det igjen ville funke. Sakte, men sikkert kom fisken sigende, stadig vekk stoppa den, men kreftene hadde tydeligvis skranta så dermed greidde den ikkje å rase unna igjen. Fisken søkte no inn på grunna, men passa heile tida på å vere akkurat utenfor hold for håven min. Eg hadde den nesten nedi eit par gonger, men den seig unna. Til slutt var fisken komen heilt fram til spiontreet, men den ville ikkje lenger, og vart stående i rippelet rett utfor treet. Eg vod ut mens Inge la litt meir sidepress. Eg såg godt kroken, som sat på utsida av kjeften på fisken, som sikkert vog mellom 8 og 9 kg, plutselig løysna festet og fisken kunne sakte sige bort igjen i djupet. Litt surt etter ein slik heftig kamp, men det vart like lang laksekjøring på Inge som på meg til sammen på alle fiskene, lærerikt var det også, så Inge deppa ikkje mykje etter tapet. Etter dette vart det ikkje fleire fiskar som vart faste.
20.07 Eidselva Alsaker 02-14 Vi hadde sett lite fisk gå natta før på Stokkenes, så vi hadde lita tru, men at det skulle verte så heilsvart var egentlig utenkelig, men tydeligvis ikkje umulig. Ej miste ein aure på ca 0,7kg på fossekanten, fordi ej prøvde lempe den over gjerde. Kvifor i all verden gjorde ej det?? Jau Inge orka ikkje gå rundt gjerdet å håve fisken, så derfor vart det prøvd å lempe. Dette var den einaste fisken vi hadde fast i andre enden av snøret. Vi såg to fisker hoppe på Fossekanten, og ein som blenkte i Bruce, ellers virka sona død.
22.07 Eidselva Kvien   02-14 Inge fiska Stokkenes natt til 21., mens eg kvilte meg ut til selskap med Mathias i Sandvika. Kokte kaffi til Inge på morgenen og tok med ned for å sjekke fangsten. Han hadde god tru etter min storfangst 2 dager før, og når eg kom ned så hang det 3 aurar i treet, og seinere fikk han enno ein aure. Vekt var 0,6kg, 0,9kg, 1,26kg og 1,92kg, ein flott fangst altså.

Etter bursdagsfeiringa barst det rett inn igjen til Eid for å fiske Kvien på natta. Sjølvsagt måtte ej stoppe på brua for å sjekke oppgangen. Her var det kun ein laks og den raste rundt tydelig skremt. Mens ej stod der å prata med Einar Sivertsen kom plutselig ein stor plog til syne bakpå brekket, og like etter stakk eit rundt lite hode opp, kobben var tilbake i elva. Kobben dukka raskt og kom som skutt framover elva langs botnen. Den var så vidt opp å trekte pusten på brekket ved hesten, før den fortsatte i samme farta. Ej kasta meg på telefonen til Rune Rindal og Endre Hjelle for å mobilisere jaktlaget som siste dagane hadde jakta på dyret. I løpet av 3 minutt var dei første på plass, og eit kvarter etter var elva bemanna med jegere ifrå Vereidehølen og ned. Sjølv fulgte eg med jaktleder Hilde og storskytter Egil Dahl då dei posterte i Åbrekkhølen. Sikker skuddsektor vart definert, ein franskmann måtte jages ut av denne, men det gikk bra. Rett etter at han var komen ut av sektoren dukka eit forskremt hode opp, Dahl sikta, men skuddet traff ikkje skikkelig, men nok til at kobben rulla over på sida og flaut med ryggen i været nedover elva. Eit nytt skudd gikk, denne gongen rett ned i ryggen på dyret, som raskt forsvant. Eit søk vart satt igang nedover elva, men ingen såg igjen kobben. Plutselig kom det melding om at kobben var observert i full fart nedover ved Hesten. Vi kasta oss i bilen og kjørte ned på Osbrua. Her hadde posten ikkje sett noko av kobben, så no var den mellom bruene. Plutselig dukke hodet opp igjen frampå for så å dukke igjen. Like etter kunne vi sjå kobben i full fart under brua på vei til havs, no med eit stort sår på ryggen. Det vart løyst eit skot til imot den når den var komen ut på fjorden, men skjebnen av det skotet eller kobben forble ukjent. Søk vart satt igang med båt, men ingen såg tegn etter kobben, så truleg vart den enten treft siste gongen, eller så drukna/blødde den ihjel.

Klokka vart no midnatt, så eg trekte opp for å forberede nattens fiske. Sat ei stund hos Bente å viste jaktbilder før karane våkna og vi kunne stikke i elva. Natta starta på verst mulige måte for meg, då eg trakka litt feil slik at ein stein bikka litt på seg under avfisking av Moahølen. Ikkje det at det normalt skulle få store konsekvenser, men når det korrigerende steget enda på utsida av muren eg stod på så enda det med at eg plutselig hadde vatn midt opp på låra. Heller ikkje det så galt med vadestøvler på, men når eg samtidig hadde mista flugestanga og måtte vasse etter denne på enno djupere vatn, så vart eg ganske våt. Heldigvis hadde eg byte i bilen, så etter ikkje mange minutt var eg tilbake i elva. Resten av natta gikk greitt, men fisken glimra med sitt fråvær. Men Einar Sivertsen hadde tidligere i veka fiska godt på Moen, så vi viste her skulle vere aure i området, og når vi kom ned på flata var eg borti fisk. Mange forsøk seinare, og fleire napp seinare tok endelig fisken, ein fin aure på 2-2,5kg. Fisken hoppa og raste rundt, men virka skikkelig fast. Så sette den unna elva uten at ej greidde stoppe den. Inge som hadde vadebukse fikk stanga for å følge den ut i elva rundt nokre tre mens eg sprang skogen for å kunne håve om den rende seg på land, men Inge vart stående på steinen og dermed for sena inn i trea og fisken kunne greitt slite seg av kroken. Hadde breidda vore rydda så hadde nok fighten kunne fått eit noko anna utfall. Etter dette var det heilt stilt.
24.07 Eidselva Alsaker   02-14 Som vanlig var natta rolig, ingen ivrig fisk som ville smake på fluga. Heller ikkje Fossekanten ville gi ifrå seg fisk i lysninga og utover morgenen. Etter kvart prøvde ej makken framme på Sanden. I det ej kom midt nedpå var det fisk bortpå og ej slo til, fast fisk. Trudde først det var ein pjakk, men fisken var seig og viste seg å vere større enn først antatt. Fisken oppførte seg fint, men det var ein heftig fight med mellomstanga og haspel. Fisken seig sakte nedover og trua med å sleppe seg utfor brekket, men ej fikk rygga den opp igjen. Enno ein gang var den heilt bakpå brekket, men ej greidde stoppe den, og sakte kom den sigande fram igjen. No var fisken snart ferdig, men det lette utstyret gjorde at den var seig å få fram på grusen, men etter eit par forsøk kunne ej dra fisken på land. Laksen viste seg å vere 3,6kg.

Utpå morgenen kom det melding om at Sandvikarane ville ta seg ein tur å hente litt fisk, så vi gav oss i middagstida og kjørte fram for å møte dei. Sjølvsagt måtte vi då få festa Dina og Mathias på bildet
25.07 Eidselva Stokenes   02-14 Vi håpte fisken hadde dukka opp igjen etter at selen no hadde måttet late livet. Og fisk var her, det stod mange store aurar i hølen, men dei var umulig å komme på talefot med. Utpå morgenen bestemte ej meg for å prøve trikset til Inge, ifrå sist vi var her ilag, ein liten ring rød gummimakk. Straks tok ein fisk, og etter ein kort kamp kunne vi berge ein flott aure på 1,12kg. Etter dette prøvde vi alt, men uten at vi klarte å lure nokon av dei større aurene som stod bakpå. Det virka også som om oppgangen hadde stoppa opp, det einaste livet vi såg av fisk som kanskje gikk, var eit par fiskar som var oppi på svartaste natta. Når vi kom fram igjen kom DJ og Beate innom ein tur, dei fikk med seg fisken inn igjen til Stryn.
26.07 Eidselva Bjørlo   02-14 Så skulle vi endelig prøve Bjørlo igjen, vi visste at det hadde vore fiska bra her tidlig, men etter kvart hadde det stoppa opp litt, men vi hadde likevel god tru, og håpet var spesielt stort om å endelig få skikkelig fisk på fluge her framme. Derfor fiska vi heile natta og til lenge etter det var lyst med fluge, men uten at det var noko som tok skikkelig. Til slutt kraup ej til korset og prøvde makken ned Utfallebakkane, ej var borti fisk, men det var ikkje mulig å få fisken fast. Gikk deretter fram for å prøve Svarthølen, men resultatet var det samme her, ingen fangst. I det ej kom ned igjen, slo ej opp ein kaffikopp og gikk for å sjå etter Inge, men han kom meg i møte med ein fin aure på 2,75kg tatt i fremre del av Utfallebakkene på makk. Inge hadde sett ein stor fisk til hoppe bakpå når han hadde landa fisken, men denne hadde ikkje tatt. Men derfor vart vi i området når her var fisk.

Litt etter var det Inge som gikk først nedover med makken, mens ej kom bak. I det han var komen ned i Granhølen, tok ein fisk på bortsida av straumen. Denne satte unna i eit vilt utras 50 meter nedover elva før Inge fikk stoppa den. No var ej komen til for å håve, men fisken var enno langt nede på strekket, men Inge fikk sakte men sikkert rygga den tilbake opp i Granhølen. Her gikk ej skikkelig på trynet i det ej skulle håve fisken og slo kneet noko så jævlig på ein kvass stein, fisken seig ut igjen, men var no ferdig og Inge drog den rett inn igjen. Ej karra meg på føttene, fikk rota auren på 3,99kg opp i håven, og etter jamringa så var nok Inge litt i tvil om kven han skulle kakke først, fisken eller meg. Sola var no komen godt ned i elva, så videre fiske var dødt. Ny pers for Inge, men fortsatt ikkje over 4kg.
28.07 Eidselva Moen   02-14 Igjen skulle ej prøve meg etter dei store på Moen, Inge var på Bjørlo, mens Bjørn fiska på Alsaker. Bjørn fikk ein flott aure på 1,64kg på Sanden før det var lyst, mens på Moen var det veldig stille, fikk nokre mindre aurar, tok den største av dei, ein fisk på 0,75kg for å samle til ein middag, Inge fikk også ein liten aure på 0,7kg i Utfallebakkane, mens Bjørn fikk ein middagsaure på 0,57kg på Fossekanten. Då det virka dødt i fremre del så gikk ej nedover for å prøve. Ej fiska meg heile veien nedover uten å kjenne fisk, ved gjerdet så glei ej og reiv opp heile baksida av bukselåret. Nede på flata var ej borti fisk, men den var forsiktig. Fiska rundt i renna uten å kjenne noko før eitkvart holdt igjen makken mens det var litt småkredenapping. Ej slo til og kunne raskt konstatere at dette ikkje var småkrede. Etter ei æresrunde i renna satte fisken unna så det kvein. Ej letta stanga og håpte den ville stoppe bakpå brekket, men fisken fortsatte ned og ej måtte begynne å følge etter. Fisken hadde no 50m forsprang, men i det minste hadde den stoppa. Fikk den noko fram mens ej gikk den i møte, men etter berre nokre få meter så kom kroken og fisken var fri.

Gikk no fram igjen, snakka med han andre som fiska her sammen med sonen, dei hadde fått ein pjakk på ca.1,5kg. Sa ej hadde vore i fisk nede så dei fiska seg nedover. Ej gikk fram i fremste og fiska meg nedover til Moahølen. Midt bak i hølen tok ein fisk, denne var opp og laga ein diger grøvl på overflata for så å stikke rett på djupet for å stille seg opp. Denne var diger var konklusjonen når fisken vart stående rolig på botnen med fullt press. Etter kvart seig den framover djuprenna, nesten heilt fram før den skar av opp imot straumen og fram imot Krutchsjov, akkurat der storlaksen går tidligare på sesongen. Ej visste her var steinete, så ej fant det tryggast å stå igjen i Moahølen for å ha press rett bakifrå, men når den var komen nesten opp i Krutchsjov så kjente ej av sena gikk rundt ein stein, mens fisken berre fortsatte. Ej gikk oppover og nedover i håp om å klare å løyse det, men nei. Fisken hadde no stoppa og ej klare dra den litt tilbake. Håpte fisken ville komme ned igjen og dermed løyse sena sjølv, men sena stoppa og fisken stoppa. Fisken kunne no gå framover og ej kunne dra den tilbake, men ikkje noko anna skjedde. Ringde då Inge for å høre om ej var så heldig at han var på vei oppover, men han hadde nettopp landa ein laks på 4,5kg i Hjellehølen på fluge, så han hadde ingen planer om å gi seg, og forresten så hadde han snakka med Bjørn og han hadde akkurat landa ein laks på 5,75kg på Fossekanten, så begge ville fortsette ei stund til. No kom han andre fiskeren nedanifrå med ein aure på ca 2kg, og sammen gikk vi fram på øya for å finne ein måte å få løyst fisken, men alt virka håplaust. Tempen var fin både i elva og lufta, ej var alt kliss våt, så ej bestemte meg for å vade ut å sjå om ej kunne løyse sena. Medfiskaren leitte opp ein passande stav til meg og dermed kunne ej vade meg utover i straumen på dei glatte steinene. Elva var ikkje så veldig djup, men nådde meg til slutt godt opp på låra. Plutselig løysna sena og fisken seig nedover imot Moahølen, ej såg fisken og kunne slå fast at størrelsen ikkje var som først trudd, men det var ein fin fisk, spesielt når det visste seg å vere ein aure. Fisken var nesten død, så berginga av auren på 3,11 gikk heilt greitt. Alle 3 pluss medfiskaren min fikk altså fisk omtrent heilt samtidig etter ei natt nesten uten eit napp, og det klokka 10 på formiddagen i solsteiken.
29.07 Eidselva Bjørlo   02-14 Etter eit par bra dager på Bjørlo håpa vi på ny god tur, men det skulle vise seg at det meste var gjort her. Vi var bort i fisk på Utfallebakkane, men vi måtte ned i Granhølen før vi fikk fisk. Her fikk ej ein aure på 700g på innsida av straumen på Bjørlo-sida. Vi fiska framme heile tida, men greidde ikkje å lure fleire fiskar. Elva har no vorte vel lita, så regn hadde gjort seg.
31.07 01.08 Eidselva Hjelle   16-16 Så var turen komen til Hjelle. Vi hadde hatt avskjedsfest for Markus og Dirk kvelden før, mens Ole Jakob fiska Bjørlo. Det enda forresten med at han fikk ein pjakk på 1,5kg i svingen foran Fåhølen. På Hjelle var været fint så vi venta til sola lavna før vi for i elva. Sia elva var så lav så vart det mest flugefiske. Ej mista ganske tidlig ein fisk foran muren øverst på Pina, ikkje alt for stor, sikkert ein aure. I skyminga fiska vi Pina, Inge og Atle hadde fiska over og sat no å slappa av. Ej kom bakerst, og i det eg stod utanfor dei å fiska så beit det med meg, fisken virka større enn den forrige, men det var ingen kjempe. Etter ca. 20 sekund kom fluga uten forvarsel. Like etter var også Inge borti ein fisk på samme plassen, men denne datt enno raskere av. På mørkaste sov eg eit par timer i bilen, mens Inge holdt på. Dette resulterte i at han greidde å nike seg ein brunaure på 900g foran muren fremst på Pina. Etter dette fiska han seg heilt ned i Ny-Ledet, men kjente ikkje noko meir. Utover morgenen fiska vi i området her uten å sjå eller kjenne noko meir.
01.08 02.08 Eidselva Hjelle   16-16 Ettermiddagen fiska vi i området rundt Hammarhølen, vi fiska og utforska områda mellom Hammaren og Bjørkahølen. Her er det ein fin høl, men denne hører visst til motsatt side, dette fordi det er dei som eig holmane i dette området. Utpå kvelden flytta vi nedover til området rundt Skulehushølen, og fiska der heile natta. Vi såg nokre fiskar, og var bortpå eit par, men vi fikk dei ikkje faste. Utpå morgenen pakka vi sammen og gav oss for denne natta.

Neste dag var Atle tidlig i elva, mens vi venta og laga oss middag. Vi snakka med Pappa dagen før, og han anbefalte å prøve spinner oppstrøms. Dette vart diskutert med Atle og det var dette han prøvde i Hammaren etter først å ha fiska over med annen sluk. På første kastet fram langs berget følgde ein mindre fisk etter, men den snudde før den tok. Atle kasta fram igjen for å prøve på fisken igjen, og no hogg det på borte i djupet. Fisken oppførte seg fint, og etter kvart såg han at fisken var betydelig større enn den som følgde etter sist. Han kjempa med ei lita og lånt stang, men fisken var rolig og etter ein spennende kamp kunne han kleppe laksen. No var skjelven så hard at meir fisking var uaktuelt, så derfor så kom han fram igjen for veging og filming. Vekta viste 9,17kg og filmgliset var umulig å verte kvitt.
02.08 03.08 Eidselva Hjelle   16-16 Etter dette måtte vi sjølvsagt prøve Hammaren, men no var alt dødt. Seinare på kvelden prøvde vi området rundt Skulehushølen igjen, men no var det rolig her. Natta vart tilbrakt i Hammarhølen, vi såg nokre få fiskar, men det virka som dei fleste var svarte. Utpå natta vart eg trøtt og kald så særlig effektiv fiska ikkje ej, men Inge hadde trua og stod på. På det mørkaste var det oppe fisk i hølen, og plutselig var det ein fisk som tok fluga hans. Fisken verka bra stor, så vi forberedte oss på ein god kamp. Men etter 3-4 minutt med rolig kamp så vart snøret plutselig slakt. Inge sveiva inn, og der var ingen fluge, fortommen hadde slitna utan forvarsel. No fikk vi fornya tru, men lyset kom og dermed så døde alt vekk igjen. Vi gav oss ganske tidlig, for å kunne prøve litt før kortet var ute. Inge var ein tur nedover til Hjellehølen og Forbyggninga fram imot kl.16, mens eg holdt meg rolig. Han kjente ikkje fisk.
04.08 Eidselva Alsaker 02-14 Vi hadde planlagt Trøndelagstur, men først måtte vi prøve Alsaker igjen. Natta gav ikkje fisk, men utpå morgenen fikk eg ein aure på 0,72kg framme på Sanden. På neste overfaring kom Ole Jakob bak meg med sluken, og i det eg var komen ned på Sanden så kom eit hyl ifrå Ole Jakob som stod i hola. Fast fisk! Eg satte ifrå meg stanga og leita fram håven. Straks såg eg at noko ikkje stemte, oppdrett sa eg til OJ, men neste gang vi fikk eit glimt så såg sporden fin ut, og dermed så håpa vi på storaure. Men neste gang var eg ikkje i tvil, dette var ein fjøsfisk. Men fisken kjempa godt og OJ kosa seg, men etter kvart slakna fisken og eg kunne håve fisken forholdsvis greitt. Som vi allereie hadde konstatert så var det ein oppdrettar, men vekta var flott med 6,8kg. Seinare på morgenen mens eg og Ole Jakob sat i bua og tok ein kaffi, så kom Inge nedanifrå med ein fin pjakk på 1,72kg. Utover formiddagen verka alt heilt dødt, men heilt på slutten var Inge fram i fremste hølen. Her visste det seg at det stod masse fisk heilt borte på Bjørlosida, langt bak på hølen. Inge fiska på dei, men dei ville ikkje ta det Inge hadde å by. No kom regnet når vi endelig hadde bestemt oss for å reise. Inge booka kort til Bjørn og Sindre før vi pakka sammen og kjørte heimover i skikkelig regnvær.
05.08 06.08 Driva Blindjohøl 18-13

Etter å ha grave makk og sove ei natt heime, så var vi igjen på tur, no i retning Gaula i Trøndelag der vi skal møte Atle, som er på AquaNor. Men først skulle vi ha oss nokre døgn i Driva, der dei hadde fiska godt tidligare på sesongen. Men no hadde elva gått mykje ned slik at forholda var litt vanskelig, men på samme tid så gjorde det det lettare å komme til. Vi fikk oss hytte på Furu camping, men her hadde dei ikkje kort til oss, så vi måtte ned på Trædal for å få oss kort. Ukjente som vi var i området vi hadde blinka oss ut, så vart det bingo når det gjaldt sone, men BlindJohølen skulle vise seg å vere ei fin sone.

På kvelden rigga vi oss til og gjorde oss klare, men vinden tok seg opp og det vart storm som gjorde at vi heller la oss og stod tidlig opp. I lysninga tok vi laust, vi måtte leite litt, men fant etter kvart sona, som viste seg å vere flott. Vi starta på rekke og rad i den lange hølen, med Inge først. I det han kom heilt bakpå hølen, der det vart meir stein og bakevjer, så hogg det i. Fisken var seig og kampen vart hard for å hindre den å gå ut av hølen, men etter kvart fikk Inge rygga den godt opp i hølen og eg kunne konstatere at det i alle fall ikkje var villlaks, men var det kludd eller oppdrett. Berginga gikk heilt greitt og som bilda viser, så var det den sorten som Inge helst ikkje vil vise fram. Oppdrettaren viste seg å vege 4,2kg.

Etter dette var vi ivrige i fiskinga, ej og Inge gikk kun med fluge, mens Ole Jakob også prøvde sluken. Vi såg kun ein fisk som hoppa, ikkje lenge etter at Inge hadde landa fisken sin, ellers var alt rolig. Til slutt var tida ute, og vi måtte gi oss. Vi gikk litt rundt for å gjere oss meir kjente, noko som skulle vise seg å vere lurt. Vi inspiserte spesielt området rundt Lisjehølen som vi skulle fiske dagen etter.

Bildet til høgre er tatt like ved bua rett foran BlindJohølen, og viser elva fram imot Lisjehølen, som starter ca der det lyse feltet i baren er, midt i bildet. Legg spesielt merke til felta med bar grus i baren heilt til høgre for kvelden skulle gi store forandringer. Til venstre ser vi også ein stor grusbanke som stakk godt opp av elva. Like etter at vi var tilbake på hytta så friska vinden på igjen og det begynte å regne skikkelig.
06.08 07.08 Driva Lisjhølen 18-13 Vi sov ei stund midt på dag for å hente oss igjen til kveldens fiske, men som i går så kom drittværet, med storm og regn. Så vi sat inne og venta, men kvelden gikk uten bedring, så vi enda opp med å legge oss med håp om værskifte.

Og neste morgen var været brukbart igjen, og det bar i elva. Vi var litt misfornøgde dagen før då hølen var veldig rolig, men no var den perfekt. Som vi ser på bildet til høgre, som er samme motiv som dagen før, tatt ganske nøyaktig eit døgn seinare, så har elva stige med nesten ein meter. Vi såg nokre få fiskar hoppe, men ingen av dei ville ta. Elva var veldig grumsete, og sia ho steig litt heile tida, så vart det ikkje betre. Må være enorme mengder tonn sand som flyttes ein slik dag.
09.08 Gaula Saugen 12-24

Vi var litt i tvil om vi skulle ta nye kort, spesielt sia elva var så stor, og tvilen auka meir når samme været kom for tredje dag på rad. Asbjørn var no på vei innover, men rapporter tilsa at det ikkje var nokon vits å prøve, og som bildet til høgre viser så var det lurt. Dette bildet er tatt morgenen etter, 08.08, og viser Driva i flom. På bildet ser vi fremste del av Lisjehølen og fram elva, på det høgste gikk elva med 600m3/s. Midt på bildet var dagene før ei stor øy med 5m høge tre, denne var no vekk.

Her ser vi synet som møtte oss når vi kom til Orkla, vi hadde håp om mindre elv og eit døgns fiske før vi skulle møte Atle, men som bildet viser, så var alle slusene på Bjørsetdammen åpne og elva gikk i flom. Dermed tok vi turen over fjellet til Gaula og fikk inspisert sona, samt gjort oss litt kjent.

Etter ei lang natts søvn så stilte karene klare på sona, ut ifrå befaringa dagen før så visste vi at vi måtte satse på fisk på vandring, for her var ingen naturlige standplasser, kanskje med unntak for heilt framme ved berget der det var ein kvileplass, men denne er best fiska med makk. Vi var derfor litt mismodige, men elva var i flom og håpet var at det ville komme litt fisk. Inge var første mann med kontakt, men det var kun ein aure på 0,50kg, etter dette var det dødt resten av kvelden. Atle kom nedover igjen ifrå messa og åt sodd sammen med oss.

Bjørn og Sindre fiska natta på Alsaker, og det enda med at Bjørn fikk ein aure på 3,32kg, skikkelig bra!
10.08 Gaula Saugen 00-24 Vi starta dagen med reint flugefiske, sjølvsagt med unntak av sluk-Ole, men fisken glimra med sitt fråvær. Derfor ville ej prøve makken på kveldsøkta. Første gangen ej hadde med makken fram på berget gikk det ikkje lenge før ej var borti fisk. På kastet etter tok den skikkelig, og ej slo til. Fisken stritta imot, men til tross for stor elv til å hjelpe seg, så hadde den ingen ting å stille opp med. Den som meiner at laks er laks har ikkje fiska ei vestlandselv, laksen der er dobbelt så sprek som dette. Til tross for at pjakken vog fine 1,68kg, så den vart berga på eit minutt, og det på mellomstanga. Etter ei pause med meir flugefiske så tok ej makken igjen. Og i løpet av få minutt kunne eg notere meg for ein sjøaure på 0,79kg. På fluga var det ingen som kjente fisk, ga derfor beskjed om at ej gikk fram på berget å henta ein fisk til med makken. Og igjen, på eit av første kasta, så tok ein fisk skikkelig, men dessverre sov eg, så når tilslaget kom så var det for seint. Etter dette var det dødt, for alle sammen. Fiskane vart fortært til middag, og var alldeles nydelig.

Bjørn og Sindre fiska natta på Alsaker med stor suksess, Sindre fikk to pjakkar på 1,1kg og 1,8kg, mens Bjørn fikk ein flott pjakk på 2,88kg og ein fin aure på 1,8kg.
11.08 Gaula Saugen 00-24 Igjen hadde regnet sendt elva i flom, og dermed så skulle forholda vere på topp på denne sida av elva, men elva virka ganske død. Utover dagen falt elva, og då kom også fisken, men då gikk den i hovedsak på andre sida av elva. Der tok dei fleire fiskar, mens vi lunnja. Derfor vart det ikkje laks denne dagen, men burger til middag.

Bjørn og Sindre fiska natta på Alsaker, men vart også dei fiskelause.
12.08 Gaula Saugen 00-12 Vi hadde vorte ganske motlause, og når elva då var flomstor på morgenen igjen, så fiska vi ikkje dei siste timane. Vi snakka om å prøve på vei heimover, men flommen hindra dette, så derfor vart der frihelg..

Måtte ta med eit bilde av gjengen, her ser vi f.v. Ole Jakob, Asbjørn, Torgrim, Inge og Atle.

Sindre fiska på Moen, men det enda med bomtur.
26.08 Eidselva Hildenes 14-02 Mens ej var heime å feira 40års dag hos Idar, så fiska Inge 19.08 Kvien på kvelden, 20.08 fiska Inge Kvien på morgenen, 21.08 fiska Inge Kvien på morgenen.

Men siste helga på Eid så var ej tilbake. Elva hadde no fått nokre vanndråper, men var fortsatt lita, så derfor håpte ej at Hildenes skulle kunne gi fangst, men den gang ei, alt var heilt dødt, både her og hos Inge som fiska Staten.
27.08 Eidselva Staten   02-14 Etter at Inge hadde fiska her før meg, og ikkje kjent hugg, så var ej ikkje veldig optimistisk. Men ej såg fleire fiskar og slo av sena på 3 fiskar, fortvilande, men lite å gjere noko med, anna enn sjølvsagt å kaste spolen med sene. Inge fiska Langeland, heller ikkje her mykje fisk, men han fikk ein litt skrinn pjakk på 1,57kg. Fisken tok ved den store steinen, på Roti, på nedre del av sona.
27.08 Eidselva Kvien    14-02 Vi fiska ifrå sola lavna og til etter det vart godt mørkt. Det hadde blitt rydda endelig, så no var her fint å fiske. Såg folk som fiska i forbudsona framme i fossen, men hadde ikkje med telefon slik at vi fikk meldt ifrå. Inge såg ein laks hoppe framme i Hammaren, men det var det nærmeste vi kom fisk denne kvelden.
28.08 Eidselva Alsaker 02-14 Vi avslutta i Eidselva der vi starta, og som resten av året så var det ganske dødt her. Såg kun nokre få fiskar. Ej greidde til slutt å nike meg ein flott pjakk på 1,80kg i hølen oppe på fossekanten. Bortsett ifrå dette var det lite å kjenne langs elva. Heller ikkje i år kom det ny aure på elva i slutten av sesongen, slik det gjorde nokre år på slutten av 90-talet. Totalt eit middels år på Eid, det klare vatnet gjorde fisket vanskelig store deler av sesongen.
03.09 Strynelva Sone 1&5 00-24 Det hadde ikkje vorte Strynetur på oss før i sommar, så vi såg fram til endelig å prøve denne flotte elva. Vi brukte fredagskvelden til å oppsummere årets sesong for å hjelpe gutta på Eid litt med statestikkføring. Dette gav at vi karane på vogna, sammen med Atle, OJ og Svein Tore sine fiskar på Eid kom opp i knappe 185kg, dermed oppstod 200kg som eit sesong-mål for dei to siste fiskehelgene. Håpet var sjølvsagt å treffe borti det slik av vi i løpet av denne helga hadde klart det, men avslutninga på Stryn siste åra gav oss ikkje mykje håp.

Vi fikk oss ikkje kort lenger framme i år, så derfor vart det nede i flopåvirka område. Vi starta med fiske på sone 5 i lysninga. Vi hadde ikkje fiska nettopp denne sona før, så vi starta heilt framme ved hengebrua, men det kunne vi spart oss for her var det vanskelig. Men lenger nedover var ok, i alle fall med makk. Utover morgenen plukka Inge to aurar rundt nedkanten av holmen. Vi var borti fleire fiskar, men dei var veldig forsiktige og umulig å få faste. På formiddagen prøvde vi også på sona 1, uten at vi fikk noko der. Vi var ut igjen på vogna å laga oss middag og fikk stelt fisken. På kvelden var vi igjen på plass på sone 5, igjen var vi bort i fleire fiskar, men vi lyktes ikkje i motsetning til dei på andre sia som fikk ein fin pjakk. På kvelden når floa gjorde det vanskelig på sone 5 så flytta vi fram på sone 1. Her nogg vi oss ein sjøaure til, ein fin fisk på 0,96kg tok fluga til Inge mens ej stod for roinga. Seinare på kvelden hadde ej ein fisk på samme størrelse oppunder båten, men denne kom seg unna med livet i behold. Dei to andre fiskane Inge fikk vog 0,65kg og 0,95kg.
04.09 Strynelva Sone 1&4 00-12 Korta på sone 1 vart ikkje brukte anna enn nokre minutt rundt midnatt, før vi kjørte ut igjen for å sove eit par timar. Vi var også denne dagen på plass i lysninga, og no skulle vi fiske på favorittsona mi her nede. Det var stille første timene, men etter kvart begynte floa å virke inn på hølen nedanfor og dette virka sette litt meir fart i fisken. Vi var etter kvart borti ein og annen fisken, men dei var veldig forsiktige, men eg nogg meg eit par mindre fiskar på 0,57kg og 0,73kg. Inge prøvde seg framover og då brukte ej tida godt og huka ein flott aure. Fisken ville nedover, men det var ikkje ej interessert i og kjempa imot. Til slutt fikk ej fisken på gli og fikk den godt opp i hølen. Fisken var seig, men til slutt fikk ej overtaket, og kunne etter nokre minutt lande ein flott storprikket aure på 2,3kg. Inge såg det var fisk på gong så han kom straks nedover igjen. Han såg straks ein stor aure hoppe, men denne ville ikkje ta. Men like etter kroka han ein aure på 0,68kg. No var floa komen langt fram og alt stilna av igjen. Snakka med eit par karer som hadde vore her torsdagen før og då gikk store stimer med storaure, synd vi ikkje hadde kort lenger framme, men ej var tross alt fornøgd. No var totalen oppe i 191,19kg så 8,81kg var målet for neste helg.
09.09 10.09 Driva Bjørbekk 18-13 Vi huska tilbake på fjoråret då vi fiska på den flotte Hjelle-sona, det var ein flott tur, men vi måtte overgå dei 6,75kg som vi fikk i fjor med vel 2kg.

OJ enda i sjukesenga, så ej og Inge måtte klare oss sjølve. Vi kom opp til klokka var 18 og var raske med å få på oss for å kome igang med jakta på dei 8,81kiloa vi hadde satt oss føre. Vi hadde bestemt oss for å starte heilt framme imot Hjelle, men her var folk, så vi satsa på å fiske omtrent midt på. Og endelig såg fru Fortuna til å smile til oss, for mens vi rigga stenger, så hoppa ein fin fisk på 4-5kg rett ut forbi oss. Vi hivde oss rundt å fikk uti flugene. Hølen var nydelig flott med fint jevnt drag, framme i innløpet til hølen var ein del stein, mens bakover verka det som botnen var jevnere. Vi fiska hølen til endes 2 gonger før det vart mørkt, uten at vi kjende eller såg noko meir. Fisken hadde visst berre holdt oss for narr. På veien ned igjen kom også regnet, skulle vi få ødelagt turen slik som sist, eller skulle det verte gode forhold.

Etter ei kald natt for meg, som hadde gløymt igjen soveposen heime, så vart vi møtt av nysnø langt ned i fjella rundt oss. Men som bildet viser, så var været aldeles nydelig. No såg vi ikkje folk i fremste hølene, så vi starta her, Inge fiska fremste, mens ej fiska hølen nedenfor. Innløpet gav ikkje fisk, men når hølen flata ut og vart djupare, så var det ein aure som lot seg friste. Det var ikkje ein stor kludd, så auren på 1,00kg var ingen kamp med 2-handstang. Håpet var at dette skulle vise vei for korleis vi skulle klare målet vårt, men det vart med denne fisken her til tross for ivrig kasting i fleire timar.

Vi snakka med han som hadde fiska her dagen før, og som hadde starta her klokka 4, og no hadde prøvd litt lenger nede, men han hadde verken sett eller kjent fisk. Vi snakka også med ein som hadde fiska her heile veka, og auren min var den første fisken han hadde sett. Vi hadde derfor veldig dårlig tru, men når vi kom ned til brua for å fiske der, så bar dei rundt på ein fisk på ca. 10kg på andre sida, og då var trua tilbake. Vi fiska her, men her var det vanskelig, så mens Inge fortsatte nedover, så sjekka ej på brua. Nedanfor stod ein fin fisk, så her var meir fisk. Vi fiska oss heile veien nedover til hølen der vi var dagen før, vi såg eit par fiskar, og hadde eit par forsiktige drag, men ingen som lot seg friste skikkelig. Når vi kom fram igjen sjekka vi brua og her var no fisketomt, så det var tydelig at fisken var i bevegelse. No var første døgnet over, og vi hadde berre komt eit kilo nærmare målet vårt på 8,81kg. Vi måtte håpe på siste døgnet.
10.09 11.09 Driva Bjørbekk 18-13 Så var det siste kortet for i år, og skulle vi klare målet vårt? Det ville i så fall seie at vi måtte få 7,81kg fisk i løpet av sesongens 19 siste timer. Det kunne sjølvsagt gjøres enkelt med å få ein stor fisk, men så var det det då...

Vi hadde stoppa på stålbrua på vei ned igjen etter formiddagsøkta og sett eit par fiskar stå her, og når vi no kom fram igjen så var fiskene vekk. Vi tenkte at vi kanskje skulle prøve å leite etter desse fiskene, men området vi hadde fiska på formiddagen frista ikkje så mykje, her var noko grunt, så vi trudde ikkje dette var standplassar.

Derfor satsa vi i området ned imot nedre grense. Her var det skikkelig flott å fiske, med utsikt langt nedover som gjorde at vi følte vi hadde god kontroll på om det kom fisk. Vi var trottige og stod på med minimalt med pauser. Jevnt og trutt var det også fisk oppe, ikkje dei store, men vi kunne gjerne fordele dei 7,81kg på 6-7 fisker vi om det var det. I skyminga kom det nokre større fiskar som var oppi, men dei nekta plent å slå etter fluga. Etter kvart kom mørket og det vart bikkjekaldt. Vi hadde planlagt nattfiske og prøvde å få igang eit bål, men her var lite tørt trevirke, så vi gav etter kvart opp det prosjektet og satsa på søvn og heller tidlig morgenfiske i staden. No var det berre ein morgen og formiddag igjen av årets sesong og håpet om å klare vårt lille mål verka fjernt.

No hadde vi fiska omtrent kontinuerlig mens det var lyst med unntak av fredninga midt på dag. Ej hadde fiska med 20m lang klump, RIO Midspey, heile tida, så armene var etter kvart forholdsvis lange. Dette er tungt for ei kontor-rotte, men det var berre å stå på, for vi hadde nokre kilo med fisk vi måtte ordne.

Siste morgenøkta starta vi framme igjen, men samme kor ivrige vi enn var så verken kjente eller såg vi liv. Vi flytta ned til brua og hølen som hadde gitt storlaks på andre sida dagen før. Men til tross for iherdig fisking, mest av Inge for ej følte det som om hendene rakk heilt ned til marka, så nekta fisken å samarbeide.

Klokka var no 11 og vi hadde nesten gitt opp, men vi tenkte vi måtte stoppe på stålbrua igjen for å sjå om her var fisk no. Men vi såg ikkje fisk, likevel bestemte vi oss for å prøve å fiske her, mest for å gjere oss kjente under og foran brua. Vi trudde vi skulle ha problem å fiske nedanfor brua, men det viste seg å vere enkelt å nå bort, men ej var som sagt heilt ferdig i hendene så det vart ein del plasking, så om her stod fisk, så hadde ej skremt dei lenge før ej fikk fluga over fisken. Inge han gikk i staden fram i hølen foran for å fiske denne. Sia han var ukjent starta han litt langt framme, slik at når ej kom fram så måtte ej sette meg å vente litt, før ej kunne følge etter han nedover hølen. I det han var komen på høgde med meg, så hogg det inne på grunna idet han holdt på å dra inn. Fisken var rolig og sløv, så vi trudde ikkje den var så stor, men etter kvart fikk vi sett den, og såg at det var ein fin fisk, men raskt vart det også klart at det var ein oppdretter. Berginga gikk heilt greitt og dermed så var vi 4,56kg nærmare målet vårt.

Vi anslo at vi no var ca. 3,5kg unna målet, og dermed virka det plutselig å vere innenfor rekkevidde. Så med fornya tru så satte eg igang øverst i hølen, og mens ej fiska meg nedover så var det oppe eit par mindre fiskar heilt bortunder andre landet, men dei snusa ikkje på fluga mi. Inge som kom bak meg kjente heller ikkje fisk, og fortsatte derfor videre nedover for der ej gav meg. Godt nedpå var der oppe fisk, men dei ville ikkje bite på hos Inge. Men han fortsatte nedover og brått stod stanga i full bue. Men berre for nokre få sekund, så kom fluga og eit vræl ifrå Inge. Så nær var vi 200kg.

Ej hadde starta på ny tur, og no livna det enno meir til i hølen, det var oppe fleire fiskar og bakpå hølen så drog ein fisk godt i fluga mi. Ej letta stanga, men då vart det slakk line igjen. Pokker, det var sjanse nummer 2 og no hadde vi sløsa vekk begge. Hadde ej gitt slakke i staden for å lette stanga...

Så kom Inge fram igjen og fulgte i mine spor, men denne gongen ville ikkje fisken. No var klokka 12.30 og sia det no hadde roa seg i hølen, så hadde vi begynt å miste trua. Men når vi sat å prata så hoppa ein fin fisk heilt framme i innløpet. Ej vassa ut og fiska innløpet til hølen nøye, i det ej var ferdig her og hadde starta nedover så var ein diger fisk oppe og rulla seg i overflata. Ej fiska meg ned imot og prøvde alt, men til inga nytte, fisken nekta å ta fluga, så ej fiska ut hølen og gav opp. No var det 10 minutt igjen. Inge grov lengst ned i flugeboksa, og fant den største og kvitaste fluga han hadde. Denne satte han på og vassa ut i innløpet. 2 minutt seinare, 8 minutt før laksesesongen var over tok ein fisk fluga hans. Han var syndig klar over kva det kunne bety for 200kg grensa, så han slo til som ein ekte tørrfluge-fantast. Fisken vart fast og vi pusta letta, no var spørsmålet, var fisken 3,5kg slik at vi kunne feire 200kg? Ja, kven veit for etter 20 sekund så kom fluga i retur, og begge satte i eit hyl, så nær...

Men Inge er ikkje den som gir opp når det er 7 minutt fisketid igjen på eit kort, og 3 kast seinare så kom ein fisk opp og tok fluga. No hadde vi gitt opp så Inge var roligere denne gongen og gav slakke, og dermed fikk fisken dei ekstra sekunda til å snu ned før tilslaget kom. Med 6 minutt igjen hadde vi fått ein siste sjanse. Fisken rulla i overflata og verka stor, definitivt stor nok, kanskje også diger meinte eg, men han som styrte stanga kunne berolige meg med at den var fin, men ikkje noko meir. Denne var langt friskere enn den forrige han fikk, og Inge måtte til å kjøre fisken skikkelig for å berge den. Men ein tur fram gjennom innløpstryket tok verste luven av fisken, og etter 4 minutts kamp kunne vi håve fisken, ein flott laks på 5,34kg. No visste vi at vi var over den magiske grensa vi hadde satt oss. Om vi fiska også dei siste 2 minutta, ja klart det, ej hadde sjølv rota nederst i flugeboksa, så då måtte det prøvast. Resultat? Masse mislykka kast og berre rot, hendene mine hadde gjort sitt for denne helga. Det var godt ej ikkje måtte bære fiskane opp igjen i bilen, for løftehøgda mi var nok minimal. Men ej greidde då å løfte kameraet og feste Inge til filmen, og denne gongen fikk ej lov å filme han med ein oppdrettar også. Dermed kunne vi returnere til campingen med årsbeste både for denne sona og for campingen, ikkje dårlig.

Det er nok eit par lekser å lære her, sjølvsagt aldri gi opp, men også at 20m klump er greitt i kortere perioder, men alt for tungt for intensivt fiske i dagesvis, i alle fall for ei kontor-rotte.

Endelig resultat enda dermed på 202,09kg. No har eg seinare funne ein fisk som mangla i listene, ein aure, faktisk ein brunaure ifrå Eid på 900g (02.08.06) slik at dette seinare vart justert opp til 202,99kg, men det endra ingen av forutsetningene for denne siste turen.

29.12 Var å prøve i straumene ved bruene ned på Mjølstadneset, men hverken ej, Inge eller Atle såg eller kjente sikker fisk på silda. Men det var vel som venta når ein stor kobbe låg å rulla seg inne på bassenget.

 

 

OPPSUMMERING 2005

Etter ein oppløftende fjorårsesongen for meg, så var det Inge som var den hevngjerrige i år. Sjøauresesongen oppsummerer vi raskt, katastrofe. Ikkje ein einaste skikkelig fisk som var verdt å ta med heim, det til tross for 18 turar. Og hadde vi sett fisk med størrelse då, men det var få, men oppløftende med masse småfisk langs land.

Som vanlig vart ikkje juni min måned, men eit lite lysglimt var det i alle fall, ej fikk min første juni-laks på Eid, og eg hadde på endå ein som gikk rundt eit tre borte i elva og sleit. Inge hadde ein vanlig juni med fleire fiskar, men meir aure og oppdrett enn tidligare år, berre ein laks.

Juli starta flott med to flotte laksar på Alsaker, årets største for både meg og Inge faktisk. Så hadde Inge ein stormorgen på fluga på Staten, som ej hevna dagen etter, slik som det bruker være. Ferien starta som vanlig med godt fiske, men den minkande glassklare elva gjorde det ekstremt vanskelig. I denne perioden herja også ein kobb i elva, men etter ei spennande jakt så enda denne sine dager. Siste del av ferien på Eid vart prega av vannmangel, men regnet kom i alle fall på trøndelagsturen vår, med flom heile turen. Og dermed var vel lista lagd, lite fisk, men ikkje heilt fritt.

Men vi hadde bestemt oss for å avslutte som i fjor, på Stryn og i Driva. Stryn var spennende med meir fisk enn tidligare år på samme tida. Driva var nydelig med ein flott prikk over årets sesong, 200kg fisk.

Resten av året var jobb, jobb og jobb, men ein luftetur i jula vart det tid til.

Årets opptur var nok åpninga og slutten, mens årets nedtur var heilt klart storlaksen som sleit og forsvant i djupet også på åpninga. Årets laksefisker må vere Atle, som berga sesongen med berre to fisker, 6,6kg og 9,17kg. Årets hengelippe var Inge etter at storlaksen forsvant på Stokkenes etter ein heftig kamp på lett utstyr. Årets skuffelse var igjen flugefisket som var elendig heile sesongen, og vårfisket etter auren. Årets total, 35-28 seier til Inge i Eidselva.

 Målet for neste år må vere å gjere ein jevnere juni, samt å komme over Inge i totalfangst igjen. Og så må vi klare ny aure-rekord, og hadde det ikkje vore flott med ein laks over 10kg med?

 

 
Til Toppen

 

Send meg e-mail

 

 Sida sist oppdatert :

06.07.2010